انا اقولك عجينتي
خذي ملعقتين خميره وذوبيها بربع كاس ماء عادي مو حار
واضيفي عليها بيضه+4م حليب بودره+ فنجان قهوه سكر+ وربع فنجان زيت+وذره ملح
اخلطيهم كووويس واضيفي كاسين دقيق واعجني واذا صارت لينه مرره اضيفي ملعقتين دقيق
واعجنيها مزبووووط وغطيها بكيس ساعه او اقل
وقبل تبدين بالشغل شغلي الفرن من تحت
وبعد ماتخلص فطايرك غطيها بالقصدير طوااالي

وصدقيني كنها قطنه رووووووووعه

موووفقه

لاتكثري عليها الزيت وعلى طول لما تطلعيها من الفرن حطيها في حافظه وان شاء الله تستوي معاك موفقه

هذي طريقة عجينتي ومعتمدتها انا وخواتي

اول شي انا اعجن بلبن او زبادي يعطي للعجينه طراوه

كأس لبن بحرارة الغرفه ولو كان بارد زيدي عليه مويه مغليه لين يكون دافي تقريبا ربع كأس مويه

ولو كان اللبن بحرارة الغرفه زيدي عليه ربع كاس مويه فاتره

ملعقة خميره ونص ملعقه بكنج بودر وفنجال سكر وربع علبة الحليب المركز حق الشاهي و ذرة ملح و فنجال زيت ونقط من الخل علشان الخميره ماتطلع ريحته

اعجنيها بدقيق الكويت لين تتكون معك عجينه متماسكه ولو تلصق باليد بلي يدك بالزيت واعجني فيها لين تدوخ سر من اسرار طراوة العجين كثر العجن

اتركيها تخمر تقريبا نص ساعه بالوقت هذا الحراره مرتفعه فما يحتاج وقت طويل للتخمير

بعد تشكيل الفطاير وحشوتها لاتدخلينها الفرن مباشر لا اتركيها اقل شي 5 دقايق مغطيه بسماط لاتتركينها مكشوفه

ودخليها فرن محتمي لاتدخلينها الفرن وهو بارد لا لازم يكون مشغل قبل

اذا طلعتيها من الفرن خليها مكشوفه شوي يمكن 5 دقايق بعدين غطيها بالسماط

انا اعملها بدون مقادير..
اظن انها تشابه مقاديركم..
بس اضيف ..
لو تبدلون كمية الزيت بالزبدة راح تطلع جناااان باذن الله
والطحين الكويتي يعطيها طراوه
وكثرة عجنها يعطيها فرصه للانتفاخ الحلو
وبس
وبالهناء والعافية

شوفي ياقلبي كنت اسوي بعجيت العشر دقايق وكانت تضبط معايه لكن لمن دقت عجينت اختي عفت عجينه العشر دقايق معاها وصرت اوسي بعجينت اختي مثل طريقتها ,, وربي لدرجه امس ارسلت لاهل صاحب زوجي ,,والله اخت على طول اخذت المقادير ولطريقه مررررررره عجبتهم وما طول عليك راح اقولها لك بالتفصيل الممل ,,,
اول شي انا استخدم الكاس تبع الجبنه السائله ابو سبع ريال
والملعقه تبع الاكل العاديه ,,,
اول شي تجيبي زبديه افضل تكون بلا ستيكيه ولها غطايه وتحطي فيها كاس مويه دافيه وتذوبي فيها ملعقه خميره فوريه و3ملاعق سكر وذرة ملح وخمس ملاعق حليب بودره وبعدين تحطي كاس دقيق كويتي وتخلطيها بالملعقه طبعا راح تكون رخوه وشبه سائله مثل تبع اللقيميات وتغطيها ودخليها في الفرن او الدرج لمده ربع ساعه او عشر دقايق لحد ما تنتفش وبعدين تضيفي عليها نص استكانة شاهي زيت وكاس دقيق وتعجني تعجني لحد ما تتمطط عليك وكل ما تلصقت حطي في يديك شوية زيت واعجني راح تكون معاك لينه ومطاطيه وخبطي فيها واضربي فيها وفي الاخير شيليها واخبطي فيها في الزبديه ثلاث مرات او على قد ماتبي لان كثر الخبط يخليها تكون لينه وهشه مثل القطن واتركيها بعد ما تغطيها وترجعيها في الدرج لمده ربع ساعه وبعدين عادي استخدميها واذا بتفرديها افرديها بيدك افضل من النشاااااااابه وقصصيها مثل ما تبي وقبل تحطيها ولعي الفرن خليه حار لمن تدخليها خليك واقفه عندها لانها بسرعه تتحمر من تحت وبعدين من فوق وبعدين بعد ماتطلعيه من الفرن بسرعه اكتميها بقصدير او في حافظه ,,,واتمنىى تجربيه وتعطيني رايك فيها ,,,