شوفي حبيتي سوي قبل بيوم عشان ماتتعبين صينية خضار مقليه بالبشاميل اقلي الخضروات مع حمسه دجاج واخلطيهم مع بعض وغلفيها زين وحطيها بالثلاجه وباليوم اللي راح يجون فيه طلعيها من الثلاجه وحطي عليها البشاميل وعلى الفرن والسلطه سوي فتوش وقطعيه قبل بيوم وحطيه بالثلاجه بس الصوص حطيه بنفس يوم العزيمه وحلى السفره بعد سويه قبل وسوي رز وبس واذا عندك مفرزنات مثل سمبوسه اوسبرنق رول اقليهم قبل مايجون ولا تصعبين الامور على نفسك ترى الامر بسيط
واي مساعده انا حاضره
انا طريقتي كذا وكل شي يطلع لذيذ وفرش

السلطات سويها قبل بيوم والصوص حطيه اذا جيتي تحطين العشاء حتى الصوص سويه بعلبه علشان ماتقعدين تحوسين وسويقبل بيوم صينية خضار بالبشامل اقلي الخضار واحمسي الدجاج واخلطيه مع بعض وحطيها بالثلاجه مايضر ترى والبشامل سويه بنفس اليوم اللي بيجون فيه وعلى الفرن واذا انتي ماتعرفين تطبخين زين مبتدئه يعني لاتحوسين كثير بالرزوحطي ماجي ابيض وسوي الحلى حق القهوه وحق العشاء من الحين سوم يومين اوا كثر مايئثر بالعكس يضبط اكثر والله يوفقك بالعزيمه
وارسلي لي عاد خخخخخ
اللي هو اي مساعده انا حاضره

هههههههههههههههه احسب الكلام الاول انمسح يالله زيادة الخير خيرين

رفع

سوي مقلوبه بس القلي سويه بدري عشان ريحة القلي
وسلطه حاره وايدام فاصوليا اواللي تزبطينه ومهلبيه اوكريمه مع العشا
ومع القهوه سوي حلا المنتدى مليان حلويات تهبل
وبالتوفيق

اولا انت تطبخي في بيتك غدا ولا لا؟؟؟
اذا تطبخي اكيد سويتي اطباق متنوعة شوفي الشي اللي تتقنيه وسويه
والحلا من الليل سويه يعني قبله بيوم وغلفيه مزبوط وحطيه في الثلاجة
برضه حلا القهوة سويه من قبله في الليل عشان تكون جاهزة
ولما تصحي الظهر اطبخي وخلي اللمسات الاخيرة قبل ما تحطي العشا
اقولك امثلة

1-حلا القهوة:
المعمول الحلزوني او حلا الشعيرية او حلا البف باستري بجبنة الكيري+شوكولاتة جواهر جالكسي+تمر بالسمسم
2-حلا السفرة:
تشيز كيك اللبن او كيكة بيتي كروكر بكريمة الكيك او حلا الدريم ويب مع البسكوت+فواكه+صحون حلى صغيرة فيها كريكراميل او جلي
3-الطبق الرئيسي:
كبسة وزي ما قلت يكون شي انت تتقنيه مثل:رز بخاري او رز كابلي او رز ايراني او رز بالخضار مع دجاج على الفرن---
4- الطبق الثانوي:
اي شي سهل مثلا
سمبوسة سهلة بالخضار----تنفع مع الرز البخاري والايراني
او مسقعة باذنجان----- تنفع مع الرز الكابلي والرز بالخضار
او فتة الباذنجان باللبن------تنفع مع الرز الايراني والكابلي والعربي
او ايدام احمر بالبطاطس والدجاج او بامية او قرع------تنفع مع الرز العربي والايراني والكابلي
او ايدام اصفر بالفلفل الرومي------تنفع مع الرز العربي والكابلي والايراني
5-السلطات :
سلطة خضرا عادية ----تنفع مع الكل
او سلطة لبن بالخيار والنعاع والتوم-----تنفع مع الرز البخاري والكابلي
او تبولة او فتوش-----تنفع مع الكل
او سلطة جزر وملفوف وذرة بالمايونيز واللين تنفع مع الرز بالخضار والايراني والكابلي
6- العصيرات:خليها من بره فواكه او غازيات
7-شاهي احمر حلو بعد العشا

وبالنسبة للطبخ
ابداي الطبخ من العصر عشان لما يجو تقدري تقعدي معاهم وقبل العشا بساعة ارمي الرز يعني لو تبغي تحطي العشا الساعة10 ارمي الرز الساعة 9 والدجاج او اللحم يكون مستوي واذا كان شي بالفرن حمريه وبس

وبكدا وجهك ووجه زوجك حينور عند اهله
بشرينا بالنتايج
فكرتيني بنفسي ايام ما كنت عروسة
بس زبطت العزومة وكانت لاصحاب زوجي وجيرانه وانبسطو مرة وانا كان ليه اسبوعين عروسة
بس الاحلى والاروع
انه بعد ماراحو كلهم جا ابو زوجي وباس راسي وقال
الله يبيض وجهك يا بنتي زي ما بيضتي وجه زوجك
والله ان كل تعب اليومين اللي قبل العزومة وبعدها
كلها راحت لما باسني بوسة التقدير هذي