يمه ما كأني بعالم حواء الوانكم غير عنا خخ
اعذروني تراي خجلانه شوي .. يمكن هذي ثاني مره بس اكتب موضوع في هالقسم
وكان موضوعي الاول على هالرابط
سندويتشات سهله ولذيذه لذاذه بشكل ... اتحدى وحده تقول مو حلوه( طبعا كلنا نعرف ان الخفايف في الليل افضل واصح )
اكلتي خفيفه وبنفس الوقت لذيذه بحطلكم لها صوره واعذروني مالها خطوات مصوره
لأن لهالصوره قصه ( هههههه هذي وهي خجلانه وشلون لو ماخذه راحتها )
قلبتها سوالف >> اعذروني متأثره بالمجلس خخ
هذا الله يسلمكم اختي مره كانت حاطه في جوالها صوره سلطه احبها حييييييييييل
واشتهيتها وقمت سويتها على طول وسويت معها ساندويش تورتيلا وصورتها وارسلتها لها
قلت حتى انا سويت واكلتها لاتحاولين تقهريني هع
عاد بقولكم طريقتها سهله جدا وبسيطه ..
شوفوا انا بقولكم طريقتي بعفويه لأنها سندويش اطفالي
وهم مايحبون البصل فأسويها بالطريقه اللي بقولكم عليها الحين واذا كنت بسويها لزوجي
احمس الدجاج مع بصل بس زوجي يفضلها بنفس الطريقه لأنه يسوي رجيم
رغيف خبز متوسط الاستداره او صغير وممكن كبير واقطعه نص عادي أي حجم تبغينه
تحطين عليه مايونيز وكاتشب وتدهين الرغيف فيهم بعدين تكونين سالقه دجاجه وتقطعينه صغار
صغار وتحطينه في وسط الخبزه بشكل طولي احيانا اسلق بطاطس اصابع واحطهم على
الدجاج بعدين احط شرايح بندوره طماطم وارش عليهم فلفل حار حسب الرغبه طبعا
واحط شريحة خس واخر شي احط جبنة تشيدر مبشوره واقفل اخبزه من الجهتين احطهم على بعض
الحين يبين معكم على الصوره وبعدين احطهم في حماسة التوست واضغطهم شوي
لين تتحمر
عيالي يسمونها تورتيلا سويتها لهم كم مره بخبز التورتيلا وبعدين طلبوها مره قلت التورتيلا خالصه
قالوا سويها بخبز عادي وبصراحه بعدها اعتمدت الخبز العادي هههههه
وهذي صورتها ( اللي صورتها لأختي هع )
twrtyl_Gyly
عاد لود دريت اني بحطها موضوع كان زبطتها اكثر من كذا خخخ
وهذي سويتها لي لحالي يمكن مكوناتها مختصره شوي
نجي للسلطه
تقطعين خيار وبندور وجرجير وخس وفليلفلا ( فلفل بارد ) بشكل طولي
افضل او مكعبات عادي وانا احيانا احط حتى الكراث والبصل الأخضر
بعدين اجهز خلطه مكونه من : زبادي وشوي مايونيز وملح وليمون وفلفل اسود
وفلفل احمر حار بودره ونعناع مجفف وزيت زيتون , اخلطهم زين بعدين
احطهم على الخضار واخلطهم برضه زين وبالهناء والعافيه وتراها لذيذه جدا
جربوها وقولوا الله يوفقها نفوسه ويجزاها خير
وبس سلامتكم
بس اذا سمحتولي بحطلكم همسه
احيانا يبدو بأن الخير الذي تفعله تجاه أحدهم غير مقدر
لكن اذا قرأت
هنا فقط يصبح لكل شيئ قيمه
لا اله الا الله