فتاه تعشق عم زوجها (تعالي شوي اختي حابه تقلكم ايش صارمهاه للحذر من دا الزمن)

اتركم الحين مع اختي طبعا طلبت مني انها تستخدم اسمي في المنتدى لانها ماهي مشتركه
لان صارت معاها قصه
وحابه الكل يستفيد منها



حبايبي راح ادخل في الموضوع على طول
اول شي انا متزوجه وعندي بنتين وولدين ليا متزوجه 12سنه تقريبا والحمدلله
الحمد لله عايشين حياه هاديه طبعا تمر ايام في مشاكل لازم ملح الحياه
علاقتي مع اهل زوجي مره كويسه ويقدروني ويحترموني ويحطولي حساب حتى عمتي ام زوجي تقول لو ولدي زعلك قليلي اوريكي فيه ويقولولي انتي محترمتنا ومقدرتنا عشان كدا تفرضي احترامك وتقديرك من الكل
انا ساكنه في عماره 2 من اخوان زوي ساكنين فيها و2 من عيال اخوان زوجي كمان فيها وكلهم اخوان زوجي وعيال اخوانوا ماخذين اخوات يعني ال4 اخوات اخر واحد من ولد اخوا زوجي اتزوج ماليه 4سنوات وعنده ولد وبنت طبعا لمن كان دا الولد صغير كنت انا اذاكرله يعني زي اخويا الصغير وكمان زوجته قبل لايتزوجوا كنت انا اذاكرلها اتزوجوا وهما صغالر والحين عمرها20
طبعا احنا مررررررا مع بعض اكثر من الاخوات وتماشي ورحلات كلوا مع بعض
انا قلتلكم دا عشان تفهموا القصه

فبل فترا كانت تجيني اذيه من رجل كانت اذيه موطبيعيه كان يتصل مكالمات فيديوا ويرسل كلام جدددددددددددددددا وسخ كنت امسح الرسايل عشان لايدخل الشك بيني وبين زوجي مهمن كان الشيطان شاطر لاكن قلتلوا تجيني اذيه المهم دق الرجال مكالمة فديوا زوجي اخذ الجوال ورد واتفتح الفديوا لقى رجال عاااااااري طبعا الرجال لمن سمع صوت زوجي قفل زوجي اخذ الرقم وفصله
زوجي سافر للشغل وانا رحت لاهلي في هادي الفتره كانت تجيه اذيه من فتاه طبعا (راح اسمي زوجي اسم مستعار عشان تفهموا )اسمووووو>>>>>>>>>احمد
كانت تتصل وتقلوا حسام كان يقلها لاياأختي غلطانه وتصل وترسل رسايل في النهايه رسلتلوا انت أحمد انا ابغاك انت ياأحمد وانا اعرفك عز المعرفه طبعا قالتلوا كلشي فحياتوا الرجال انصدم :oاتصل عليا وقالي الحكايه انا قلت داريها وخد منها الكلام امكن ليها علاقه في الرجال الي يدق عليا طبعا دار بينهم حوار كتيييييييييييييير ورسايل كتييييييييييره وتوصفلوا قد ايش متيمه في هواه وتعشقه ونفسه دا الحب يثمر مايندفن وانها فرصه زوجتك بعيده عنك
رجع جوزي من السفر وانا رجعت بيتي ودقت وسمعني صوتها قال امكن تعرفيها سمعت صوتها لكن ماعرفتها
في النهايه البنت قالتلوا انا فلانه هنا زوجي صاروجهه اسود مصدوم (تكون زوجة ولد اخوه )هنا زوجي قام يقلها خافي ربك وصونك عرض زوجك المسكين انتي راح تدمري العيله وانا عم زوجك ومكان انا زي عمك ووووووووووووووو
قالتلوا شوف انا اوعدك ماأتصل الاادا نفسك تسوي علاقه معايه تعرف تاخد رقمي من فين قصدها مني وقالتلوا عاهدني بالله انك ماتقول لاحد يضل سر بيننا طبعا زوجي عاهدها
جا البيت وجهه كان اسود ومصدووووووووووووم وقالي انا عرفت مين الي يأذيني وهيا حلفتني ماأقول بس انا ادا ماقلتلك كدا احنا نستغفلك وانا استهون فيكي وكدا هيا راح تتمادا وتستهون فيكي وانا ماأبي احد يستهون فيكي قالي تراها فلانه انا انصدمت وصرت زي المجنونه
وقالي خذ الرسايل وانتي قرري كيف تتصرفي انا اثق بتصرفك
طبعا انا جلست افكر وافكر وجا في بالي اني اواجهها قلت قبل اواجهها استشرت اخت زوجي وحكيتها لانها ماشالله عليها حكيمه وماتفشي السر ابدا طبعا لمن عرفت انصدمت
قلتلها انا ابي اوقفها عند حدها بس بدون فضايح لان من ورا عملتها راح تخترب بيوت كثييييييير
فقالتلي لازم احد من أهلها يعرف يكون قوي عليها يوقفها عند حدها فنصحتني اني اكلم اخوا البنت
اتصلت على زوجة اخوا البنت وقلتلها ارفعي السبكر ابي اكلم زوجك موضوع بخصوص اخته طبعا حكيت اخوها وصدقني على طول قلتله ادا تبيني اوريك ادله اوريك قالي لا مايحتاج ياأم فلانه صادقه صادقه
راح عند اخته طبعا شرشحها وهزأها كان نفسوا يكسرها بس عشان زوجها لايدري
اول شي انكرت بعدين قالها ترا ارجال جا بنفسه وكلمني هنا البنت انصدمت قالت انا ماسويت شي غلط وكيف يقولك وهوا وعدني


انا ايوم الثاني قابلتها وعااااااادي كيفك وايش اخبارك على فكرا زوجي قلي على الي صاربينكم وعلى عشقك له انا ماقلت كذا الاالبنت يغمى عليها
رحت استنيت كم ساعه ورحتلها تاني وقلتلها مالقيتي الاتلعبي على زوجي وعليا سايبه شباب العيله كل واحد احلى من الثاني وجايه عند زوجي ال في الاربعين تخيلوا ايش قالت <<<<<<<<<<<<القلب وما يهوى
قلتلها شوفي قلبك وين وداكي انا راح استر عليكي عشان زوجك مو عشانك وعشان العيله لاتتهز وتتفرق عشان بنت تافه مثلك تقليدها للمسلسلات التركيه والفراغ *** حقلها
طبعا بكيت واعتذرت وانوا الشيطان شاطر ووووووو
وانا كمان رأفت عليها لانها صغيره وان شالله الحياه تعلمها

من هنا الكلام الي دار بيننا ماقلتوا لزوجي ولا لاحد بس راح اقولوا ليكم عشان هنا العبره

سألتها هل الشخص الي يأذيني لكي علاقه فيه اول شي قالتلي لا
بعدين قالتلي راح اقولك لانك سترتي عليا
انا وفلانه (وحده مرا قريبه مني ) اعطيناه رجال رقمك عشان يخرب بيتك وطلب مننا صور ليكي
وانا صورتك بدون ماتدري في جوالي انا انصدمت
قلتلها كيف صورتيني وانا ماحسيت
قالتلي اعمل نفسي ابغى اتصل وانا اصورك لكن ما ارسلت الصور للرجال لان جلست افكر وقلت انوا انتي ماعمرك ضرتينا فليش انا اضرك
وقالت انوا فلانه مقهوره منك ومن حياتك دايما مبتسمه كنا مقهورين ايش مسويلك زوجك مخليكي على طوووووووول مبتسمه
قلتلها يعني انا مبتسمه خلاص ماعندي مشاكل قلتلها عندي مشاكل بس مو لازم احكي واقول
الاتقلي احنا شايفين غير كدا شايفينك انتي وزوجك شخص واحد فتفقنا انو ندمر بيتك على البطيئ ونرسل صورك للرجال وينشرها على اليوتيوب عشان تطيحي من نظر اهل زوجك الي فرحانين فيكي وحاطيلك الف حساب
انوا هيا تكلم زوجي وانا اشك والرجال يأذيني وينشر صوري وهوا يشك
فكل واحد يشك بالثاني ويخرب بيتي تخيلوا يابنات
وحلفتلي انوا ماأرسلت الصور ومسحتها انا هنا انقلبت عليها وقلتلها شوفي حبيبتي انا الاعرضي وشرفي ماأسمح لاحد يلمسه ادا انتشرت صوري او صار اي شي انا هنا ماراح ادقدق عليكم واقلكم مين نشر صوري انا هنا راح اسحبك وافضحك واجرجك على المحاكم
وقلتلها بأذن الله بيتي عامر وماراح ينهدم لان ثقتي بالله كبيره
انتهت
شفتوا يابنات حقد الناس
على فكره زوجي مافيه اي شي يخلي البنات يتعلقوا فيه يعني قصير واصلع وهوا في الاربعينات
بس زوجها وسيم وكل الاشياء الي فيه حلوا وزوجها من النوع المتعاون مع حرمتوا في شغل البيت وكل شي حتى ادا جاها ضيوف يمسك عيالوا حتى لو كان بيبي عندوا اهم شي حرمتوا تنبسط ومن النوع الي يقدر الحرمه جدا ورجال كل العيله كدا من النوع الي يقدروا حريمهم جدا جدا جدا
بس سابت كل الحسنات الي في زوجها وراحت للمتزوج

لو كنتوا مكاني ايش راح تسووا