تعالو شوفو خدامتي وحركاتها

سلام يابنات 


هاذي الله يسلمكم الشغاله حقتي انا دخلتها فترة النفاس وكانت عندي قبل وحد وخرجت المهم الثاني هاذي جاتني وانا في نص الأربعين كلمتها ..تعرفي تشتغلي قالت ايوه كم راتبك قالت ألفين قالت طيب مو مشكله تعالي المهم لم جات ماشاء الله نظفت البيت وغسلت وكل شي سواها هاذا اول يومين بعدين حق كم يوم صارت تنظف بس مو ذاك الشي قلت خلاص يابنت احمدي ربك انك لقيتي شغاله طيب 
المهم كانت آكلي تسوي لي هو وهاذا كان اهم شي عندي وباقي الشغل اي كلام المهم بعد نص شهر تقريبا صارت تفسخ لولدي الحفاظه قلت يالله كويس جات منها بعدين صرت اقولها لم يوسخ غسلي له تقول طيب المهم قبل يومين صحي ولدي رحت قلت لها غسلي للولد راحت قالت انا ماراح اغسالو عشان مافي مويه  دخلت الحمام لقيت في مويه قلت لها شوفي المويه جات غسلي له راحت تقولي انا ماابغاء وهاذا موشغلي وانا مااتفقت معاكي اني امسك بزوره 
انا وقتها انقهرت وقمت عصبت قلت لها ليش تقولي كذا انتي كنتي تغسلي للولد وماقالتي شي من اول قالت خلاص انا دحين ماراح اغسل لاأحد المهم تخصمت انا وهي وقامت تقولي انا ابغاء راتب قلت لها انا ماعندي فلوس دحين تبغي كملي شهرك وخذي راتبك كامل بس 
جاتني اليوم تقولي مدام معليش انا ابغاء ايجازه بكره عشان اختي تعبان وابغاء اشوف وهو ح يروح حبشه وابغاء ارسل فلوس معاها اذا تقدري اعطيني راتب كامل ولا اخصمي من راتبي قلت طيب انا اشوف رجال شوي رحت قالتلها اذا بكرها ايجازه انتي لازم تصحي بدري وترتيب البيت كله وتخلصي شغلك كامل وبعدين روحي قامت تقولي انا لازم يامدام روح بيت وانا مرتاح مافي روح تعبان انا سوي نظيف شويه وبعدين اكمل لم ارجع قلت لا تخرجي من البيت بعد ماتنظفي كله 
المهم قامت تبرربر وتقول شكلك ماتبغيني المهم انا دحين قاعد اقول لزوجي راح اخصم عليها لان طول الشهر وهي على كيفها تسوي شغلي على قد شغلها ح اعطيها راتبها لان بصراحه مرررره يقهرو يبغو رواتب عاليا وشغلهم زي وجهم ايش رايكم يابنات في كلامي لان والله مررره قهرتني حسيتها جات عندي بس عشان الفلوس ومشيت معايا الين خلاص باقي لها حق كم يوم وتخلص شهر 
شورو علي بالله ايش اسوي