لكل الاخوات الغاليات واللي راسلتني على الخاص تطلب مني طريقتي في انقاص وزني
بعد ماطرحت موضوعي اللي تكلمت فيه عن أسباب نزول وزني :27:
http://forum.hawaaworld.com/showthread.php?t=3393032
وبعد ما ارسلت لكم حبيت طرحه كموضوع مستقل هنا حتى يستفيد منه الاخوات اللي تحب رجيم التخفيف
:7_5_122:
.........................................
الله يسمع منك ياقلبي وينزل وزنك على خير
وانا ولله الحمد من قبل ماينزل وزني وانا احب اتشيك والبس ما احب اشوف نفسي (كش مو حلوه)..:27:
والحين الحمدلله صااارت الخيااارات امامي اكثر ومتاحه فلله الحمد والمنة
وعقبالك انتي وأختي ياااارب تنزل اوزانكم
اختي وزنها 98 ويارب تتحمس وتنزل .....
المهم حبيبتي
أول شيء اعتمدي الدعــــــــــــــاء في انزال وزنك...وألحي بالدعاء
ادعي في صلاتك في كل سجود يارب خفف ونزل من وزني من غير سوء عاجلا غير اجلا ومتعني بالصحة والعافية ياحي ياقيوم
خلي دائم في بالك ان السمنة طريق الى الموت المبكر ( والأعمار بيد الله) وطريق ممهد للأمراض الخطيرة....والحرمه إذا كبرت وكبرت شحومها معها.....حتكون في قمة المأساة والهلاك والتعب
علشان كذا...أبني لمستقبل ايامك عافية تتحتاجينها في وقتها ,,( وكل شيء بيد رب العباد)
ثانيا ما استعجلت على نفسي بالتوقيت يعني قلت لازم انزل هالوزن خلال شهر او شهرين لا..اعطيت نفسي سنة كاااملة حتى اشوف النتائج ماني مستعجلة ابي كل شيء يمشي صح...والحمدلله خلال اربع او خمس شهور نزل الوزن الى الشكل اللي ابيه فالحمدلله حمدا كثيرا..وماشاءالله تبارك الله
رجيمي اعتمد اعتماد كامل بعد توفيق الله على التخـــــــــــفيف...والتخفيف فقط أفضل طريقة اتبعتها وارتحت كثير معاها
يعني اكلي ماتغير بالكيفية بس بالــــــكم
يعني ارز أكل بس بدل من طبق كبير...صار...ثلاث او اربع ملاعق مع أحساس كبير بالذنب..إدامات اللي اطبخها لعائلتي باللحم او الدجاج أخذ منها ثلاث لقمات تقريبا
اعتمدت بشكل كامل على خبز الحب وتوست النخالة والجبن الابيض يجي كرتون وخالي او قليل الدسم
لبن قليل الدسم زبادي قليل الدسم
كورن فليكس عادي او الخاص بالدايت او بالنخالة
الفواكهه اعتمدت البرتقال تفاح بطيخ
الخضروات بشكل كبير خاصة المسلوقة
سلطة طبق كبير على كل الوجبات......وبين الوجبات :biggthump
شوربة خضار مسلوقة ( 3 ملاعق شوفان خضار مقطعه فاصوليا جزر ذرة فلفل سبايس(احب الحوار) احيانا الزهرة واحيانا كرنب...لاكني تركتها لأنها تولد غازات بالبطن..
بيض مسلوق..
من الشرابات الساخنة .. ما استغنى ابدا عن الشاي الأخضر سواء لوحده او مع زنجبيل .. احيانا قشر..احيانا شراب الكمون .. ومع هذا ابدا ما اترك الشاي الاخضر ثلاث اكواب باليوم..
اخر شيء...الريــــــــــــــاضة... .....واعتمدت بشكل كبير بعد الله على
الاوربت راك
اللي عندي مثل هذا بالضبط
ونصيحه اللي تحب المؤخرة...او ماتبي تنزلها...تبتعد عن هالجهاز...لانه يمسحها مسح
تعتمد رياضه او جهاز ثاني.
وأول مابدأت ماكنت أكمل حتى خمس دقائق من التعب والجهد :7_5_127:
لاااااكن...لاااااااا....للاستسلام ابدا :2thmup:
كل ماتعبت تخيلت نفسي وانا دبـــه...وتصورت نفسي وانا نحيـــفة ورشيـــقة واطير كالفراشة بكل جمال وثقة...
وارجع واعزم....وكل مرة ازيد بالوقت وبالتدريج الحمدلله تنقلت من خمسة دقائق الى عشرة الى ربع الى نصف...حتى صرت اقضي عليه كل يوم ساعتين..بعد ما اسرح عيالي للمدرسة اشتغل عليه
معي الجوال او اللاب توب او أقراء وردي من القران حتى أخلص
الحين اكتب لك كيف كنت اكل الوجبات
بدأت الاسبوعين الولانية بتخفيف يعني تقدري تقولي إجباري
ابعدت نفسي تماما عن الأرز والنشويات عموما
وكنت سعيدة وراضية ولابد من وجود القناعة في نفسك حتى تبتدين صح
افطر التوست بالجبن مع كأسة عصير برتقال طازج
مع خيار وطماطم عليها رشت فلفل ابيض وملح..(حسب مزاجك)
او توست اوزع فيها البيضه المسلوقة
الغداء طبق كبيررر من السلطة عليها زيت زيتون
مع قطعة صغيرة من الخبز الحب مع زبدية شوربه (خضار مسلوقة ( 3 ملاعق شوفان خضار مقطعه فاصوليا جزر ذرة)
والحمدلله
العشاء عند صلاة العشاء او قبلها يعني قبل النوم باربع ساعات
وتقريبا مايختلف عن الفطور واحيانا اذا بقي شيء من الشوربة اكلها مع العشاء..
اذا اشتهيت الحلى اخذت نصف تمرة مع واحد فنجال قهوة عربية
احيانا نادرة اكل وصلة بحجم عقلة الاصبع من التوكس او الشوكولاته
وهكذا...
ماوزنت ابدا إلا بعد اسبوعين ونصف..والحمدلله شفت التقدم وتشجعت واكملت بكل إرادة وعزيمة
وشووووووووووووووق الى ان اشوف نفسي رشيقة ولابسة بناطيل تهبل وقصير ودلع ....
والحمدلله مع الاصرار والعزيمة وصلت لمرادي
ماشاءالله تبارك الله
اتمنى اني افدتكم
ونصيحه
الاحلام والتخيلات والآآآآمال...ماتجيب لك نتيجه
أعزمي وتوكلي
كنت اذا رحت زواجات او عزائم
ارجع وانا متحسرة على نفسي
وملابسي بتتمزق علي
واناظر الرشيقات...وأردد ماشاءالله حلو جسم هذه...وجسم هذه
مع انه والله العظم عاديين جدا...بس علشاني اشتاق للنحف والرشاقه اشوف النحيفات كلهم حلوات
فالحمدلله الذي خلصني من هالشعور ورزقني شعور الرضا والقناعه
وأحرصي بعد ماتوصلين لوزنك على الثبااااااااااات...انتبهي تفرطين وتتخاذلين ويضيع تعبك
انتبهي....
الحمدلله تخلصت من الاحراجات وخاصة في السوق
كنت اذوب خجل وزوجي ينادي....عندك أأأأأأأكــــــــــــــــــــــبر مقـــــــاس
:icon8:
الحين الحمدلله أدور بكل ثقة بين الملابس وألاقي مقاسي بكل يسر وسهولة
:27:
الحمدلله حمدا طيبا كثيرا مباركا فيه
زوجي حبيبي...مو عاجبه وزني يقول تعودت على الدبدوبه حقتي..اول أحلى وأجمل
ويوم كنت سمينة يقول...فلانه ما كأنك سمنتي شوي
:icon32:
ههههههههههه
ياحياتي والله ماعرفت لك
اللي اعرفه ومتأكده منه
أني مبسوطة من شكلي
وأهم شيء العافيه...والحمدلله
والله يوفقني واياكم لكل خير
ماشاء الله نظامك ممتااااز استمرررري دائما
يارب يبارك لك و توصلي لهدفك