في حلقة في برنامج اوبرا ,,ما أدري اذا شفتوها والا لا...عني ما شفتها بس قريت النص مالها في موقع اوبرا ,,اتحمست اني اشوفها ..الحلقة تتكلم عن النساء في عمر الثلاثين في امريكا "Thirty-Something in America"
عموما هذا نص موضوع منقوول ومعدل من أحد المنتديات لكاتبة اسمها fesfooriyah تتكلم فيه عن الحلقة وفرت علي كلام وترجمة ووقت كبيير جزاها الله خيير :22:
تقول:
سبحــان الله .. لي فتره ابي اشوف برنامج OPRAH بس ربي ماكتب اشوفه الا اليوم واحمد ربي اني شفته اليوم لان الحلقه جداً اعجبتني لدرجة اني عشت بحالة حماس حتى بعد ماانتهت واكيد كلكم تبون تعرفون ايش الشي اللي خلاني اعيش هالحماس !...
كانت الحلقه بشكل عام عن نساء امريكا اللي بعمر الـ30 وايش اهم المشاكل اللي يمرون فيها بهذي المرحله وكيف نمط حياتهم بشكل عام ..
المهم بالموضوع كان استضافة OPRAH لأمرأه تبلغ من العمر 30 عام اسمها " مباركهـ " ...
مباركهـ كانت انسانهـ مثقفهـ ,, مرحهـ ,, لبقـهـ ,, وماشالله ملمهـ بأمور دينها
بصراحه اعجز عن شكر هالإنسانهـ ويعجز لساني عن التعبير بتقولون ليش ! بقولكم اعرفكم اول على مباركهـ
إمرأه امريكيه مسلمه تبلغ الـ30 عامله وظيفتها مدربهـ رياضهـ شخصيهـ متزوجه من 14 عام ولها 4 اطفال ...
بالبدايه جابو عنها تقرير مصور هي وعايلتها وكيف انهم يبدون يومهم بصلاة الجماعه هي وزوجها واولادها وان يومهم يشبه يوم كل الامريكان وان اولادها مثل اي اطفال امريكان وان ولدها بالفوت بول تيم وانهم يروحون يشجعونه وكيف اولادها يحبون الدونات وكرسبي كريم ولأنها مدربة رياضه ماتسمح فيه الا مره بالشهر وان حياتهم ماتختلف كثير عن باقي العوايل في امريكا ...
قدمتها OPRAH على مسلمه سنيه << مب عاقله OPRAH تعرف الفرق ! .. وتكلمت عن حياتها العامه وعن كونها مسلمه قبل كل شي .. سألتها OPRAH عن على ايش يرتكز الاسلام قالت احنا بالاسلام نعبد رب واحد ونؤمن بوجود الرسول محمد صلى الله عليه وسلم وان الله ما له ابن قالت لها OPRAH يعني ماتؤمنون بعيسى؟ قالت لا اكيد نؤمن فيه بس على انه نبي مو ابن وان قصة عيسى بالمسيحيه هي نفس القصه عندنا بالاسلام الا ان الاختلاف فقط بإن عيسى عند المسيحيين ابن الله وعندنا انه نبي واحنا نؤمن بمريم العذراء وكيف حملت وهي عذراء والمعجزات اللي حصلت لها .. وسألتها OPRAH عن الحجاب وليش المسلمه تتحجب ؟؟ جاوبتها اننا ناخذ التعاليم من مصادر قالت لهاOPRAH القران ؟؟ قالت القرآن وفيه مصدر ثاني وهو السنه ووالحجاب من تعاليم الاسلام علينا وان المرأه تلبس الحجاب حتى تخفي جمالها واني اشيله ببيتي ولو كنت بين نساء وانه وفيه مجموعه من الرجال اقدر اشيله عنهم مثل زوجي وابوي واخوي وعمي وخالي وابنائي ....
وتكلمت كيف توفق بين دينها وتعاليمه ووظيفتها بحيث ان الاسلام يفرض ان المرأه مايظهر منها الا وجهها ويدينها وكيف ان ملابس العمل لازم تتوافق مع الشروط وان اغلب ملابس الرياضه تكون ضيقه او قصيره فقررت تعمل لبسها بفسها شرت تي شيرت و وصلت الاكمام بقماش حتى تكون طويله واضافة وصله للتي شيرت من تحت حتى تعطيها طول اضافي وتكون تناسبها وتكون Style حلو بنفس الوقت لو على الاقل يكون الحجاب مناسب للبس .. وانها ببداية عملها كانت تعمل بالبيت وبعدين صارت مدربه بالنادي .. وتكلمت بعد عن تأثير احداث 11/9 على المسلمين وانها لمدة شهر او 3 شهور ماني متأكده زوجها ماكان يخليها تطلع لحالها يخاف احد يتعرض لها .. وان الناس من يشوفونها دايم يفترضون انها من بلد ثاني مع انها امريكيه مثل الامريكان واكثر ابوها امريكي من اصل افريقي وعائلة امها Cherokee وهي قبيله هنديه من الهنود الحمر وانها تتقبل اي نقاش عن دينها ومستعده تجاوب اي احد يسألها عن الاسلام ..
وطبعا لازم يطرحون موضوع الـDating وهل مريتي فيه؟؟ قالت لها لا انا تزوجت وعمري 16 طارت عيون OPRAH قالت وكنتي مستعده !!! قالت اتوقع وهي تضحك رجعت OPRAH سألت زوجها هل كانت مستعده !! وهي مستغربه قالها ايه وهو يضحك وقالت لها مباركهـ اصلا الـDating عندنا بالاسلام مايجوز قالت يعني ماتكلمتو مع بعض قبل الزواج ؟!! قالت لها الا تكلمنا قبل الزواج بس بغرض الزواج وان الوحده ماتكلم الواحد الا اذا كانو متفقين على الزواج ويشوفون هل هم متفاهمين او لا وان امي هي اللي جتني وقالت تعرفين فلان انه وده يتزوجك ايش رايك ؟ انا احسه مناسب لك فاقلت لها اوكي بتكلم معاه واشوف وان الوحده ماتقعد مع الرجال لحالها الا معاهم احد من اهلها سألتها OPRAH طيب والمكالمات ؟؟ قالت اذا بكلمه لازم امي تكون معانا عالخط لانه مايجوز ابدا الرجل يجلس مع المرأه لحالهم .. واني بعد ماكلمته اتفقنا على الزواج وتزوجنا .. وقالت لها OPRAH كم شخص ممكن تكلمينه بغرض الزواج؟؟ قالت انا ماكلمت الا اثنين واختي عمرها 22 وكلمت 5 فا مو محدد بعدد ..
وتطرقو للصلاة وان المسلم يصلي 5 فروض باليوم ولازم يصليها وين ماكان ومهما كان سواءً بعمله او بـMOVIE او بالبيت سألتها OPRAH لازم تصلونها بوقت معين ؟؟ قالت لكل صلاة وقت والواحد عنده فرصه تقريبا ساعتين ببعض الصلاواة يقدر يصليها في هالساعتين .. انتهى حديثهم بس بعد مارجعو من الفاصل كانت OPRAH مع ضيفه جديده بس التفت على مباركهـ قالت لها طيب would god understand لو صليتو 3 صلواة مع بعض!!! ضحكت وقالت لا المفروض بالوقت وفيه حالات يجوز الواحد يجمعها لو كان بسفر .."هنا مرره انبسطت من الموقف لأن oprah بكل بساطه ماقالت your god قالت god يعني مقتنعه اننا نعبد رب واحد ولا اسهانة بهالشي ! "
خلال الحلقه تكلمو عن اشياء اكثر من كذا منها تكلمت مباركهـ ان النساء بكل مكان لهم نفس الاهتمامات ومهما كانت عبادتهم فهم يشتركون باهتمامهم باطفالهم وكيف يخلونهم اعضاء فعالين بالمجتمع وكيف يربونهم صح ...
وان الحريم على اختلافهم فهم دايم يتسائون كيف نتخلص من السيليوليت !! ...
بشكل عام مباركهـ كانت واثقه من نفسها وتتكلم براحه وواعيه وفاهمه الاسلام صح وقدرت تثبت شخصيتها بلباقتها .. OPRAH كانت متحمسه وهي تسألها وابدا مابينت انها مستهينه بالاسلام او تقلل من قدره مع انكم عارفينها لو ماجازلها الشي بينت ولا همها .. الحمدلله اللي ربي صخر مباركهـ للاسلام وخلاها تسوي اللي كثييييير مننا تمنينا نسويه وهو نبين للامريكان انهم ماخذين فكره غلط عن الاسلاام .. اتمنى انكم الحين عرفتو ليش لساني يعجز عن شكرها لانها بصراحه كفت ووفت وتكلمت عن الاسلام ببرنامج كــل امريكا تشوفه وكانت محتشمه بلبسها وحجابها وخلت OPRAH تحترمها والحلو انها قبلها كانت مستضيفه 3 حريم بالـ30 وبعدها جابتها لحالها وطولت معاها وعطتها حقها بالكلام ولا سكتتها مثل عادتها وبعدها استضافت وحده بالـ30 بعد ولا طولت معاها فانا هنا مره انبسطت !
الحلقه لسى مانزلت بموقع OPRAH لانها جديده بس ان شالله او ماتنزل راح اقولكم لانها حسافه تتفوت""
انتهى كلام الكاتبة ,,تعليقي هو في حديث الرسول صلى الله عليه وسلم ,,الخير في وفي امتي الى يوم القيامة..!
ولسى امتنا فيها خييير..
بأذن الله..
وجزاج الله كل خير..