حكايتي اني دخلت القسم بقصد اني اجمع معلومات مفيده أو رجيم زين يناسبني أو تجربه مفيده .. والقسم اكيد كله فوائد.......... لكن اللي صار اني تلخبطت لخبطه مو صاحيه !!
جبت دفتر وقلم عشان اسجل الملاحظات الهامه واسجل الاعشاب والاغراض اللي احتاجها عشان اوفرها ..وكمان برنامجي اللي راح امشي عليه لكن شوفوا وش طلعت فيه
1 - على الريق زبادي منزوع الدسم - على الريق تفاحه خضراء مع ورق زعتر بري - على الريق عصير جريب فروت - على الريق مشروب كمون مع ليمون
:09:
كم ريق عندي بالله ؟؟؟ هو واحد وش اخذ وش اخلي ؟ !!
2- ناس تقول سوي رياضة اقل شي 30 دقيقة في اليوم ... وناس تقول لا تمشين الا بعد خسارة 10 كيلو.
هذا غير الطلبات ........اعشاب على كريمات على اغراض دايت ... الخ وش اجيب وش اخلي .
انا البارح قررت اعطي نفسي شهرين عشان انزل 12 كيلو أو 10 عالاقل
بقولكم وزني وطولي واعطوني افضل برنامج يناسبني لازم اقل شي اخسر 10 كيلو في شهرين
لا تقولولي حبوب وما حبوب ... هذي ما اعترف فيها واخاف منها خوف مو طبيعي واحسها تصلح شي وتخرب اشياء ثانية
طولي 154
وزني 65
واللي تبغى تنافسني ياليت تبدأ معي من اليوم .. ترى يزيد الحماس والتحدي ..
استنى ردودكم ... والى ذلك الحين بآكل تفاحه خضراء ....وارجع لكم
في قسم الرشاقة
رجيم حلوو والله وجربيه اسبوع اذا نفع معك امشي عليه
تحياتي