ماعاد ينفع معها الكلام الحلو وصارت اكثر وقاحة من قبل لاوبعد تستهر فيني انا يا امها !!

السلام عليكم ورحمة الله وبركاته

يا اخواتي بنتي الي عمرها 12 سنة سبق وكتبت موضوع عنها وانا طبقت نصايحكم
بانه احتويها واكون اكثر هداوة من قبل البنت في كل مرة تتمادى واليوم رجعت من
المدرسة وهي مبسوطة عادي ومافيها شي وبعدها بشوي قالت لي ابغى تسوين لي تسريحة
عشان بكرة المدرسة لانها ملت من ذيل الحصان وسويت لها تسريحة ناعمة وحلوة
قالت لا ما ابغى هذي وهي معصبة وتنافخ وتصرخ شوي وفوق هذا مطيرة عيونها حتى
ما قالت شكرا ياماما بنات زمانهم المهم انا قلت لها تأدبي ولاترفعين صوتك وهي مازالت تصرخ
انا مسكت نفسي وبعدها بشوي راحت وجابت دروسها وقالت عندي اختبار بكرة وجلست
اذاكر لها هي واختها المهم وانا اطالع الاسئلة القى الاجوبة مالها دخل في السؤال ولما
قلت لها ليش اجوبتك غلط رجعت تصرررررخ وتطير عيونها علي من جديد وانا اقولها يابنت اعقلي
ولاتقللين ادبك معي وهي مستمرررة وبالاخير قلت ماراح اذاكر لك ويالله على غرفتك
تصوروا من عصبيتها قطعت اوراق الاسئلة الي اعطتها اياها المعلمة ورمتها وانتم بكرامة بالزبالة
كلها من عصبيتها الي ما ادري على ايش هي فجأة انفجرت وقبل كانت تسولف وتضحك
وبمجرد جت اختها تذاكر معها زادت عصبيتها واخلاقها طلعت زفت من جد والله ماينفع معها كلام حلو
وربي لو اجلس اضحك واسولف معها بسالفة عادية تسكتني وتقول طيب وش اسوي لك !!!!
او تجلس تكرر نفس الكلام الي اقوله تصوروا لحد وين وصلت وقاحتها تقولي هذا مزح يا ماما انا
جالسة اضحك معك وربي حتى اخوها الكبير الي عمرها 16 سنة مثلها وبنفس اسلوبها الحين
اختها بدات تصير مثلها .. والله اذا ضحكت معهم يستهترون فيني واذا شديت عليهم يكرهوني
وش اسوي لهم وبالاخص هي وش اسوي لها لانها في كل مرة تعصب يصدع راسها
وعصبيتها تزداد اكثر واكثر .. هي واختها محافظين على الصلاة ولله الحمد ويقرأون القرآن والاذكار
بس ليش كذا معاملتهم معي .. سبحان الله ماطلعوا مثل اختهم الكبيرة عمرها 18 سنة ربي يحفظها
ويسعدها قلبها طيب وحنونة بس فيها عيب ماتحب تشتغل وتنظف بالبيت ياربي صبرني عليهم يارب :44:
انا مريضة وعندي غدة ولما اعصب تنتفخ وتألمني مررررة .. الشكوى لله :(