ينقل من الساخنه للاطباق

أهلين اذا قطعتي الدجاج حطيه في مويه وملح شوي واذا عندك خل تفاح حطي ملعقه صغيره مع المويه بدل الملح بعدين حطي البصل والزيت وخليه لين يصفر تروح ريحة البصل وحطي عليه بهارات عدله عودين دارسين ورقتين غار ست حبات هيل مع البصل حركيها بعدين حطي الدجاج والملح وقصري عليه لين تطلع مويته ويشربها تقريبا ثلث ساعه بعدها حطي المويه وخليه يطبخ وكان المشكله ان الدجاج فيه نكهه شينه ترا نوعه أنا استخدم الأخوين جيد وفيه ساديا وفقيه بعض الدجاج طعمه كنه علاج مدري ليش ؟

حياتي كثير من الاخوات ردوا عليك وان شاء الله افادوك
بس انا مو فاهمه وش قصدك اي طبق فيه دجاج ينتقده زوجك
ويقول فيه ريحه ؟؟
او اطباق معينه ؟؟
اذا كانت كل الاطباق فالاخوات افادوك يمكن نوعية الدجاج نفسه
المبرد افضل من المجمد و طريقة غسله بالملح الخشن
ثمن بالدقيق ثم تصفيييييييينه زين
واذا بتسلقينه بعد ما يغلي غلوه وتطلع زفرته تشيليها كلها
ثمن تحطي عليه بهارات عدله
ان شاء الله اكون افدتك
واي استفسار جاهزين بس انتي وضحي مثل ما قلت لك

عندي لك طريقة تعجبك وهي انك بعد ما تغسلين الدجاج زين وتنظفينه بملح وخل خوذي بهارات مطحونه مكونه من كزبرة وكمون وكركم وفلفل اسود وثوم وشوية بهارات مشكلة وقليل من الليمون الاسود الناشف المطحون وملح وافركي بها الدجاجة من برى وجوى زين جيبي كيس خاص بالفرن وحطي الدجاجة فيه مع كاسة ماء فقط واذا حابة تحطي خضار مثل البصل والبطاطس والجزر تقطيع كبير شوي وثوم بس ملحي الخضرة وبهريها قبل ما تحطينها مع الدجاج وبالصينينة بالفرن من تحت لمدة ساعة وربع راح تشوفي الدجاج تحمر من جميع الجهات وفي نفس الوقت طعمه روعه
ملاحظة صلحي شقوق بالكيس من اعلى بالسكين اربع الى خمس شقوق مجرد تدخلي السكين بالكيس وتطلعينه وممكن تحطي القليل من الصويا صوص مع الخضرة وخلطة الدجاج
جربيها وماراح تندمي وراسليني بعد تجربتها وعطيني رايك بالطريقة