عندي لابتوب من نوع توشيبا تعطل وعرضته على كم محل ولا صلح ممكن تدلوني على محل يصلحه

حبيبتي ايش نوع العطل بالضبط ؟

الله يعينك يا قلبي.. و تجدين من يصلحه لك..


و أنا كذلك لابتوبي (توشيبا) معطل من كم شهر و تقول الشركة أن (المذربورد) معطــــــــــــوبة..

و قالت أن اصلاحة يكلف 2500ريال!!

عرضه زوجي على اكثر من محل، قالو أحسن لك بيعه و عرضوا عليه الشراء بـ 500 ريال!!

زوجي اشتراه بـ 6000 تقريبا، عن طريق الوزارة بالتقسيط

صعب ينباع بـ 500 و هو جديد و الشاشة ننظييييفة و جديدة.. ..الله المستعان مأساة

(اللهم أجرني في مصيبتي و اخلف لي خيرا منها)

و إلى الآن كما هو.. ما أدري أيش أسوي فيييييه.

يعلم الله إني محتارة و إذ عندك يا غالية حل أفيديني (بعد أذن صاحبة الموضع)


هل بيعه بهذا الثمن البخس؟

أصلحه و لو كلف ذلك المبلغ؟

هل هناك أماكن موثوقة ممكن تصلحله بسعر معقول؟

و الله محتارة و المشكلة أن الجهاز كان يمثل لي شبه ضرورة لأن أستخدمه في نشاطات دعوية..

نسيت اقول أن سبب عطل جهازي (سكبت بنتي -الله يحفظها- ماء على لوحة المفاتيح)

الله يعوضك خير اختي

انا اشوف حرام ينباع بخمس مية وخاصة لو الهاردسك سليم

لان الهاردسك لحالة يباع في السوق لو بغيتي تغيرينه حسب السعة طبعا مابين 250 الى 400

والهادرسك هو اللي فيه كل شي يخصك يعني تقدرين تفكينه وتركبينه على اي جهاز يحمل نفس النوع انا كل يوم اسوي هالحركة بجهازين لي

مرة انقل هنا ومرة هنا وكاني ناقلة جهاز كامل

المحلات بيستفيدون من القطع الموجودة واولها الهاردسك وهذا اللي اتوقعه

المذربورد فعلا لو تعطلت كان شخص اصابة شلل كلي لكن عقله هو عقله وذاكرته فهمتي علي ؟

احتمال المذور بورد احترقت صحيح بس المعالج سليم

الرامات سلمية الرام لو سليم لحاله مايقل عن 500

فانا من رايي تودونه عند شخص يخاف الله اقلها لو فلستي من الجهاز مرة وحدة تضمنين القطع السليمة معروف اللاتبوب حتى لو مافيه شي بيعه مستعمل يطح سعره

كان عندي جهاز كان توشيبا سعره فوق العشرة الالف ولما اصبح قديم قلت بدال ماهو قاعد كذا ابيعه وخاصة انه نظيف جدا وشغال بدون مشاكل وحتى بطاريته مازالت تنشحن

تتوقعين بكم قالوا ياخذونه ؟؟

500 ريال

رحت سالت بكم ممكن اغير الهاردسك لحجم اكبر واحط فيه واير لس علشان اطوره ماكلفتني الشغلة 350 وباقي الرام ازيده بس وبما انه جهاز قديم ايضا ماراح يكلف اكثر من 300 ريال

الجهاز الان ماشاء الله ولا اروع للمستخدم العادي

و الله خوفتيني..

تصدقين..الجهاز مركون له تقريبا 3 اشهر

و قبل اسبوعين رجع زوجي و عرضه على محل سبق و أنه عرضه عليه، و طلب منه يشوف له حل بأي طريقة..

و إلى الآن ما فكر يمر عليه!!


يعني هل ممكن يأخذ من قطع الجهاز بغير علمنا!! الله يستر..





ما فهمت عليك.. طيب أنا أيش استفيد من القطع و المذر بورد عطلان أصلا، وجوده الآن عندي زي قلته.. (أتمنى توضحين هالنقطة)..


مرة من المرات واحد وعدزوجي يصلحه له بـ 1500 ريال أو قال 1800 (ما اذكر) و قال أنه راح يدبر له مذر بورد جديد (من الشركة) بطريقته.. لكن ما أدري ليش ما اتفق هو و زوجي.. هذا يمكن قبل 3 أشهر..



طيب أنتِ من واقع خبرتك ما رأيك، يعني (ما هو الحل النهائي في مثل حالتي)؟

و الله زوجي متردد يصلحه عند الشركة لأنه كما قلت لك راح يكلف (2500 ريال) .

و أنا اقترحت عليه يشوف سعره في السوق إن كانت قيمته جديد 3500 فما دون نبيع (الله يعوضني خير) بـ500 و و نحتفظ بقيمة الاصلاح لشراء جهاز جديد نظيييف و نزيد عليها 500 ..

هذا أوسط الحلول..

أم عندك رأي آخر؟

سااااامحيني يالغلا طولت عليك، لكن يعلم الله كرمك اغراني..


أسأل الله أن يوفقك، و يجزل لك المثوبة على ما تقدمين لنا هنا..

يمكن تقصدين أحتفظ بالجهاز لاستفيد من قطع غياره مستقبلا؟

أنا حاطه هذي الفكرة براسي (لكن المادة تحوجنا نبيعه عشان نشتري غيره)

يا شيخه الله يسرها من عنده.. إلى الآن محتارة.. و الله يكتب الخير..

و ما قصرتي يا عسل..