شو ممكن أسوي بالصبغ الزايد؟!! =|

السلام عليكم و رحمة الله و بركاته



الله يسلمكم أنا حالياً أصبغ غرفتي بمساعدة الوالد..
و وصلنا آخر شي خلاص

استخدمت فيها ثلاث ألوان
فكرة الجدار المخطط اللي أتوقع الكل يعرفها..<< وايد طايحين فيها هالأيام خخخخخخخخ
يعني 3 جدران سادة و واحد مخطط بالألوان الثلاثة =)



طيب

مشكلتي إنه الصبغ="البوية" زاد من كل الألوان!!
و مافي مجال إني أصبغ أي جدار ثاني في البيت..لأنه تونا صابغين ><
و لا أعرف أرسم ولا كان نقشت الجدران السادة خخخخ


الحين السؤال
شو ممكن أسوي بالصبغ الزايد؟!! =|

يعني أفكار بحيث إنه ما يعفن و ينرمى بالزبالة
والله ما يهون علي الخساير اللي دفعتها فيها بعدين أرميه ><



أنا طلعت معاي فكرة وحدة بس..
وهو إني أصبغ 9 لوحات مربعة بالألوان اللي عندي
و أعلقهم منفصلات على الجدار السادة.. و إن شا الله تضبط الحركة

لكن بيزيد عندي الصبغ
فكيف ممكن أستغله؟؟!