خليكي طبيعيه جدا
وخلي لبسك حلو ومحتشم مندون مبالغه
واشغلي نفسك بولدك قدر ما تقدري يعني لا تتلزقي فيهم
واذا تجمعو على وجبه ولاقهوه اجلسي معهم وخليكي شخصيه ولا تكثري من الكلام والتعليق
وخذي راحتكي عشان لا تحسي بتوتر
مثلا اذا وصخ ولدك مكان قومي نضفيه اذا كبيتي شي قومي مسحيه خليكي خفيفه ماهو كسول وطفشانه
دوري مواقف حلوه تسولفي فيها مع عمتك عن ولدك مثلا وما هولازم وسولفي سوالف طيبه اذا لقيتي وقت منا سب
وعليكي بالدعاء ان الله يسخرهم لك

الله يوفقكم ويسعدكم انشاء الله ..والله اني لقيت عندكم نصائح مالقيتها عند اهلي
يارب تسعد وتوفق كل وحده ردت علي ..ولكن انا طمعانه بالمزيد اي شي تكفى ..تراي خبله ومع الخيل ياشقرا..يعني مثلا انا علاقتي باخوات زوجي كويسه واحب اخذ راحتي معهم بس احيانا احس في عيونهم انتقاد لكن ما يقولون

صح بالنسبه للبس ..انا دايما البس عندهم تنانير ميدي يعني نص الساق وهم ناس فري يعني عادي
واحيانا بناطيل بس ماتكون ضيقه واسعه يعني اغير والا

والله احلى شيء بعطلة الصيف انك تروحين مع زوجك وتجلسين عند اهل زوجك اسبوع اواسبوعين خاصه اذا كانوا حموله وبناتهم يجون يجلسون عندهم والله وناسه ,, الله لايغير علينا ,, صحيح فيه نقد من الحموله بس خلي بالك وسيع قد ماتقدري لانها فتره بسيطه وتروح ولايبقى منها الاالذكريات الحلوه والذكر الطيب ,, والله يوفقك ياااااااااااااااااااااااااارب

اختي انا مثلك كل صيفية اروح لاهل زوجي وطبعا كل وحدة وعلاقاتها باهل الزوج لكن فية نقاط لازم تحطيها ببالك اولا لسااااااااااااانك لا تتدخلين بامورهم الخاصة وحتى لو طلبوا رأيك بشي حاولي تكون اجابتك دبلوماسية لان اذا ارضيتي ناس زعلتي ناس ثانين فاحسن شي( مدري) تخرجك بدري ثانيا لبسك حاولي يكون محتشم وطبعا شوفي هم وش يلبسون انا اهل زوجي بالبجامات والارواب في البيت وطبعا صعب اني ارز نفسي بلبس رسمي قدامهم لذلك اخذ معي جلابيات نعومه وشيك البسها واذا جاء المغرب اللي هو وقت الزيارات عندهم غيرت ولبست شي يليق ومو متكلف يعني تنورة وبلوزة بس
لازم تكون محتشمة واما لتصرفاتك في البيت حاولي تحسسينهم انك موضيفة يعني وقت الوجبات شيلي وحطي معهم واطبخي اذا لزم الامر انا عادة اسوي لهم الحلى لان عمتي اللة يسعدها ما تخلي احد يطبخ غيرها وذا على البخور انا مثلك لااااازم اتبخر فعادي اطلب من احد يدليني على الفحم واشيل المبخرة وابخر البيت ثم ادخل غرفتي ابخرها بس بالنسبة لك انتي حاولي تسألين لانك تقولين فية اطفال وتعرفين الاطفال وكتمتهم وبالنسبة لاكل ولدك مدري قد ايش عمرة الله يخلية لك بس حاولي انك تطعمين الاطفال اللي حولة عشان نفسهم تعرفين اطفال واذا فيه اشياء خاصة لولدك اكليه بغرفتك
واخيرا خلي علاقتك حلوووووة مع اخواته يعني مثل اخواتك بس من دون مبالغة طبعا في المزح
إن شاء اللة اكون افدتك وإن شاء اللة تكون زيارتك حلوة وخفيفة وطبعا تستانسين واهم شي ان اهل زوجك يفقدونك يوم تروحين عنهم:(