السلام عليكم ورحمة الله وبركاته
بكتب لكم حياتي قبل وبعد
مابي اطول بكتب رؤوس اقلام
قبل
نكديه
اصعب الامور ع زوجي وعلي وعلى عيالي
غير راضيه عن حياتي...كثير اشكي والوم نفسي
مشاكلي الكل يعرفها..... مارضى باي شي
مالبس زين....ماثقف نفسي بامور التعامل مع النفس والاطفال
روتين بالبيت......صوتي ع الي بس اصارخ
دايم اردد تعبانه طفاشه انا محسوده منحوسه
زوجي دايم اذكره باخطائه ازن واعيد
اهدد زوجي اني بفضحه
بيتي مكركب وكل يوم اجيب الشغاله اللي باليوم
عيالي ماثقفهم بس اصرخ
لبس شعري مكياجي حالتي حاله ماحط شي
مافي ابداع لزوجي ونفسي
دايم اسافر واترك زوجي
حياتي قبل لاتطاق ابد
بعد التغير
طيب اول شي اسباب التغيير
بعد الله سبحانه وتعالى
دكتور نفسي اجتماعي بس غالي الدخول له
وانسانه الله يجزاها خير الجزاء والله يسهلها عمليتها ويخليها لاهلها وعيالها وزوجها
وهي ماخذه دورات عند الدكتوره ناعمه الهاشمي ودكاتره برا اللي هي ام عبودي وليان
طيب بجمع نصايح الدكتور وام عبودي مع بعض
الحياه مثل الزجاجه اذا انكسرت تتصلح بس يبقى اثر هذي من ام عبودي
لو زعلتي من زوجك وسبيتيه بعد كم يوم يرضى بس ماينسى
مشاكلك ممنوع تطلهع برا ابد ابد وهوني مشاكلك تهون كبيها تكبر
زوجك هو من يدخلك الجنه ويطلعك منها زوجك اهتمي فيه قدريه احترميه وارحميه
انا جربت الوظيفه لمده ثلاث شهور والله تعب تخيلي تعبانه وهلكانه من عند الباب عيالك ازعجوي هبلوا فيني
مادري وش لا ومو مسويه اكل قضية الاكل عندي مهمه انا
لان الجوع كافر
يجي زوج من عند الباب تستقبليه وريحتك سابقتك الريحه الحلوه والبس النظيف المرتب
الروج الناعم كريم خفيف وانتم ادرى بالامور هذي
يجي زوجي المغرب عشان دوامه اكون لابسه واستقبله حياك الله نورت البيت
اخذ جكيته اساعده افك ثوبه واجهز الحمام اشغل المبه
يدخل اروح للمطبخ اجهز الغدا والحلا
يوم يتغدا مو لازم اتكلم هدوء ويوم ياكل ويخلص اقوله هني
ومرات اقول لاتقوم اجيب صحن ماء واغسلك بمكانك طبعا بس اقول ماعمري جبت خخخ
اذا بيرتاح انام جنبه مو لازم انا بس احسسه اني معه والحركات والمس والهمس انتم ادرى
لسانك عسل يقطر يوم يناديك سم وامر ياهلا تدلل ع راسي يابعد هالكون الله يخليك لي
طبعا الماضي والمشاكل لاتعديها وتزيديني العناد والزن انت الخسراااااااااانه
انا زوجي سافر خارج المملكه اقسم بالله ماعلمني دريت من الناس تركني اربع شهور ببيت اهلي قال بطلقك لايرد ع اتصالاتي ولا رسايلي يقول انا ماخذ بعدك حريم كرهتيني بالحياه انتي
وانا اسب ياح.. يا.....
بنات كنت اتعذب اتمنى الكلمه الحلوه والزينه
طيب كيف تجيني كلمه حلوه وزينه وانا لساني وصخ وزفر
الحين الحمد لله زوجي تغير
لساني عسل
لبسي مرتب
بطلت اتجسس ع التليفونات..... ماكثر كلامي ع قد ماقدر ماشكي وازن
طورت بحالي واقرء واثقف نفسي
الشغاله كل اسبوعين تجي تنفض البيت
دايم احثه لفعل الخير والصلاه بالمسجد
اهله والمشاكل وعوار الراس خلاص صمت اذا طلع ماتصل بطلت خل الرجال يشتاق لك
مره قلت لرجلي تشتاقلي قال لا قلت ليه قل كل شوي وانت متصله دايم عندي
عرفت السر مكالمات زايده مافيه اذا بيروح لاصحابه يروح مع السلامه استودعيه الله
بنات لازم اطبخ بالبيت واتفنن اقسم بالله خف من اكل المطاعم وصار يمدح طبخي ويطلبه دايم
لاني اكرهه المطاعم وكلها امراض
بنات خلك هاديه ورايقه اتحرري من زوجك شوي اتفنني بنفسك اتعلمي تسريحات جديد من اليوتيوب وتعلمي ميك اب بالبيت
بقولكم شي ام عبودي قالته لي تقول تسوي ميك اب وتسريحه كانها رايحه زواج وفستان وتطلع هي وزوجها تكشخت لزوجها
انا مره كنت كاشخه ولابسه معزمومين ع سهره وقبل مطلع اتصلت اللي عازمتني وكنسلتها امها تعبت
قمت غيرت لبسي وكنت بمسح الميك اب قال زوجي ليش راحت الطلعه قلت ايه قال حلال عليهم يشوفون كشخت ولبسك وان لا
من جد نكشخ للحريم ورجالنا لا
امدحي رجلك لاجاب لو ماء امدحيه قطعيه بكره يجيبلك طقم والله لاتستبعدونا
والله وصارتلي
دايم اقول الله لايحرمنا منك الله يخليك لنا
والله قال شتان بينك اول والحين
بنات بقولكم شي واسئلكم بالله اذكروا الله والله ماقلت فشخره والا شي لا لاجل انصحكم
واوعيكم ابيلكم الخير يابانات واذكروا الله لا الاه الا الله
مثل ماقلتاكم زوجي يسافر ولا يقولوي
والله بعد ماتغيرت اتصل علي وقال بسافر خارج المملكه برا وعلمني اسم الدوله يروح ياخذ دوره هناك
انا انصدمت هو يقولي وبطريقة استئذان
يعني زوجي حط لي قدر وحسسني اني مهمه قال انتي شريكة حياتي وحبيت اقولك هاه وش رايك
قلت لا روح والله يوفقك ويسهلك الدوره مهمه لمستقبلك وشجعته انا
تدرون والله بكيت من الفرح ووعدني بسفره برا وانا أجلها لين مايتحسن الجو شوي لان معي اولادي
بنات نصايحي لك اتمنى استفدتي لو شوي منها وتطبقينها
هذي حياتك اعرفي تفاصيل زوجك افهميه يفهمك كل ماعطيتيه كلام حب هو غرقك
قلت بعض من ماقلتلي ام عبودي وليان
والله يجزها خير الجزاء ويسهلها امورها وعمليتها ويقومها بالسلامه
نصايحي للي زوجها طيب ومو فاهمته مو للي زوجها اللي يتعاطون او من اصحاب الخيانات
لاني اقرء خيانات زوجها ينام مع وحده بالحرام وعايشه معه هذا محرم بالدين الوحده لازم تتنتبه وتحذر
وفي النهايه اذكروا الله
وطلب بسيط
ارفعي يدك واتجهي للقبله
اللهم انصر اخوننا المسلمين في سوريا اللهم عجل بنصرهم اللم ايدهم وسدد خطاهم ياحي ياقيوم
بنات اهل سوريا يعانون يتائلمون والله اشوف مجازر الله يفرج عليهم ويهون عليهم وينصر اخواننا المسلمين بكل مكان
والله يسخرلي زوجي وازواجكم ويهنينا بالدنيا والاخره ويباركلنا باولادنا وينبتهم نبات حسن
ويحسن خاتمتنا
وانت جالسه استغفري وادعي ادعي ادعي
والسلام عليكم ورحمة الله وبركاته
لو تذكرت شي بارجع
مجروحه وتكااابر121 @mgrohh_otkaaabr121
عضوة نشيطة
يلزم عليك تسجيل الدخول أولًا لكتابة تعليق.
شذيات
•
كلام كبير كبير جدا وفعلا فتحت الاعين على تصرفاتنا الله يجزاك الف خير ويدوم السعاده عليك
جزاك الله خيررررر وكثر الله من امثالك ...والله يحفظك يارب من كل شر
ماقصرتي
اللهم انصر اخواننا في سوريا يارب العالمين
ماقصرتي
اللهم انصر اخواننا في سوريا يارب العالمين
جزاك الله خيررررر وكثر الله من امثالك ...والله يحفظك يارب من كل شر ماقصرتي اللهم انصر اخواننا في سوريا يارب العالمينجزاك الله خيررررر وكثر الله من امثالك ...والله يحفظك يارب من كل شر ماقصرتي اللهم انصر...
مشكورين ع رفع المعنويات الله يجزاكم خير
شذيات :
كلام كبير كبير جدا وفعلا فتحت الاعين على تصرفاتنا الله يجزاك الف خير ويدوم السعاده عليككلام كبير كبير جدا وفعلا فتحت الاعين على تصرفاتنا الله يجزاك الف خير ويدوم السعاده عليك
الصفحة الأخيرة