احبك ياحبيب الله @ahbk_yahbyb_allh

محررة برونزية

انا في هم لايعلم به الا الله وحياتي معفوسه ساعدوني في اتخاذ قراري فرج الله همكم يارب

ملاحظه (المعرف لصديقتي )

السلام عليكم

يابنات اتمنى من الله ثم منكم الدعاء لي اني في هم وكرب لايعلم به الا الله
اسمعوا مشكلتي وعطوني رايكم بتعقل

انا يابنات لي سنتين متزوجه من تزوجت مع زوجي وانا لم اذق طعم السعاده ولا الراحه معه
وهو نفس الشي مايحس انه سعيد معي حاولنا نعيش مرتاحين لاكن يرجع هو ويقول انا من خذتك وانا مو مرتاح وما احس بمحبه لك مع ان كنا في الخطوبه تمام وشافني شوفة السنه بس قدر الله ومشاء فعل راح قراء عند شيخ وقاله فيك نفس صبرت عليه وهو كان يصبرني وانا اصبره لحد ماربي كتب وحملت تم فتره 4 شهور الاولى من حملي عدل بعدين اعتفس ورجع الى اسلوبه اول الزواج بس يفكر ومتضايق وحالته حاله رجع بس هالمره غير عن اسلوبه اللي قبل قالي قومي بوديك بيت اهلك ووداني ولايسئل عني ولا يكلمني ابدا ولاكأني زوجته رجع الى حالته بس بشكل مختلف بعد هالفتره اللي مرت بضغط من اهله رجعني البيت بس لما عرفت انه رجعني مو عشان هويبي يرجعني عشان ضغط اهله تهاوشت معه ورجعت لبيت اهلي مره ثانيه ولافكر يتصل ولايسئل
واهله يقولون يكذب مافيه نفس ولاشي من اصدق اهو ولا اهله
احين افكر بالطلاق منه لاني حاولت بكل الطرق ان العلاقه تستمر عشان الطفل بس اهو مو متغير
وش رايكم

اسفه كلامي مخربط

يلزم عليك تسجيل الدخول أولًا لكتابة تعليق.

تسجيل دخول

am lina • 10 سنوات

بس والله حرام بينكم طفل ليش ماتقرووون اثنينكم عند شيخ يمكن فيكم شي حاولي بكل الطرق ان علاقتكم تستمر

دمعة غلآ • 10 سنوات

افضل شي يستمر ع الرقية الشرعية
اعطوا انفسكم فرصة تحتاجوا وقت وصبر
وحتى انتي ارقي نفسك واقراي سورة البقرة مع شرب ماء زمزم مقروء فيه

الله يوفقك ويالف بينكم ياارب

نور S • 10 سنوات

الله يفرج همك اكثري من الدعاء والاستغفار وربي بيهونها عليك الله يقومك بالسلامة ويسخر زوجك لك

ام زياد الزين • 10 سنوات

انتي نفس قصتي لكن زوجك عاقل ماطلق
اسمعيني زين حاولي تهدين نفسك

اعقلي ولا تدورين للمشاكل ترا الرجال بيكره اكثر
حاولي تتوددين له غيري الروتين اقرأي سورة البقره
حافظي علي بيتك

احبك ياحبيب الله • 10 سنوات

الله يجزاكم الجنه يارب