أمي تشوفه نآر وهو يشوفها ثعبآن

السلام عليكم .....مدري اذا كان هذا مكان موضوعي او لا بس اللي أعرفه انكم ماراح تقصرون معي وأنا مسامحه كل من يدخل ولايعرف شي ممكن يساعدني مسامحتها لانها مارضيت تتكلم من فراغ>>تمويه لكل أحد يعرف اي اي اي معلومه صغيره كانت ولا كبيره ممكن تساعدني وتريح بالي ريح الله قلوبنا أجمعين

الموضوع ومافيه اني يوم كنت صغنوونه ابوي طلق امي وبهذيك الفتره(حسب كلام الكل)ان وحده من عماتي الله يهديها كانت تعامل امي خدااااااامه وكانت تكرهها بالعربي مع العلم ان امي (مع احترامي لأمهاتكم) أطيب أم شفتها بالدنيا كلها لانها ضيعت عمرها وشبابها عشانا ولارضيت تتزوج بعد ابوي عشان ماتهملنا ...المهم كبرت وكبرت وكبرت لين صار عمري 18 سنه وقرر أبوي بعد 3 زيجات انه يرجع لأمي وهنا بدأت المعاناه

.....اول مارجع ابوي ماكان يتطلب كثير وشوي شوي يدخل نفسه فينا لأني ماتعودت اعيش معه تحت سقف وااحد مع الايام طيح الميانه وصار يعاملنا كـ أب يعني خلاص صار يصرح باللي داخله

غرفة امي وابوي الحين قبل رجعتهم كانت غرفتين وحده لي انا وخواتي والثانيه لأمي بس....لما رجعو فتحو الغرفتين على بعض وصارت غرفة امي وابوي ...يوم كنا جالسين حنا بغرفه وامي بغرفه ابد ابد اببببببد ماكنا نحس بشي وكان كل شي اووووكي وعمرنا ماحسينا بضيق وماشابه اما الحين امي وابوي تجيهم كآآآآبه بس يدخلون غرفتهم والله مايستحملون القعده فيها اكثر من نص ساعه ...امي صارت تكره البيت بكبررره ...ابوي صار يكره يقعد معنا وسواله جلسه بمكان بعيد عننا ودايم يجلس هناك لو احنا نزلنا له مايتهرب عادي بس هو مايطلع يآكل يشرب هناك وحتى النوم اوقات ينام هناك يعني كره البيت بعد ومع الوقت صار يكره البلده بكبرها صار يكره البلده اللي ضمتنا فوق ال 30 سنه واكثر وعذره ان الجو موب حلو بس السالفه اكثر من الجو لأنه يوضح عليه الضيقه والكتمه من يوم ندخل المنطقه ويكون عصصصبي ويقول انه بينقل مكان ثاني .... انا بعد كنت احب بيتنا واعشقه لان فيه ذكرى اخواني وخواتي بس الحييين والله ولا أبالغ اكره اليوم اللي اقعد فيه بهالبيت وبس اطلع منه احس برااااااااااحه نفسسيه .....
امي تقول اوقات تسمع اصوات احد ينادي سواء كان من اخواني او ابوي ويوم تروح مافيه احد؟؟؟ انا سمعت احد يناديني مرره بس ولاعادي تكررت معي

امي رجولها توجعها المفاصل يعني تمشي بصعوبه رغم انها ماهي كبيره بالعمر وكل الدكاتره اللي شافتهم يقولون اما الركبه عندك او خففي وزنك
بنات انا صار عندي شك ان البيت فيه عمل وشكي مدري ليه أحس انها عمتي المصون قرأت ان اذا تقرين سورة الانبياء 3 ايام تحلمين باللي مسويلك هالشي وهذا اليوم الثاني بس يمكن مو انا المسحوره يمكن امي او ابوي؟؟؟
ع فكره انا شاكه بعمتي لانه هي سبب طلاق امي وابوي وهي اللي وسوست له وزنت عليه عشان يتزوج وحده وياليتها سعوديه للأسف من برى وهي بيني وبينكم فيها خباثه رغم انها عجوز الله يهديها

قبل كم يوم كنت اسوف مع وحده من اخواتي وقالتلي ان امي اول كانت تشوف ابوي نار وهو يشوفها ثعبان ويوم سألت امي قالت ايه تخيلو توي اعرف الهرجه انا احس انهم يخبون علي اشياء عشان مااخاف ؟؟؟

قرأت اذا بتعرفين مكان السحر امشي واقرأي سورة البقره بالبيت كله بس صعبه شوي علي لان بيتنا كبييير وفيه نخل كثيييير تتوقعون انه تحت وحده من النخل؟؟؟

ابي رقم شيخ موثوق اسأله عن الموضوع واقوله يجي يشوف البيت ويقرآ عليه (ع حسب هو وش بيقول ) وانتم مر عليكم شي زي كذا؟؟؟
طيب وش تنصحوووني فيه؟؟؟

رجاااااء محتاجتكم والله صرت اخاف من هالبيت ..ساعدوني
ع فكرا قلنا لابوي ننقل من البيت يقول لا هو بينقل من المنطقه كلها بس شوي يرتب الموضوع بس لو تأكدت ان البيت فيه سحر وخليت ابوي يتأكد بننقل ونفتك من البيت