تعالوووا واسوني صبغت شعري هاي لايت وتغير 180 درجه :(

العناية بالشعر

اااه يابنات

والله العظيم اني اكتب هالموضوع وانا مقهوووره ومتحسففه بقوووه

بس ابيكم تتعضون من تجربتي ولا تسلمون شعوركم للفلبينيات خصوصا لانهم يعاملون شعورنا زي شعورهم وهو فرررق حنا شعورنا ماتتحملل شي

بقول لكم سالفتي وبااذكر اسم المشغل لانهم هم اللي يتحملون المسؤليه اسم المشغل ( جمالك )

واسم الكووفيره (تيس) جنسيتها فلبينيه طبعا مو بس هي كلهم الله يهديهم

ياليت ماتحذفونه عشان ينتبهوون البنات

رحت لهم يوم الجمعه كذا فضااوه ماعندي شي قلت خليني اصبغ شعري صار لي زماان ماصبغته

اول مادخلت شفت زبونه تتهاوش مع وحده من الكوفيرات تقول ليش تقصين شعري كذا مو حلو والمسكينه معصبه مره

انا كنت قاصه كرت عشان الهاي لايت وكنت خلاص بااهون يوم شفت الحرمه (ياليتني هونت)

المهم اني بهاللحظه صرت محتاااره بقووه ورحت صليت استخااره

وبالاخير قلت للكوفيره سوي لي خصله تجربه لاني ماصار لي محنيه شعري غير 6 شهور

قالت لااا موب لاازم انتي شعرك بيطلع اللون على طوول انا اعرف

قلت يابنت الحلال لاازم

قالت لااا انا عرف

قلت يالله هي ابخص مني لها 15 سنه

و اول شي صبغت الارضيه مفس لون شعري ماتغير ابد ماكني صابغه ( كنك يابو زيد ماغزيت)

اللهم كش شعري شوي بس

وبعدين طلعت الخصل وحطت عليهم ماده زرقاء اول مره اشوف صبغه لونها ازررق ؟؟

المهم ويوم حطت قالت لي اجلسي تحت البخار وجلست

وهي جالسه تصبغ وحده ثانيه ونستني وبعدين جت وقالت لي خلاص قومي واجلسي هنا (تقصد على الكرسي اللي مافيه بخاار)

قلت لاا خلني اجلس عند البخار احسن وهي تناظرني وساكته ماقالت شي

ويوم جيت اغسل شعري الا ويطيح نص الخصل بالمغسله :(

اللي ورا مافيه ولا خصله وحده كلهاااااااااااا طاحت

تخيلوا امشط شعري ويطيح واناظر الخصل ماااايعه

يوم قلت ليش كذا ؟؟؟ قالت انتي جلستي زياده انا قلت قومي وانتي ماقمت

قلت انا ماادري انها بتطيح لو جلست ليش ماقلتي انتي ؟؟

وقسم بالله شعر ي ماعاد احسه الاول تحسفت وجاني هم كبر الجبال

هذا غير اللون اللي طلع ( الخصل اللي قدام ماطاحوا كلهم )

بس تعالي شوفي الجوانب لونها اوراانج واللي فووق لونهم اصفرر

هذا غير الخشووونه اللي صارت والله يابنات انا كان شعري مو ذاك الزود بس اذا استشورته يطلع له لمعه بس اللحين لا لمعه ولا شي بس كششه حتى ماصرت اناظر نفسي بالمرايه

ومدري وش اسوي ؟؟ :( كل ماتذكرت السالفه تخنقني العبره
9
2K

يلزم عليك تسجيل الدخول أولًا لكتابة تعليق.

تسجيل دخول

اصابع الزمن
اصابع الزمن
من جد مآساة مع المشاغل...متى تلاقين وحده تضبط شعرك على ماتبين!!الله المستعان
الله يكون في عونك ويعوضك خير
مليحةالعرب
مليحةالعرب
يالله قصتك تضيق الصدر
من جد موقف ماتحسدين عليه
كل مشكلة ولها حل باذن الله
اول شئ قصقصي شعرك اذا متخرب على الاقل الاطراف..
اهتمي فيه
روحي كل اسبوع سوي لشعرك حمام زيت
تراه مفعوله رهههههيب
بس عاد لاتروحين لاي صالون يجربون فيك زيوتهم!!
روحي لناس ثقة ويخافون الله
وصدقيني بيرجع ان شاءالله احسن من اول
وان بغيتي اعطيك اسماء الصالونات الامينة الي اتعامل معها ..بلغيني..
على فكرة ترى حمام الزيت في الصالون غير البيت..هذا والله اعلم
الله يكشف ضرك اختي

غفرالله لي ولكم
نعومه17
نعومه17
للرفع
انا حنان الكون كله
اااااااااااااااااااااااااااه ... ذكرتيني بمصيبتي اقراي الرابط يمكن تستفيدين
http://forum.hawaaworld.com/showthread.php?t=784456&page=2

- بس انا انصحك ماتصبغينه الحين ولا يقصون عليكي بسحب اللون انتبببببببببببهي انا حذرتك .. لانه ضحكوا علي ...ولا تحنينه ابدا ابدا ابدا .. الحناء وراء الصبغه حريقه ثانيه وشعرك بيذوب من غير شر .. ماعندك الا مثلي احط الصبارالصمغ اللي داخله والزيوت والكريمات واكل جرجير واشرب عصير جزر فرش ( لان فيه الكاروتين اللي منها نسيج الشعره ) بالاضافه الى بخاخ ريجين للتساقط وفيتامينات وشامبو وكريم كلهم من الدكتور .. بس مع الاسف لازال ملمسه زي البلاستيك لانه ماصار له اكثر من اسبوعين بس باذن الله شعورنا بترجع احسن واقوى وعساه خيرة ياقلبي عشان نهتم فيه... لكن املي بالله قوي...
مادام معاي القمر
اااااااااااااااااااااااااااه ... ذكرتيني بمصيبتي اقراي الرابط يمكن تستفيدين http://forum.hawaaworld.com/showthread.php?t=784456&page=2 - بس انا انصحك ماتصبغينه الحين ولا يقصون عليكي بسحب اللون انتبببببببببببهي انا حذرتك .. لانه ضحكوا علي ...ولا تحنينه ابدا ابدا ابدا .. الحناء وراء الصبغه حريقه ثانيه وشعرك بيذوب من غير شر .. ماعندك الا مثلي احط الصبارالصمغ اللي داخله والزيوت والكريمات واكل جرجير واشرب عصير جزر فرش ( لان فيه الكاروتين اللي منها نسيج الشعره ) بالاضافه الى بخاخ ريجين للتساقط وفيتامينات وشامبو وكريم كلهم من الدكتور .. بس مع الاسف لازال ملمسه زي البلاستيك لانه ماصار له اكثر من اسبوعين بس باذن الله شعورنا بترجع احسن واقوى وعساه خيرة ياقلبي عشان نهتم فيه... لكن املي بالله قوي...
اااااااااااااااااااااااااااه ... ذكرتيني بمصيبتي اقراي الرابط يمكن تستفيدين...
الله يعينك ويعوضك اهتمي فيه مرره واصبغي بني غامق بعد كم اسبوع من قارنيه وانسي الصبغات فتره :26: :26: