السلام عليكم ورحمة الله وبركاته
كيفكم بنات وامهات حواء
أنا اليوم جايبة لكم نصيحة مجربة طالعة من صميم قلبي
طبعا كل الأمهات هالأيام مو فاضيات يدرسون ويعلمون أطفالهم
وخاصة القرآن الكريم تحسين إنه لازم تكونين مركزه وتعرفين للتجويد
المهم أنا لقيت طريقة حلوه تعلمين طفلك فيها القرآن الكريم بالتجويد
أنا الحين بنتي وولدي والحمد لله حافظين سورة الصمد- الناس- الفلق- الكافرون-الكوثر- الفيل- قريش-الفاتحة - خواتيم البقرة وآية الكرسي (ماشاء الله تبارك الله)...
تبين تعرفين كيف؟؟
شوفوا
القرآن في حياتنا 24 ساعة والحمد لله
في البيت الصبح مثلا أجيب واحد منهم وأحطه في حضني وأقرأ عليه الورد بصوت مسموع
وبعد العصر نفس الشي
وعلى الفطور والغداء والعشاء لما يجلسون أفتح لهم المسجله على جزء عم وأحاول إني أقرأ مع الشيخ...فصاروا يسوون مثلي
في السيارة عندي سي دي للشيخ السديس فيه السور اللي ذكرت انهم حفظوها يردد كل سوره 3 مرات...وصاروا اولادي يرددون معاه وحفظوا السور بالتجويد
وصاروا لما نركب يطلبون من أبوهم أو السواق إنه يشغل المسجله على القرآن
ولما أجي أنيمهم أقرأ لهم ما تيسر من القرآن وصاروا الحين يرددون معاي
هذا الجهد اللي سويته فقط على مدار 3 شهور وحفظوا عيالي السور بالتجويد حتى بنتي أمس ابوها يقرأ لها الصمد...لكن بدون تجويد...صارت بنتي تقول له لا خطأ مو كذا نقرأها كذا...وصارت تجوُد وتقلقل في الاخير...ماشاء الله عليها تبارك الرحمن
وإن شاء الله تصيرون أولادي وبناتي من حفظة القرآن الكريم...دعواتكم
اتمنى اني اكون افدتكم بطريقتي
والسلام عليكم ورحمة الله وبركاته:26:
دلوعة أبوها23 @dloaa_aboha23
كبيرة محررات
يلزم عليك تسجيل الدخول أولًا لكتابة تعليق.
ميمو4
•
الله يخليهم لك ويصلحهم ويهديهم وجزاك الله خير انا بنتي سنه اولى واحفظة الفاتحه من السديس في اوقات الصلاه وصارت تردد وراه
الصفحة الأخيرة
وجزاك الله خير