كوبونات الراقية تسجيل الدخول

* تاج الوقار *

* تاج الوقار * @tag_alokar_1

عضوة شرف في عالم حواء

بدخل قريبا التاسع وعندي أسأله مهمه واتمنى تجاوبوا علي ياغاليات !@!@

الحمل والإنجاب •

السلام عليكم

هلا بالغاليات كروشات منتداي الغالي حواء

مابي اطول عليكم بس حبيت أسألكم كم سؤال واتمنى تجاوبوا عليه


انا قريبا جدا بدخل الشهر التاسع كم يوم وادخله ان شاء الله


وبصراحه مازد جربت الطلق الطبيعي مااعرف كيف وجعه والمه :(

فياليت كل وحده تكتب ماهي علامات الولاده اللي لما تشوفها لازم مباشرة تروح المستشفى

وتشرح لي عن الطلق الطبيعي كيف ألمه وغيره لاني مااعرف ولادتي الاولى طلعت الله يكرمكم مويه وعلى طول رحت للمستشفى وصار الرحم مفتوح والحمدلله ولدت بس ماحسيت بأي ألم .....


ولادتي الثانيه طلق صناعي :( فماجربت الطلق الطبيعي ابد وخايفه يجي مااعرف انه هو يعني لما يجي الم الطلق

الطبيعي كيف اعرف ( لاتضحكون علي :22:)

السؤال الثاني :

هل لما تجيني الولاده وانا معي كحه شديده وصدري شوي تعبان بيكون خطر علي او على الجنين


السؤال الثالث:

اخر هذا الاسبوع بسافر بالسياره مدة اربع ساعات هل هناك خطر في ذلك ؟؟

واذا كان فيه ماهي افضل وسيله للسفر بالطياره او السياره او القطار تكون امنه لي وللجنين ايهم

افضل وأأمن خاصت اني بكون دخلت التاسع :(


واخيرا اسفه ان كنت طولت عليكم واشغلتكم بس والله يالغاليات مالي الا الله ثم انتم

وبدعي لكل وحده ترد علي وتساعدني او على الاقل تدعي لي ان الله يهون ولادتي ويسهلها علي لاني :06::icon33:
5
856

هذا الموضوع مغلق.

وردة النووور
وردة النووور •
والله ماعندي علم انا طلق صناعي
بس اللي اعرفه انهم مايبون الطلق الصناعي لانه احر من الطبيعي فممكن ان الطبيعي اهون من الصناعي

بس الله يهون عليك وعلي وعلى الجميع ويرزقنا ولاده سهلللللللللللللله وميسره
الودود الولود
الودود الولود •
الله يهون عليك ادعي لي وادعي لك انا مثل حالتك

اولا

الطلق الطبيعي ارحم بكثيررررر من الصناعي

وهو يجي خفيف مثل الم الدوره مغص وكل شوي يزيد الالم ويقترب وقت المغص من الثاني كلما زاد قرب وقت الولاده



ثانيا


بالنسبه للكحه لعل مع كثر الكح تولدين اسرع << امزح

بس لازم تعالجين الكحه لانها تفتح الجرح بعد الولاده وشينه للوالده مرررررره


ثالثا


اللي اعرفه ممنوع سفر الحامل بالطياره

واذا مرررررره محتاجه للسفر بالسياره وكل ساعه ريحي ظهرك وامشي شوي


لانه مررررررره تعب على ظهرك



اخر النصائح كثري المشي كل يوم من غير تعب


عليك بالعسل والرطب


والله يهون عليك ويرزقك الذريه الصالحه
رشا205
رشا205 •
ربى يهون عليك ويقومك بالسلامة ويتمم لك على خير وصحة
ماعندى فكرة لانى بكرية
بس بالنسبة لموضوع السفر لو كان ضرورى الدكتورة اخبرت اختى ان القطار افضل من العربة ام الطيران فالشركات لايسمحون للحامل ان تركب الطائرة
نهر العسل
نهر العسل •
الله يهون عليك ويسهلك