حكم بيع السلعه بسعر أعلى من سعرها الاصلي..أرجو التثبيت

الله يجزاتس الجنه ومن تحبين اختي
الله يحقق مناك وييسر امرتس
ويجعل الفردوس منزلك ووالديك

اللهم آمين

وجزاكِ الله كل خير اختي الغاليه على اللي كتبتيه

وفعلا بيع السلعه باغلى من اللي اشتراها هو اساس التجاره ولا كيف بتصير التجاره:)

واحسن حل بالنسبة للبنات انا اشوف اولا انه المشتريه مو ضروري تسأل التاجره بكم اشتريتي مثلا هالبلايز وكم ربحك فيهم لانه فيه احراج للتاجره خلاص اذا المشتريه اعجبها السعر تشتري واذا ما اعجبها تحاول تحصل على خصم من البائعه :)
واذا التاجره انسألة مثل هالسؤال ما في داعي تكذب وتقول سعر اكثر من اللي شرته فيه تقدر بكل بساطه تعتذر من الاخت اللي سألت وتفهمها انه هذي تجاره وما تقدر تقول سعر التكلفة للبضاعه اللي عندها، ويكون باسلوب حلو ومؤدب:)

لكن الحرام طبعا هو انه مثلا بنت تقول انا شريت هالفستان يا بنات بـ 3000 ريال وابي ابيعه لاني ما عدت استعمله وهي ما تكون شاريته بـ 3000 ريال ساعتها فعلا حرام هالتصرف ولازم التاجره تكون امينه وتبعد عن التهويل عشان تشوق البنات وتبين لهم انها شاريته بالغالي وهي شاريته بارخص من كذا



لكني سمعت عن امر اخر محرم ولست متؤكده منه يا ليت اللي عندها فتوى تعرفها تكتبها لنا

وهي انه بعض التجار يبيعون سعر السلعة باضعاف مضاعه كثيرا يعني شيء فوق الطبيعي
يعني مثلا واحده تبيع (شيء) هالشيء ينباع بالسوق للناس بسعر 100 ريال ومتعارف هالشيء، لكن هي تجي وتبيعه بـ 900 ريال على الناس اللي مو شايفين هالمنتج اللي سمعته انه بهالحالة يصير حرام لانه الزياده صارت زيادة غير متعارف عليها
اما لو جرى العرف على زيادة عاديه بحدود 20 ريال ، 50 ريال بالكثير 150 ريال على سعر السوق فيكون عادي اما اكثر من كذا يعتبر حرام هذا اللي سمعته والله اعلم

وبحاول ادور على الفتوى

هلا قلبي
ويجزاك حبيبتي خير الجزاء ويعود عليك بنفع دعوتك لي أضعاف اللهم امين

مليكة القلم
جزاك الله خير اختي الكريمه ويا لييييييت تفيدينا بالاحكام كمان لان زي مافيه حكم مع التاجرات اكيد فيه احكام ضد اللي مخالفين منهم وهن ان شاء الله قليل بالمنتدى

تسلمي اختي على هالموضوع
ورايي من راي الاخت الفاضله
مليكة القم
وتسلمو جميعا