حابه احط لكم طريقتي بالسليق ... لذيذه مــــــــره..
ماصورت طبقي... المره الجايه ان شاء الله احطه :)
الطريقه:
_ دجاجه مقطعه اربع اجزاء وبجلدها
_ تسلق لمدة ساعه مع:
(فلفل اخضر مقطع قطع كبار + (1-2) حبة ثوم اخريقيها بالسكين +بصله بكبره ا+3 حبات هيل + ملح)
ولما ينضج الدجاج ... أخلطي (صلصة طماطم+زيت+1 فص ثوم مهروس+ بهارات)
واخلطي الدجاج فيها.. وكثري ... ودخليها الفرن الين تحمر وطلعيها ...
__________________________________________________________
بالنسبه للرز المصري (المنقوع في مويه حاره) اسليقيه بموية الدجاج بعد ما تصفينها ...
و اذا حسيتي المويه قليله زيدي ...
ولما يقرب الرز يتشرب المويه .. ضيفي له (6 ملاعق حليب بودره في كاستين مويه سخنيه اول ثم اضيفيه)
وحركي ... واذا احتاج مويه زيدي...
لما يخلص الرز ضيفي له زبده وهو بالقدر وحركي..من جد لذيذ طعمه ... واللي تجربه تقول لي رايها...وبالعافيه للجميع:)