الي عندها الحل تساعدني ارجوكم لان مافي دكتوره ساعدتني

السلام عليكم
ارحب بكل العضوات في هذا المنتدى بصراحه اول مره اشارك في منتدى لاني احب استفيد
هذا المنتدى الوحيد الي شجعني اشارك عشا ن استفيد وافيد ووجدت فيه ظالتي
حبيت اشاركم معاناتكم الي اني في الحقيقه ااعانيها
صار لي سنه وشهر تقريبا من زواجنا مشلكتي كانت كبيره من بدايه الزواج وبستغربوا منها
كلنا سمعنا عن اول ليله والالام والمخاوف وتحققت لي هذي الالام والمخاوف لكن مو بس الليله الاولى كل ليله ولحد يومكم هذا واني اعاني المهم رحت المستشفى بعد 3 اشهر من زواجي قالت اذا مو جفاف او ضيق اكيد حاله نفسيه عطتني كريمات بس هذي الكريمات تخذر وتمنع الحمل فتركتها بعد 7اشهر من الزواج رحت المستشفى طلع معاي فطريات عطتني علاج لمدة اسبوع والحمدلله راحت ولكن مافاد كان الم موجود بعد 11شهر قرات في احد المنتديات عن قرحة الرحم وتصدقوا يمكن تقولوا هبله كنت فرحانه انا اعراض القرحه نفس الاعراض الي فيي رحت على طول المستشفى حتى ان دكتوره قالت اول مره اتجي لي وحده تقول انها متاكده فيها القرحه كنت اتمنى تكون فيي قرحه عشان تنتهي الكوابيس الي اعانيها ويروح الالم وانجب واعيش مثل كل مراه متزوجه وبعدين عملت لي منظار طلع مافيي شي بس التهابات خفيفه وعالجتها كمان في اسبوع ورجعت من الصفر وافكر ليش هالالام ومتى بتنتهي ومتى بعيش زي اي متزوجه والله بعيش مع الالم طول حياتي ومتى بنجب اولالاد وهل هذي الالام هي الي مسببه لي العقم وعشت طول هذي السنه في حزن وكدر وكنت اخبي مشاعري وماحد يدري عني حتى زوجي اختلي بروحي واقعد ابكي وابكي لكن ماانسى ان في احد يسمعني وهو قادر على ان يستجيب الى دعاءنا ولكن يمتحن صبرنا المهم بعد سنه من الزواج رحت عملت التحاليل حق الهرمونات وفحص البويضات وطلعت النتيجه ولله الحمد كل شي سليم بس عندي ارتفاع في هرمون الحليب والحين اخذ العلاج لمدة شهر حبتين وموعدي الاسبوع القادم عشان نشوف اذا نزل او لا
اسالكم الدعاء اسفه على التطويل بس اعذرو ني هذي اول مره اشكي حالي الى احد