هلا خواااتى ابشركم الحمدلله ولدت بتاريخ 1/5 ولى 25يوم ....وكنت دايم مسنتره فهالقسم ومافيه وحدة كتبت قصة ولادتها الا كنت اقراها وامنى نفسى بذاك اليوم اللى اولد فيه واطلع بالسلامه واكتبلكم قصة ولادتى
بالبداية سبحان الله الواحد مايدري وين الخيرة ولا يدري وش مكتوب له ...كنت انتظر الولاده على احر من الجمر مع انى كنت اعيش رعب مش طبيعى من الولادة لان دايم ولادتى تتعسر واشوف الموت وبالذات حملى الاخير فكان الشهر التاسع ثقيل مو بس على حتى على زوجى واهلى
طبعا لما خلصت التاسع رحت الطواري اطمن عالبيبى اكشفو على وقالو لازم تنويم انا من الخوف قلت خلاص بطلع وبرجع بكره طبعا ارفضو بس طلعت على مسؤليتى
واليوم الثانى رجعت للمستشفي بس ماكنت احس بشئ ابدا دخلونى غرفة الكشف وحطو على جهاز التخطيط وبعد عشر دقائق حسيت الممرضة تغيير وجهها وقامت تروح تكلم بالتلفون وترجعلى وترجع مرة ثانية تكلم بالتلفون وترجعلى وعينها طول الوقت على جهاز التخطيط وبالاخير قامت ترتجف وجابت الاوكسجين وركبته على انا نغزنى قلبى قلت نيسر وش فيه؟ قالت مافيه شى... قلت قوليلى وش فيه والا بشيل الاوكسجين ,قالت البيبي تعبان شوى وقامت تركب المغذى وهى ترجف وشوى الا يوم قامت الدنيا جت الدكتور ة تركض وتصرخ ومعها ممرضات والسيكورتى عند الباب جونى ومعهم سرير ودخلت الدكتورة وكشفت على وقالت بس مفتوح 3سانتى و اسالها وش فيه ماترد على .. واسمعها تتكلم بالانجليزى بس اللى فهمته ان البيبى وقف نبضه انا طار عقلى قمت انادى زوجى كان معى بالغرفه بس بينى وبينه ستارة وطبعا هو مو داري وش السالفه قمت اناديه واقوله خلك معى لاتتركنى ادعلي..ادعلى ان الله يربط على قلبى خلالالاص جاء في بالى ان البيبي خلالالالاص ماات
طبعا شالونى على السرير اللى جابوه ورمو على شرشف سترت نفسي فيه وقامو يسحبونى في الممرات وماسمع الا كلمة كوكلى ...كوكلى ...ويقولون لزوجى ساعدنا دف معنا السريرطبعا هالموقف كله صار في 3دقايق او اقل والدكتوره تهاوش زوجى ليش امس طلعت على مسوليتها وش استفادت هالحين وزوجى وجهة صار اسود من الخوف
انا لحظتها ربى نزل على برووووووود مش طبيعى مع انى مادري وين بيودونى بس قمت استغفر وادعى ان الله يسهل اموري ويخليلى ولدى والله مانزل من دمعه مع انى من النوع اللى دموعه جاهزة بسرعه ابكى والموقف مررة مرعب
المهم دخلونى غرفه الولادة وركبو على الاوكسجين وجهاز التخطيط وشالو كل شى لابسته حتى الساعه والحلق
طبعا كانو الدكتورات والممرضات كلهم معى بالغرفه بعد عشر دقائق حسيت ان الوضع هدى شوى قال زوجى دكتورة طمنينا قات لا الحمد لله الحين البيبىى نبضه تمام قلت اكيد قالت شوفي التخطيط وفعلا كان نبضه تمام قلت طيب ليش ارعبتونى وش السالفه قالت الممرضه كلمتنى وقالت النبض بدا يقل ولما جيت كان مافيه نبض بس شكل الجهاز خربان بس لازم تضلين تحت المراقبة 6 ساعات انا من الفرحه فمت ابكى وجسمى كله يرجف جلست تحت الملاحظة بعدين طلعونى التنويم وجتنى الدكتوره وقالتلى انتى كم نسبه الدم عندك قلت مدري بس اقل شى توصل 9 قالت لا الدم الحين 7 ولازززززم نقل دم ااحنا متوقعين ولادتك هاليومين ونخاف يصير نزيف وتحتاجين نقل دم طبعا انا رفضت وقلت شوفو طريقه ثانيه اخاف من نقل الدم قالت الدكتورة اجل مافيه الا نعطيك حديد عن طريق الوريد بس مايبان نتائجةالا بعد اربع اسابيع بس اذا صار نزيف وقت الولادة بننقلك دم قلت ***** الله ماحتاج ...تنومت 3 ايام كل يوم يعطونى جرعه حديد وطبعا خلال الجرعه يركبون جهاز التخطيط ويرقبون البيبى ويقسون الضغط والحرارة وبعدها طلعت ع مسوليتى لانى تعبت من جلسة المستشفى وعطونى موعد طلق صناعى بعدها ب3 ايام بس استخرت ومارحت للموعد كنت خايفه من الطلق الصناعى و كان عندى ثقه كبيره بالله انى بولد بدون صناعى لانى مجربته بولادتى السابقة جدا حااار ويتعب
جلست اسبوع وانا ماحس بطلق ابد بعدها قررت انى امشى لعل وعسى الله يفرجها رحت لمجمع تجاري وجلست امشى فيه واذا تعبت جلست شوى وكملت مشى وكل مامرت من جنبى وحدة قامت تدعيلى ان الله يفرجها على وكنت احس براااحه فعلا الكلمه الطيبه لها اثر في الواحد
ورجعت البيت وتعشيت ونمت بس كنت كل شوى اصحى احس بتعب وطلق خفيييف بس مش منتظم قمت الصباح وجهزت شنطة عيالى علشان يروحون عند اهلى ورحت المستشفى وانا ماحس بطلق بس احس بتعب فضيع وقلت بروح حتى لو يعطونى طلق دخلونى غرفه الولادة الساعه 11الظهر علشانى مطوفه وقاسو الرحم حصلوة باقي3سانتى احس انى تحطمت توقعت مفتوح اكثر سبحان الله مدري ايش جانى قمت ابكى مع انى ماحس بالم بس من الخوف بالذات اذا كلمتنى امى او زوجى خلالالاص احس انى معاد بشوفهم
وكانو الممرضات جدا متعاطفين معى وكانو يهدوونى جت الدكتوره وقاست الرحم وسوتلى تحريض وقالت امشى لين المغرب بعدها بجى افتح مويه الجنين و***** الله بتولدين بعدها قمت امشى واقرا سوره مريم وادعي لين جاء المغرب وجت الدكتوره وفتحت مويه الراس الساعه7 وسوت تحريض ثانى وبعدها بدا معى الم الطلق وكانو يعطونى ابر مسكنه وطول الوقت يراقبون نبض البيبي وجلست الى الساعه 11وقالو الرحم مفتوح 9سانتى وقلت هانت وجلست اصبر نفسي واقول كلها ساعه واولد بس سبحان الله جلست الى الساعه 2 الفجر والرحم9 سانتى بغيت اموت انادى الدكتورة ومن التعب اصرخ عليهم اقول خلالالاص ولدونى خلالالاص فتح 9سانتى وتنتظرون واحد سانتى وش بيسوى وبعدها حسيت براس وقمت ادفع وسووولى توسعه وطلع حبيب قلبى بعد معاناه وتعب وخووف والحين الحمدللة باقي لى اسبوعين واخلص النفاس وراح التعب والهم يارب لك الحمد والشكر
هذى قصة ولادتى واتمنى تدعون لى ان الله يخليلى عيالى ويصلحهم ويسخرلى زوجى واسفه اذا طولت عليكم بس حبيت انقلكم تجربتى
بالنسبة للى اسالو عن المستشفى انا ولدت بالمجمع الطبى بالظهران عند دكتورة سعوديه اسمها مريم جدا طيبه وخلوووقه الله يسعدها وعلى فكرة ولدى من كثر ماطول في بطنى طلع في وحدة من ارجوله اصبع زياادة فديته وفديت اصبعه خخخخخخ
يلزم عليك تسجيل الدخول أولًا لكتابة تعليق.
أميرة في الجزيرة
•
ألف مبرووووووووك والحمد لله ع سلامتك وسلامة ولدك
وربي وانا اقرا اني كل شوي اتنهد حمد الله على سلامتك ياقلبوووو
وحمد الله قرت عينك بشوفه النونو بخير ..
من جد موقف يخوووف بصراحه بس اهم شي طلعتي انتي والبيبي بخير ..
الله يجعله من حفظة القران يارب ..
وحمد الله قرت عينك بشوفه النونو بخير ..
من جد موقف يخوووف بصراحه بس اهم شي طلعتي انتي والبيبي بخير ..
الله يجعله من حفظة القران يارب ..
الف مليون مبرووك
و الحمد لله على سلامتك انتي و عمور الله يخليه لك و يخلي لك عيالك و زوجك و يوفقك يا رب
و الحمد لله على سلامتك انتي و عمور الله يخليه لك و يخلي لك عيالك و زوجك و يوفقك يا رب
الصفحة الأخيرة