انا والغدااااااااااااااااااء مشكله عويصه ساعدوني يابنات

الله يكون في عونك ويحفظ لك اولادك بس لازم تحاولين تنظمين نوم طفلك الصغير حرام وش ذنب الباقين حاولي انك تجهزين كل شي من الليل قطعي الخضار واعملي الحلا والسلطه من الليل ترى في ناس يسوون اكل اسبوع كامل والله بجد وحده موظفه اعرفها تسوي كذا

الله يكون بعونك وانا بنتي بعد تسهرني بس غدانا متأخر ويصير عندي وقت

بس أنصحك بقدر الضغط يختصر الوقت كثير

شوفي اختي مثل صياني الخضار ممكن تجهزينها بالليل بدون أستواء وتقصدرينها وحطيها في الثلاجه وأول ما تصحين دخليها الفرن واسلقي الرز

وفيه بعد الدجاج الصيني ( المنتدى مليان طرق لتحضيره ) ممكن عمله بالليل وبعد مايبرد دخليه الثلاجه واذا صحيتي جهزي الرز وسخني الدجاج

وفيه مكرونه بالتونه او رز بالتونه كلها ما تاخذ وقت وخصوصاً المكرونه نص ساعه وهي جاهزه

وبالنسبه للكبسه بإمكانك طبخها وتجهيزها بالليل ويصير ما بقالك إلا كبس الرز عليها بعد ما تصحين وتجهيز السلطه

شوفي اختي مع الرز الابيض يصلح تقدمين ملوخيه..وطريقتها ..انا اول مااجيبها من المحل اقطفها واغسلها وبعدها اطحنها بالكاسة مع كشنه طمام وبصل وصلصه طماطم واكيسها بالفريزر..واذا اشتهيتها بس اطلعها واقص الكيس واحطها بقدر مع نص ماجي وخلاص..
بعد يصلح انك تقدمين مرق باميا..وانا اسويه مثل الملوخيه اول مااجيبه اقمعه واغسله واقسمه وعلى الفريزر..ولي بغيت اسويه نفس طريقة الملوخية..بس بحكم اني ماحطيت معه كشنوه مطحونه ..اطلع شوي كشنه مطحونه واحط معاه وصلصه..وبالعافيه..
ممكن تقدمين الرز مع سلطات من اي نوع..
وباقولك انا يوم ما كان عندي خدامه كنت اشتري كرتون طمام وكيس بصل واوديه لشغاله اهلي "لانها فاضيه"تكشنه لي وتطحنه وتكيسه في اكياس صغار واحطه بالفريزر كل ما بغيت اطبخ طلعت واحده..
يمكن هالشئ يساعدك..
لما تكونين سهرانه مع الصغير ممكن تستغلين الوقت في غسل السلطه والفاكه وتجهيزها.زمثلا قطعب البطيخ وغلفيه..قطعي السلطه بس لاتتبلينها او تملحينها..
اتمنى اكون افدتك والله يوفقك..

مالك اختي الا قدر الضغط
اول انا مثلك استحي من زوجي من كثر الاعذار
بس من جبته وانا مرتاحه
اجهز اللي باسويه بالليل
وما اشيل هم الوقت اذا بديت اطبخ
وبالتوفيق

انا من راي ام خزامى مالك الا قدر الضغط