رنين الغد

رنين الغد @rnyn_alghd

محررة برونزية

وش شروط زواجك ؟؟

الأسرة والمجتمع

سلام ياغاليات اخباركم
موضوعي اليوم ان كل واحد تقول شروط زواجها
اكيد كل واحده كان عندها شرط او شروط حطتها في عقد الزواج
مع اني اظن اكثر شروطنا خريط كم سنه وماعاد يلتزومون فيها طبعا البعض ماهو كل الرجال

انا كان عندي شرطين الاول ان امي تعيش معي طول العمر لين مايأخذ الموت واحده فينا بحكم ان ابوي متوفي وانا بنتها الوحيده وماقصر امي عاشت معي 10 سنوات لين توفت قبل سنتين الله يرحمها

الشرط الثاني اكمل دراستي لاني تزوجت بعد المتوسط والله لايوريكم ماكان يمانع بالعكس يشجعني بس بعض الاوقات وخصوصا وقت الاختبارات ينكد علي حتى احيانا كان يرفض احضر الاختبار ويوافق اخر لحظه حتى اذكر مرة كان علي علم نفس ثاني ثانوي والله اني رحت وعقلي فاضي ولاشي من اللي حفظته كله تبخر من صراخه وهواشه حتى اخذت فيه مقبول
.......

كل واحده تقول وش كان شرطها
17
18K

يلزم عليك تسجيل الدخول أولًا لكتابة تعليق.

تسجيل دخول

zhrah_almalki
zhrah_almalki
اكمل دراستي الماجستير اخرط
يكون لي بيت شرعي
ولايمنعني من الوظيفه ويروح معي
😂😂😂😂😂😂😂
كل ماافتح عقد الزواج اضحك من الشروط
سنفورة sy
سنفورة sy
كان بيسافر بحكم شغله
شرطي اني ماسافر مشان مابعد عن أهلي وارادة الله سبحانه وتعالى أقوى وسافرت والحمدلله مالي ندمانه اني سافرت بس عطول بيذكرني هههههه.
ام صالح الفالح
ام صالح الفالح
اول شروط عقد زواجى ان لاتسافر خارج المملكه وهدا الشرط تعبنى جدا ولي كان قصده انا ماتمرمط لكن رجال اول عند شروطهم زوجى كان يسافر لوحده حتى مايخل بالشرط لحد مارحت انا واستازنت ولي ووافق وسافرت بعد جهد جهيد باقى الشروط تكمل تعليمها وتكون حرة في التوظف والتصرف في راتبها
قهوشه
قهوشه
up
الماسا2
الماسا2
......:(