كيفكن يا بنات حواء
ما يحتاج اخبركن عن جو الخليج و يا محلااااااااااه :32:,, انا اليوم جبت لكم برنامج عنايتي يعني كلش بسيط و ابغى اسمع ارائكم و نصايحكم لاني اصغيره ة ما عندي تجارب و خبرات كثير بهالمجال,, اوكووووو
هذي تقريبا كامل عدتي,, احم احم
الجزء الاول:
الشاور:
بالبدايه اغسل شعري بشامبو هيد اند شودرز و انا احسه كثير تمام و بعد كثير اقرأ بنات حواء يمدحون و مناسب جدا جدا اللى شعرهم دهني يعني اللى مثلي ,, يعني اذا غسلتيه و تركتيه ايجف و بعدين جيتي بتمشيطين شعرج صدق اتشمين ريحته شاااااااامبو ,, للامانه جربت شامبوهات كثييره بس ما عجبني غير الهيد اند شودرز ..
بعدين استخدم صابون ديتول في الصوره رقم 6 ,, حده كوووووووول و ريحته مو زي الديتول يعني تطمني محد راح ايقول انك خذيتي حمام بصابون ديتول و الاهم الاهم انه يقتل البكتيريا و الجراثيم و هو المطلوب اثباته >> درس اثبات البرهان حقت الابتدائي في الرياضيات..
بعدين اغسل الشامبو و الصابون ,, كان عندي بلسم فروكتيس احطه بشعري لكن خلصت العلبه بس بقى الكريم و اتجوفون صوره الكريم رقم 7
و عقب ادهن جسمي بزيت جونسون و لوشن جونسون و هم رقم 3 و4
و بعدين الديودرنت رقم 8 و اعتقد انه معروف جدا جدا و ريحته حلوه كمان بس فيه مشكله وحده له انه ايلعوز الثياب السوده او الداكنه ,, اقصد ايبان يعني اذا اتحطينه و بعدين تلبسين تي شيرت كحلي او قميص اسود ايبين فيه شي ابيض ,, للامانه انا ما استغني عنه حتى لو تلعوز التي شيرت اللى لابسته ,,
و بعدين يا احط لي من عطر "ايموشن" من الرصاصي و موجود بالصوره رقم 9 ,, تقدرون اتقولون انه رخيص و قوي ,, يعني ريحته حلوه و ثابته و كمان سعر رخيص ,, يعني عصفورين بحجر
اووو انه احط لي من المسك اللى رقمه1 ,, و طبعا هذا المسك روووووووووعه و حلو للشتا ,, يعني اذا تبون الصراحه هذا من خلص موسم الشتا ما استخدمته ,, وحلو كمان على الصغار ,, يعني اعيال خواتي الصغار ايحطون لهم منه ,,
بقى رقم 2 و هذا لوشن للاطفال حصلته مجانا يوم شريت لي ليفه اللى استحم ابها يعني ريحته مو حلوه و لا سيئه يعني وسط ,, كنت استخدمه بس الحين بطلت استخدمه ..
رقم 6 هذا لوشن 21 و هذا معروف جدا و كانت بداياتي بهاللوشن و الحين بطلت استخدمه ,,
رقم 11 هذا اخر كريم شريته و اسمه جرجنيز بريحه المسك و اتوقع معروف لانه جفت كذا وحده تمدحه >> اعشق ريحته المسك ,, ليش شاريته ؟؟ من شريته بطلت استخدم لوشن جونسون !! عجل شنو اتسووين ؟؟
ادهن جسمي بزيت جونسون و بعدين ادهن جسمي بهالكريم و ريحته روووووووعه ..
و اخر شي كريم 10 و هذا صانسيللك ضد القشره رووووووعه ,, و من تجربتي انا كنت استخدم كريم صانسيللك و بعدين قطعته و جربت بلسم و كريم فروكتيس و اكتشفت انه صانسيللك ايناسبني اكثر من فروكتيس من جذي رديت رجعت لمنتجات صانسيللك ,, ما صدقت يوم خلص بلسم فروكتيس و الحين بطلت استخدم كريم فروكتيس ,, يعني بس اخلص الشاور احط لي كريم صاسيللك ضد القشره ,,
تعبت من كثر الكلام ,, اذا جفت ردود تطيب الخاطر ,, راح اكمل:27:
يتبع ...