قصيميه بجده
قصيميه بجده
اول شي مبروك النقل والله يتمم لك حملك

ثاني شي حبيبتي لاتكبرين السالفه وتعطينها اكبر من حجمها

زوجك هذا طبعه مخالف وسعي صدرك

دامه مايأذيك وقايم بواجباتك وحقوقك يكفي

صحيح انا معك ان الاحساس والاهتمام يرفع معنويات الوحده ويحسسها انها ملكت الدنيا

بس وش بتسوين بالي طبعهم الامبالاة!!

عندنا وعندك خير وكثير حريم يشتكون

بس لو ناظرتي مشاكل غيرك مع ازواجهم بتحمدين ربك مليون مليون مره

انتي الي فيه مو مشكله ولامصيبه ولا حاله نادره

انتي بوضع عادي موجود بالمجتمع خصوصا من رجالنا الي مايحب يحسس الزوجه بالاهميه يخاف يزيدها غرور

او يمكن مايبي يبين حبه ومعزته لها لان الاهتمام والحرص محبه وغلا

بس لاقدر الله لو صار شي تلاقين يجي يركض وينتفض على ام عياله :)

الرجال اصناف واشكال واطباع وطبع زوجك اهون طبع

واذا جاء بالسلامه لاتحسسينه ان الموضوع كبير عادي قومي بواجبه

وبطريقه حلوه ورومنسيه وانتم جالسين مع بعض بصوت هادي رايق اعتبي عليه وقولي ماظنيتك ماترفع الجوال تبارك او حتى تتطمن اهم شي الاسلوب يكون هادي وتكون شرهتك بدلع وماتحسسينه انه غلطان

ان رد عليك خير وبركه ومعناته متفشل واذا مارد طنشيه وحاولي معه بنفس الطريقه كل مره هو يبيله طولت بال

وانه يلاعب عيالك وانتي منتي فيه حبيبتي لاتتوهمين الشيطان يوهمك باشياء يبي يخرب الحياة الهاديه والعشره الطيبه الي بينكم

والله يسخره لك يااارب ويقومك له بالسلامه
قصيميه بجده
قصيميه بجده
على فكره الحامل كثييير تتوهم وكثييير حساسه بوقت حملها دايم تحتاج من يسال عنها ويهتم فيها

وهالشي اكتشفته بعد ماحملت :)
وردة بوك
وردة بوك
على فكره الحامل كثييير تتوهم وكثييير حساسه بوقت حملها دايم تحتاج من يسال عنها ويهتم فيها وهالشي اكتشفته بعد ماحملت :)
على فكره الحامل كثييير تتوهم وكثييير حساسه بوقت حملها دايم تحتاج من يسال عنها ويهتم فيها ...
احرجتيني بكلامك الله يسعدك ويوفقك صراحة كلامك يطيب الخاطر وفعلاً الرجال مو واحد بس كانت أعاني وهو كمان معاني معي من المسافة اللي اقطعها وكنت اتوقع انه مايتركني ذاك اليوم أو على الأقل يتواصل معي عشان يسمع الخبر ويشاركني لو بكلمة مبروك
عموماً ماحصل الاكل خير والله يصلح الحال
ويجزاك الجنة ويفتح لك ابواب رزقه أنتي وكل وحده قامت برد اللهم آمين
الأميره جوري
الأميره جوري
مبرووووك النقل الله ييسر حملك وولادتك يارررب
وبعض الناس كلامهم مثل البلسسسم الله يوووووووفقك ياقصيميه في جده فعلااااا ردك رااااااائع
الله يباررررك فييييك ويكثر امثاااالك
كحيله.
كحيله.
عادي لاتصيرين حساسه
يمكن ماعنده علم واو مافي ابراج او مافي وقت يكلم
او او او ؟؟