السلام عليكم حبيباتي
بقولكم قصتي بالتفصيل وارجو مساعدتي انا لي 4 سنوات زواج
وحملت بعد سنه من الزواج واجهضت على بداية الثاني وبعدها بشهر حملت واجهضت مره ثانيه في نفس الوقت وكنت لما احلل مايطلع اني حامل الا بعد فتره طويله وعلى طول اسقط وحللت طلع عندي فيروس سايتو ميجالو واختلفو الدكاتره فيه معظمهم قالو ماله علاقه ودكتورتي قالت هوالسبب واعطتني مضاد واخذته المهم ..حاولت احمل وربي ماكتب ودورتي صارت تتلخبط ..واخر تحليل للتبويض ايضا اختلفت فيه دكتورتين وحده تقول انه كويس والثانيه حقت عقم قالت فيه ضعف واخذت كورس3 شهور كلوميد مع ابر تفجيريه وكان التبويض ممتاز ولاصار حمل ووقفته وحلل زوجي وقاله الدكتور اش هذا الحيوانات كلها ميته والحركه صفر وتحطمت وكان ورانا بعثه للبريطانيا المهم قاله الدكتور عيد التحليل وقاله لا الحمد لله كان خطأ من المعمل (حسبي الله عليهم حرقو قلوبنا )بس عنده زيادة لزوجه
ولما جاو قت البعثه وكان لي شهر تاركه جميع الادويه حتى الفوليك والاسبرين وسافرنا وتاخرت الدوره وطنشت لأني قلت كالعاده تتاخر وتجي
المهم صار تاخير 15 يوم وحللت وعلى طووووول طلع خطين واضحه وكانت اول مره يصير معي كذا وفرحت وبكيت من الفرحه ورحت ادور اسماء بنات حلوه وصرت اروح السوق وادور فساتين حوامل للعيد ومره فرحااااااااااااااااانه وتفائلت خير هالمره
ولأني حملت بعد طول انتظار
المهم والحين باقيلي اسبوع واقل وادخل الثالث واتفاجأ امس بنزول لون بني واليوم بدا يفتح ويصير احمر ولكن مو واجد بس لما اروح لدورة المياه ينزل
ولا احس بأي الم .. رحت الدكتوره هنا ببريطانيا ولما قلتلها صدمتني على طول قالت اتوقع انه بينزل وهم لا حللو ولا سوت سونار ولاشي بس من الوصف
وبعدين بكيت عندها والمترجمه دمعت والدكتوره دمعت وزوجي جا يواسيني ودمع ,,يعني كل من في الغرفه بكو معي ..ولما شافتني بكيت قالت مو شرط انه بينزل بس يمكن يبي يثبت نفسه بالرحم وقاعد يكبر عشان كذا ينزل دم وقالت انا مقدر اكشف سونار داخلي اخاف يزيد الدم وينزل الجنين واكون انا السبب (عندنا بالسعوديه كانو يكشفون علي وفعلا يزيد النزيف )
ورفضت تعطيني اي علاج ولا مثبت تقول لو بيثبت راح يثبت من نفسه بدون مثبت واذا كان فيه مشكله في التخليق راح ينزل وهذا من حكمة الرب .وقالت ماتجين المستشفى الا اذا كان نزيف قوي او الم شديد في جهه معينه عشان تخاف يكون خارج الرحم ..
سؤالي :الان انا نفس وضعي وينزل دم بسيط بس اللي خوفني معه قطع صغيره ومو كثيره ..وانا دكتورتي بالسعوديه بعداخر اجهاض قالت خذي اسبرين اطفال وانا اخذه مع الحمل بس مدري اقدر اخذه الحين بحالتي والا يزود النزيف ؟لاني اخاف اتركه وهو يفيد لو كان في تجلط عند الجنين ومايوصله اكسجين ..محتاااااااااااره وش اسوي
الله يجزاكم الجنه من صارلها مثلي تساعدني . لا تقولون روحي المستشفى لاني حاسه انهم راح يقولولي يا ارجعي الين يزيد النزيف والا يقولون نسوي تنظيف ..هم هنا يبغون كل شي طبيعي ما يعطون علاج بسهوله ..
اسفه على الاطااااااااااااااله ادعوووووووووووولي :44:
رافينا2010 @rafyna2010
عضوة فعالة
يلزم عليك تسجيل الدخول أولًا لكتابة تعليق.
الله يثبت حملك ويقر عينك وتفرحين فيه
والله انا ما عندي علم عن هالشي بس ان شاءالله خير
اكثري من الدعاء ومن الاستغفار
والله انا ما عندي علم عن هالشي بس ان شاءالله خير
اكثري من الدعاء ومن الاستغفار
الله يفرج همك يارب ويفرح قليبك شوفي حبيبتي حاولي تنامي ع ظهرك وترفعي رجولك شوي يعني حطي حاجه مرتفعه شوي مثل المخده وحطي رجولك عليها وحاولي تكلمين دكتورتك بالسعوديه واذا قدرتوا ترجعون افضل بحكم ان مستشفيات اللي تراجعي فيهم عندهم خبرره بحالتك السابقه يمكن يفيدوك
طيب انتي روحي مستشفى 2 يمكن من دكتور ل2 يختلف ويعطيك مثبت يمكن هالنزيف من الاجهاد
وترى كثييييييير جاهم نزيف وبعد ماخذوا مثبتتات تم حملهم عادي
والله مو عارفه ايش اقولك بس ما اقول الا الله يفرج همك ويسعد قلبك ويرزقك من حيث لاتحتسبين
طيب انتي روحي مستشفى 2 يمكن من دكتور ل2 يختلف ويعطيك مثبت يمكن هالنزيف من الاجهاد
وترى كثييييييير جاهم نزيف وبعد ماخذوا مثبتتات تم حملهم عادي
والله مو عارفه ايش اقولك بس ما اقول الا الله يفرج همك ويسعد قلبك ويرزقك من حيث لاتحتسبين
الصفحة الأخيرة
ارتاحي ولاتاخذين شي الا بوصف الطبيبه يمكن تاخذين شي ويضرك
واذا نزل هذا امر الله والله بيعوضك ان شاءالله