ابني خجول

Simply happy :

هلا بك أختي.. و الله إنك شاطرة إنك مهتمة فيه من الآن و الله ما أكذب أنا بالرغم من إنو عمري رايح لـ26 أنا مررررة خجولة و كارهة نفسي بسبب هذي الصفة و الله نفسي أوقف و أتكلم قدام الناس بس أول ما أوقف أتلعثم و أتوتر ... تعرفي ليش أنا كذا لإنو لما كنت صغيرة كنت أتخبى لما يجوا ناس عندنا و الله كنت أقفل على نفسي الغرفة بس الحمد لله الآن أنا أحسن من أول من ناحية مقابلة الضيوف بس من ناحية تقديم الكلام في الجامعة لسى .. دعواتك ...عشان كذا يا قلبي لا تهمليه ... شوفي كويس إنه ولد أبغاكي تخلي زوجك يشيله معاه للمسجد و كمان لمجلس رجال عشان يتعود على زحمة الناس و لا يستحي ... خليه يتفرج على برامج ثقافية و دينية لا تقولي هذي كبيرة عليه بالعكس العيال في العمر ده مو بس يفهم إلا و يقدر يتعلم لغات .. بالله بلاش من الكرتون ... ممكن بس لا تخليه كل مرة يتفرج عليها... اشتري كتب متعلقة بتربية الأطفال و روحي موقع اسمه Good reads يعرضوا كتب و في تعليقات عليها عشان تعرفي قبل ما تشتري أيش أنسب كتاب عن طريق رأي الناس... أهمّ إذا ولدك هو أول طفل مرررة كويس ....إنتي كأم لازم تزيدي من تثقيف نفسك عن تربية الأطفال لإنو مشكلتنا زي ما قال دكتور طارق السويدان : معظم الآباء و الأمهات يمارسون الرعاية و ليست التربية.. إيوه أهم شيء لا توبخي أو تصرخي عليه قدام الناس ... و لازم تشجعي و تمدحيه إذا سوى شيء طيب و إذا عمل شيء بطال إرجعي للكتب راح توركي الطريقة المتبعة ... إيوه شيء مهم لازم تراقبي ولدك و شوفي في إيش هو شاطر عشان تركزي عليه توفري له الحاجات اللي تنمي ميول طفلك.. يا قلبي خلي زوجك يشاركك في التربية و خلوا ابنك هو مشروعكم... آآآآآسفة طولت عليكي و الله ما حبيت يكون ابنك مثلي خجولة ... و السلام عليكم^_^

هلا بك أختي.. و الله إنك شاطرة إنك مهتمة فيه من الآن و الله ما أكذب أنا بالرغم من إنو عمري رايح...