الخبز المصرى البلدى مع الصور طبعا

اليوم انا جايبة تطبيقى للخبز البلدى المصرى بطريقة سهلة و ان شاء الله يعجبكم الموضوع
الطريقة انا منزلاها من على منتدى تانى جزى الله من كتبها خيرا لانها بجد طريقة جميلة



المقادير


3 كوب دقيق اسمر
1/2 كوب دقيق ابيض
2ملعقه خميره جافه(فوريه)
1 ملعقة سكر
1 ملعقة ملح
كوب ماء (أو على اد ماتاخد العجينه)


الطريقة


نخلط ملعقة السكر مع الخميره مع ربع كوب ماءونتركها جانبا
ننخل الدقيق الاسمر والابيض
نخلط الدقيق مع الملح ونقلبه
يكون فات على زوبان الخميره حوالى 10إلى 15 دقيقه
هنلاقيها اترفعت نحطها على الدقيق ونقلبها كويس
وبعدين نحط الميه شويه بشويه مع العجن المستمر
لغاية ماتصبح غير ملتصقه بايد
نظل نعجن فيها حوالى 15 دقيقه او اكتر شويه
لغاية ماتبقى ناعمه وطرية
نغطيها كويس ونسيبها ساعه على الاقل علشان تخمر
وبعد ماتخمر هنلاقييها ذادت جدا وتضاعفت
نفرش طاوله بالرده ونقطع العجينه عليها كور بحجم البرتقاله
اوعلى حسب ماتريدوا
وبعد مانخلص تقطيع نسيبها ترتاح 10دقايق
وبعدين نبتدى نفرد الكور بالنشابه بداية من اول كوره تم تقطيعها
والفرد برضو يكون على الرده
نفردها بسمك 1/2سنتيمتر او اقل على حسب الرغبه
بحيث لا تزيد عن 1/2 سم
وبعد ماننتهى من فرد الكور كلها نتركها ترتاح 1/2ساعه
فى الوقت ده نولع الفرن ويسخن على درجة حراره عاليه جدا
حوالى 280درجه مئويه
واما الفرن يوصل لدرجة الحراره المطلوبه
نشيل الارغفه برفق ونخبزهم فى الفرن حوالى 5 دقائق للرغيف
مع ملاحظتهم بعد وضع الرغيف بحوالى دقيقتين
لو كان يحتاج الفرن لتعديل درجة الحراره وتكونى مشغله الفرن والشوايه معا
وبعد مايطلع يغطى بقطعة قماش الى الانتهاء من الخبز
ثم يوضع فى كيس بلاستيك لحفظه طريا

و مهم تكون المية بتاعة العجن دافية شوية و العجن يكون بضمير و نتركها تخمر كويس زو ما هو مكتوب و نيجى لتطبيقى

انا استخدمت دقيق البر بدل الدقيق الاسمر بتاع مصر لانه نفسه فيه ردة
الصور فى الفرن و بعد ما طلع من الفرن معلش ما صورتش العجن و التخمير
و بالهنا و العافية على كل اللى هيدخل
و لا تنسونى من الدعاء