بسم الله الرحمن الرحيم
ماشاء الله عليييييييييييييكم وحشتوني ومثل مايقول المثل
من طول الغيبات جاااااااااااب ام الربيااااااان ,,,
عاااااااد اقوووول لكم ذا الحييييييين وقته وتجيبينه يلبط ماشاء الله
وانا جبته فرش ,,, ولعوز راعي السمج كل ماحط وحده نقزت من الميزان ( وانا اقول اقحص امك يا محمد )
وعقب ما جبته من السوق ,,
انقزت من الصحن لاني قاعده اطالعها مستانسه عليهااا ,,,
المهم مب ذا موضوعنا ,,,,
( اهم شي وحشتونا يا عزيزاتي ))
المهم شريت ام ربيان ,,,, وقلت شاسويه اسهل طريقه تفوحينه بالمطيبات ,,, وتاكلينه مع تغميسه حلوه سيده
والي اسهل منه اشوينه على الضوااا ( ياويلي ويلاه )
ولا مشوي
ولا الكباب بس مره سوينها اكسروا خاطري وهم
يناقزون على الفحم ,,,, بس الحمد لله الذي قال ((
قلت خل
اسويه بالباشمييييييييل ,,,,اذا طبقنا الييييييييييوم هو ,,,,,,
ام الربيان بالباشميل بطريقه سسسكككككر
(( هذه الاستاكووووزا عقب الفوح ))
اتجيبين ربيان الكميه الي هي ودج ,,,,, وتفوحيييييين ماي في جدر يسع الربيان ,,, وتحطين معاه دارسيه فلفل اسود حب ,,, انا زدت من عندي كرافس قطعه ,,, حبه وحده ماجي ,,,اختياري ,,,,اول ما بدا الماي يفوح نزلت ام الربيان
حبه حبه ,,,, وخليته لين بدا يغلي الماي عقبه بشوي ,,, يعني بين 10 دق وال 15 دق بس لاتخلينه اكثر لانه عقب
بلح ام الربيان (لحمها ) بيصير لين وغير متماسك ,,,
الحين طلعيهم وحطيهم في مشخاله ,,,,,
جيبي مقص المطبخ وامسكي ام الربيان من ظهرها وشلي المغلف الي مغطي بطنها ..... وحافظي على الظهر
حتى تستعمليه ,,, طبق للحشوه ,,,, ,,, واسحبي اللحم ( لحم ام الربيان انسميه بلح ) بلوح ))
وحطيه في طبق وقطعيه على حسب رغبتي يعني شي قطع صغيره وشي قطع اكبر بعدين اذا سويتيه بتعرفين ليه
وخليه على جنب ,,,,
هذا بللوح ام الربيان عقب ما اخلينها من جسمها :p
وهنا الطبق بعد الحمسه وكل المكونات امينه حتى لطحين يغلفها
وهذا من قريب
الخطوه الثانيه ,,,,:o
جيبي طابي كبير شويه ,,,, وحطي زبده وزيت زيتون وحمس فيه بصل مقطع على حسب ماتبغين حطي كرفس مقطع صغير كلش .
.. لمون غلاس ,,اعتقد هشكل اسمه المهم الي يكون كنه اعواد وريحته فضيعه نسيت اصوره لكم ,,,(اسموحه )
حطحطي المشروم المقطه شرائح ,, رشه ملح ,,,بس لاتخلين المشروم يذبل رشه فلفل اسود
حطي الحين لحم ام ربيان لمقطع وخلطي مع التقلب المستمر ,,,الحين حسب ذوقج ( انا حطيت فلفل علوب حار مقطع صغير ,,, رشه كمون رشه فلفل مجروش ,,, بغيت اسويه سبايس ,,, مع العلم اني ما احط هذه المكونات مرات كثيره
انوع ,,,, على مزاجي ,,, شويه كزبره خضرا قلبت بسرعه رشه ملح تراني احط الملح بمقدار رشه بسيطه حتى كل
خلطه تاخذ نكهه ,, الحين حطيت مقدار 3 ملاعق طحين وقلبت المكونات حتى تختفي نكهة الطحين وقلبت حتى حسيت
ان كل المكونات تغلفت بالطحين ,,,, الحين كاس حليب كريما 1/2 كوب ,,, وقلب اذا حسيت ان الخلطه شوي سميكه
زدت اشويه حليب( الحليب عباره عن ماي ونيدو) ورشيه الخلطه بشويه جبنه متزوريلا وقلبها لين اتسيح لحين سكرت الطابي ,,,, وجبته عندي على الطاوله ,,,,
وهذا هو الطبق عقب التطبيق
يتبع يا قلببببببببببي:26:
تذكرون ظهر ام الربيان الي سوينها مثل القارب ,,,, انظفه
كنها حد يتثاووووب
وناخذ من الخلطه ونعبيه الكميه حسب رغبتج
ونحطه في طابق الفرن ,,, ونرش
عليه جبنه ممتزوريلا ... وادخله الفرن ,,, فقط حتى يتحمر الوجهه ,,,,
وراح تاكلييييييييين اجمل استاكوزا بالبشميل من صنع يدج ,,,
يا قلبي وطلبي لي الله يسلمج ,,,,:42:
ستب نمر 4 :angry2:
خخخخ حان التقديم الي انا اعتبرها اخطر خطوه عقب اعداد الطبق ,,,,,
سوينا اشويه شاينيز رايس,,, سلطه في قارب خس ,,,, وهذا شكله:o
يا جعله في العافييييييه
سوووه حق ابو الشباب فاجأيه به:22:
واذا حبيتي ادلعين نفسج بذا الطبق يا امج لاتنطرين
احد
بس يا قلبي تحملي من الكلسترول
تراه يرفعها ما ادري ينزلها
ربي يحفظ الجميييييييع
:26: