السلام عليكم ورحمة الله وبركاته
أول موضوع لي عندكم وأحب اشكر كل وحده استفدت منها
وهذي بعض طبخاتي طبعاً ما توصل لإبداعاتكم
نبدأ
تشيز كيك
++++++++++++++++++
المقادير
بسكوت دايجستف مطحون
زبده
٣قشطه
كريمة خفق
ظرف دريم ويب
١٢حبه جبنه كيري او جبنه فيلادلفيا
٢فنجال مويه
ظرفين دريم ويب
الطريقه ......
نخلط البسكوت مع الزبده ونظيف شوي قشطه عشان نقدر نتحكم فيه في القوالب ناخذ البسكوت ونلبس فيه القوالب دار مادار ونخلي فراغ في الوسط عشان خلطة التشيز وندخله الفريزر ع بال من نسوي الخلطه
بعدين نضع في الخلاط كوبين كريمة خفق +ظرفين دريم ويب لحد ماتغلظ بعدين نظيف عليها الجبن وملعقتين قشطه وبهالوقت نذوب الجلاتين بالمويه الحاره ونخليها تبرد شوي ونظيفها للخلاط
نطلع القوالب من الفريزر ونصب فيها الخلطه شوي طبقه يعني بعدها نحط طبقة باي فلنق بعدين طبقة الخلطه
وندخلها الثلاجه الافظل يوم عشان تتماسك وتاخذ الشكل المطلوب
الاحمر اللي في القلوب هذا عصير فرواله الربيع
بشكل ثاني
++++++++++++++++++
كيكة
قبل التزيين
المقادير
2كاس دقيق
اكاس سكر
نص كاس زيت
4بيض
5 م ك حليب نيدو
1كوب ماء
1م ك بكنج بودر
فانليا
الطريقة
تخلط المقادير زي اي كيكة وتدخل الفرن لين تستوي
طريقة الخلطة الي فوقها
دريم ويب مع قشطة وكريمة خفق
تخلط مع بعض لين حتى يثقل قوامها ونقسمها شي
نحط عليه شكولاته وشي ساده بسرعه نزين فيها
الكيكه لان بسرعه تثقل وتتماسك
انا في هذي الطريقه سويت مقدار ونص عشان
تطلع عريضه ومره سويت مقدارين حسب القالب
الي عندك اقصد مقدار الكيكه
كريمة
حلا
لفائف الباذنجان
طريقة الحلا ابو مفرش موف
نفس القوالب تبع التشيز كيك اللي بلون اورنج نجيب الجالكسي ونحطه في حمام مائي بعدين نبلس فيه القوالب نفس طريقة القوالب الصغيره
نخلييها عريضه شوي وندخلها الفريزر بعد مانطلعها ممكن تحطين الحشو اللي تبغين انا سويت خلطة 6حبات جبنه كيري مع علبة نستله وشوي كريمة خفق اذا ماعندك مو لازم حطيت اول شي الخلطه بعدين بسكوت مكسر اوريو وساده وبعدين الخلطه وبعدين شرايح لوز بعدين الخلطه طعمها يطلع لذيذ زي الاسكريم
التزيين اللي فوق برضوه نسيح جالكسي وتحطينه في كيس انا حطيته في كيس لحم وبالمقص تقصين شوي من الطرف وتكونين مجهزه ورق زبده وسوي الاشكال اللي ودك ورينا ابداعتك خخخ وندخلها الفريز انا انصحكم تسونها بالشكولاته الخام السودا لان بمجرد ماامسكها واحاول اثبتها تسيح في يدي ممكن تسوين تشكيله بالسودا والبيضا
المقادير مو جديده بس طريقة التقديم
هذي مره حلو يواجه قدام ضيوفك
الكريم كرامل
الكريمه الجاهزه بس انا حطيتها في قالب سيلكون حتى في التقطيع طالع شكلها حلو كانها كيكه
الكب كيك
خليط مافن بيتي كروكر الجاهز حطيته
في صينية الكب كيك ترا من جوا فرغت
شوي منه وحشيته بشوي نوتيلا
الكريمه اللي فوق دريم ويب بس
قوالب السيلكون