يالله على ايام الطفولة كنت ابغى اسوي زي افلام الكرتون ادخل في اذني شي ويطلع مع الاذن الثانية ويوم من الايام جاب لنا ابوي حبحب(جح) وانا اروح اخذ من حبوبه حبه وادخلها مع اذني واقلب راسي واحاول ادخله زين وانقز واحاول وانقز مره ثانية وثالثة آخر شي تعبت ولاطلعت مع الجهة الثانية واروح لابوي واعلمة بالسالفة وياخذني الله يغفرله على المستشفى العسكري ويضحكون الممرضات والدكتور علي ويجيبون ملقط ويطلعونها بسلام يازين ذيك الهبال والبراءة الغبية

اه اه اه على اياااااااااام البراءه وصفاة النفوس والبساطه ياكثر المواقف انا واختي كنا نجمع خنافس طوال العصريه وونعبي كرتون جبن مثلثات الدائري ونسكر عليها الى اليوم الثاني ونروح نشوف هي صحيت من النوم وناكلها نحب نربي الخنافس مدري وش نحس فيه اجرااااااااام كانت نهايتها التعذيب والقتل بتقطيع الايدي والارجل ههههههههههههههه

خخخخ انا ماكنت اخلي جدار بالبيت الا ابوس فيه خخخخخخ مسويه انهم ضيوف

تالا ايه والله ....ولا بعد يعني لاجو رايحين ارجع اسلم من اول وجديد<<<عاجبتها الحركه خخخ

حركات بريئه نفتح عيوننا والشاطر الي مايرمش
وكلو كوم والرسايل القديمه
"اكتب لكي بالرصاص علامه الحب والاخلاص
"اكتب لكي بالمقلوب علامه الحب بالقلوب..........الخ