صديقتي غيرتني بعد ما قالت لي مالوم تطنيش زوجك لك!!

االسلام عليكم ورحمة الله




كثير اشتقت لكم
كثير اتابعكم واحبكم والله


وكل عام وانتو بخير ربي يرضى عنكم ويسعدكم
حبيباااتي
والله اني كنت دايم اقول ب اشتكي لكم من تطنيش زوجي لي وما انام ف أوقات الا ودموعي ع خدي و إهمال بس الحمدلله حمدا كثيرا الحمدلله والشكر لحقت على نفسي وقدرتها وعظمتها وجيت ابشركم واقلكم الحقو ع نفسكم
اولا زوجي نمطه في فصيلة الشخصيه (شمالي شرقي)
أصعب نمط اتوقع
صديقة العمر ربي يسعدها لي جات عندي يومم بعد صلاة العصر على طول وقت زيارتها صعب بس عشان زوجها عنده دوام ومو فاضي أي وقت ثاني يادوب نظفت بيتي واستقبلتها على طبيعتي مو حاطه شي بوجهي حتى شعري ما استشورته لأن ف بالي استشوره بس هيا جات .
والحمدلله انها شافتني كدا ولابسه بجامه عاديه وسعرها جدا رخيص بعد ماجلست معاها زوجي طلع من البيت وأخذنا راحتنا وانبسطنا واستشورت بسرعه بسرعه ولبست لبسي الحلو
بعدين ي حبيباتي كانت تطالع فيني وساكته ولما روحت تكلمنا ب الجوال قالت لي
بصراحه ماالوم تطنيش زوجك لك
استغربت مدري وش خلاني استغرب بس أسأل الله يدخلها الجنه وينور بصيرتها ويسخر لها زوجها
قالت لي انصدمت من شكلك انتي كدا تقعدي مع زوجك لو أني مكانه مابطالع فيك وش ذا جسمك مترهل وفيه حبوب وغير كدا تمشي ف البيت ببجامه زي كدا وليش شعرك ماتشوفيله حل وجسمك احسه جاف ..بيتك صراحه مرتب بس انتي مو معطيه نفسك حقها عشان كدا زوجك ساحب عليك ....وانتي بس تجري وراه وصحتني وخلتني أطبق النصائح اللي بتسويها لنفسها. ..ولما دخلتها غرفة نومي شافت التسريحه تخيلو يمكن 4 عطور وريحتها قويه ومعطر واحد حق جسم جاني هديه وريحته حلوه قالت لي أنا بوقف معاك وبخلي زوجك هذا يعرف قيمتك
أولا اهدتني حماام ساونا وقالت لي اشتري صابون مغربي وطين وليفه مغربيه خليكم مركزين ي بنات عالم حواء
قالت سوي حمام وعلمتني كيف اسويه وقالت قدام زوجك طلعي الأشياء وبيني اهتمامك وبصراحه زوجي شاف قام يطالع ويسالني وش ذا قمت اقوله احسه بدا يعجب باللي راح اسويه وخرج سويت الساونا ودقيت على صديقتي قالت إش شعوورك قلت فرررحانه أحس اني نظيفه أحس اني سويت شي لنفسي كنت مقصره قالت يلا ابغاك تكلمي زوجك وتقولي له انا سويت حمام وتكلمي ف نفسك واتصلت وقمت أمدح ف جسمي وقوله انشغلت عن نفسي لي فترا بسبب بنوتتك والحين الحمدلله بدت تكبر وبرجع اهتم وقال يلا كويس وجاء من الدوام احسه متشوق لجسمي لأنه صار حتى ملمسه غير بس طبيعة نمط زوجي مايبين على طول المدح وفيهم ثقل. .
ف اللي سواه زوجي جاب سدر وحنا وحطه جنب الصابون المغربي والطين يقول انه بيحط ف جسمه هههههههههههههههههه شفتو كيف مايبغى يصير احسن مني واستمريت على النظافة وتطورت واشتريت سنفرة كاب رررروعه تنظف وحتى صديقتي قالت لي حركاتت أجل بشتري زيك سنفره والحمدلله ماشاءلله جسمي فيه فرق عن أول. ..
والله ي حبيباتي انه اول دايم لما اكلمه بس أذكر له طاري الكرف والطبخ ونظفت ورتبت مااجيب طاري نفسي لأن وش اقول انا ماسويت شي لنفسسسسي
الشي الثاني فقالت خليك ثقيله انشغلي بنفسك والحين ي أخوات أحس بتحسن أحس زوجي ماشاءلله بدأ يتغير يقولي جسمك ناعم ماشاءلله تصدقو ماعمري سمعتها إلا بعد الساونا انا أهملت اللفته اللي فيني أهملت جسمي والحين انتقلت لمرحلة الشعر علمتني كيف استشور مضبوط والحين ماشيه ع الزيوت زيت خروع وبديت ف الحنا اول مرا احط بعد غياب 5سنوات عن الحنا خلاص ببدا اهتم أن شاءلله بشعري وقالت لي ماتخليه يشوفك إلا انتي مرتبه وغيرت بجايمي رحت الهرم عندي بجده أسعاره مناسبه وتصرفت بالقديم .... وشوي راح ابشركم ب اللي استفدته وش ماطلعت بنتايج بفيدكم وباقي التسريحه شوي شوي بعبيها. .. وباقي التمارين بديت فترا السكوات ووقفت ومن اليوم راح ابدا فيها ومااوقف ان شاءلله الا بعد الرضى بالنتائج وان شاءلله بسوي تمارين شد الصدر والمشي عشان أشد جسمي وتمارين السكوات..عسانا على القوه والله اني احبكم ف الله وابغالكم الخير
واللي زوجها يطنشها ودي تشوف وش أسباب إهماله لك يمكن يطلع السبب انتي انتي شوفي نفسك إش ينقصها عسى ربي يحفظنا
وماننسى ندعي ربي يشغلنا بطاعته ورضاه
وكلمه أخيره ونصيحه مرتبطه بالزوج
حابه الشي لي ولكم
وانصح نفسي أولا ترى واجب علينا طاعة الزوج واحترامه فيما يرضي الله واجب علينا نختار الكلام الطيب ولازم كل وحده فينا تغري زوجها بطريقتها تتعلم كلام جديد وحلو وتقوليه مثلا زيي انا تعلمت كلمه من قناة مصريه للطبخ متصله دقت ع الطباخه تقولها دنتي ماليه حياتي بالخير
بعد ماسمتعها كتبتها ف الملاحظه وقلتها لزوجي
هيا وش بتخسرو لو بتطلعو كلمتين حلوين وابعدو عن النكد وربي زوجي كان يقول عني نكديه دحين الحمدلله صرت أحاول أكون مرحه أجيب السواليف اللي بعيده عن المشاكل ولازم نعدي ونتغافل وف نفس الوقت لو صار شي يستاهل الزعل اكيد مابتقصري وبتعطي كل شي حقه ...استودعتكم الله