جت في بالي فكرتين للعمل
وحدة سهلة والثانية معقدة شوي
الأولى
تجيبين كورة من النوع المحشي يعني اسفنجية من الداخل
تغطينها بورق كروشية أصفر وتكون معفطة (يعني تحاولين تخلينها مثل كورة مولعة نار-شمس)
وتثبتينها على حامل(عمود طوله 10أو20سم أو مثل ما تحبين ومثبت على قاعدة مدورة)
وتجيبين بالونات صغيرة وتنفخينها(بحيث تكون كور مختلفة الحجم وأهم شي تكون أصغر من الكورة الأولى -الشمس-)
تجيبين مناديل اللف وتقطعينها شرايط وتغطسينها في صمغ سايل وتلزقينها على الكور حتى تغطينها كلها (معليش لو كانت معفطة-عشان التضاريس) (وممكن تسوين نفس الحركة للشمس)
تتركينها حتى تنشف(بتصير قاسية) بعدين تلونينها بألوان مختلفة(تشوفين أي صورة للكواكب وعلى أساسها توزعين الألوان والأحجام)ولو تحاولين تخلين الألوان متداخلة يكون أفضل(يعني تدخلين الأزرق الغامق مع السماوي مع الأبيض أو الأصفر مع الأحمر مع البرتقالي.....وهكذا)
بعدين تجيبين أعواد الخشب حقت الشوي وتدخلينها في الكور وتوصلينها بالكورة الكبيرة (الشمس)ولازم تنتبهين لأطوال الخشب (يعني الكواكب القريبة تقصرين الخشبة والبعيدة تطولينها أو توصلين في بعض)
ولما تثبتينها في الشمس لا تحطينها بنفس الاتجاه .ييعني وزعيها حول الكورة الكبيرة
واذا تبين اكتبي اسماء الكواكب بالكمبيوتر وقصيها ولزقيها على كل كوكب
الفكرة الثانية
اذا كان ولدك كبير كفاية يفهمها
أو أكتبي التعليمات للمدرس
تجيبين 11كيس كبير(بحجم أكياس الزبالة الكبيرة)
وتبخينها بألوان بالبخاخ أو أي طريقة تقدرين تلونينها
(واحد للشمس ولباقي للكواكب العشرة-توهم مكتشفين كوكب جديد من كم شهر-أهم شي الشمس تكون صفرا والأرض زرقاء)
تفتحين الكيس من فوق وفتحتين من جنب
عشان يدخل يديه وراسه
وتجيبين كورالبلاستيك أم ريالين وتلونينها بنفس الألوان وتقصينها عشان تصير قبعة
(لا تقصينها من النصف,قصي ربعها بس عشان يطلع الوجه بس)
تكتبين أسم الكوكب بشكل كبير وتلزقيها على الكيس أو القبعة(لو تكتبينها بالفلين يكون أفضل)
أكتبي معلومات اضافية عن الكواكب ولزقيها (مثلا اكتبي على عطارد -حارجدا- وعلى الزهرة-حار- وعلى الأرض-معتدل-وعلى المريخ-بارد-وعلى المشتري -بارد جدا-وهكذا)
سوي حزام من الشرايط أو أي شي ثاني عشان يثبت الكيس
جيبي خيوط صوف وقصيها على أطوال مختلفة(مثلا تتراوح بين 20 أو 30 متر الى المتر )
وجيبي أكياس وحطي في كل كيس اللبس المناسب مع القبعة مع الشريطة مع خيط الصوف(وتوزعين خيوط الصوف حسب بعد كل كوكب عن الشمس_يعني البعيد تعطينه الخيط الطويل)
وتحطين ورقة تحتوي على معلومات اضافية عن هذا الكوكب
وتكتبين ورقة للمدرس تقولين فيها
يختار 11طالب ويجعلهم يلبسون الزي(وكل واحد يحتفظ بالخيط معاه والورقة)
يجعل الولد لابس الشمس يقف في منتصف الساحة
يأتي لابس عطارد ويقف بقربه وكل واحد منهم يمسك طرف الخيط
يدور عطارد ويرسم على أرض الساحة دائرة (بالقلم أو الألون أو التراب ....المهم تتحدد الدائرة )
بعدين يوقف في مكانه ويترك الخيط على الأرض(ماله فايدة الحين)
يجي لابس الزهرة ويسوي نفس الحركة(بتصير دائرته أكبر لأن خيطه أطول)
وهكذا كل كوكب يسوي نفس الحركة(وأهم شي الشمس ما يتحرك من مكانه)
بعدين يخليهم كلهم واقفين بخط واحد
ويخلي كل ولد يقرا الورقة حقت كوكبه
بعدين
يخليهم كلهم يتحركون(يدورون بنفس السرعة( يعني يعد واحد اثنين .....)ومع كل رقم يمشون خطوة)بس أهم شي كل واحد ما يطلع من دائرته
ويقول لكل واحد يعد كم دورة سواها حول الشمس
اذا خلص أبعد كوكب دورة واحدة يقولوهم يوقفون
ويسأل كل واحد كم دورة سوا
بيلاحظون انهم كل ما قربوا من الشمس زاد عدد الدورات
(وهذا معناه ان السنة في الكوكب البعيد تختلف عن السنة في الكواكب القريبة)
معروف ان السنة هي المدة التي يستغرقها الكوكب في الدوران حول الشمس
ممكن تزيدين الأفكار مثل ما تحبين
وممكن تعدلين مثل ما تحبين
وممكن تبدعين مثل ما تحبين
وان شاءالله تكون الأفكار أعجبتك
واذا سويتيها بلغيني النتيجة
أنا الحين طالعة من البيت ويمكن ما أرجع الاالجمعة بالليل أو السبت
ويمكن يروح الموضوع
عطيني النتيجة لو على الخاص
اذا كان ولدك كبير كفاية يفهمها
أو أكتبي التعليمات للمدرس
تجيبين 11كيس كبير(بحجم أكياس الزبالة الكبيرة)
وتبخينها بألوان بالبخاخ أو أي طريقة تقدرين تلونينها
(واحد للشمس ولباقي للكواكب العشرة-توهم مكتشفين كوكب جديد من كم شهر-أهم شي الشمس تكون صفرا والأرض زرقاء)
تفتحين الكيس من فوق وفتحتين من جنب
عشان يدخل يديه وراسه
وتجيبين كورالبلاستيك أم ريالين وتلونينها بنفس الألوان وتقصينها عشان تصير قبعة
(لا تقصينها من النصف,قصي ربعها بس عشان يطلع الوجه بس)
تكتبين أسم الكوكب بشكل كبير وتلزقيها على الكيس أو القبعة(لو تكتبينها بالفلين يكون أفضل)
أكتبي معلومات اضافية عن الكواكب ولزقيها (مثلا اكتبي على عطارد -حارجدا- وعلى الزهرة-حار- وعلى الأرض-معتدل-وعلى المريخ-بارد-وعلى المشتري -بارد جدا-وهكذا)
سوي حزام من الشرايط أو أي شي ثاني عشان يثبت الكيس
جيبي خيوط صوف وقصيها على أطوال مختلفة(مثلا تتراوح بين 20 أو 30 متر الى المتر )
وجيبي أكياس وحطي في كل كيس اللبس المناسب مع القبعة مع الشريطة مع خيط الصوف(وتوزعين خيوط الصوف حسب بعد كل كوكب عن الشمس_يعني البعيد تعطينه الخيط الطويل)
وتحطين ورقة تحتوي على معلومات اضافية عن هذا الكوكب
وتكتبين ورقة للمدرس تقولين فيها
يختار 11طالب ويجعلهم يلبسون الزي(وكل واحد يحتفظ بالخيط معاه والورقة)
يجعل الولد لابس الشمس يقف في منتصف الساحة
يأتي لابس عطارد ويقف بقربه وكل واحد منهم يمسك طرف الخيط
يدور عطارد ويرسم على أرض الساحة دائرة (بالقلم أو الألون أو التراب ....المهم تتحدد الدائرة )
بعدين يوقف في مكانه ويترك الخيط على الأرض(ماله فايدة الحين)
يجي لابس الزهرة ويسوي نفس الحركة(بتصير دائرته أكبر لأن خيطه أطول)
وهكذا كل كوكب يسوي نفس الحركة(وأهم شي الشمس ما يتحرك من مكانه)
بعدين يخليهم كلهم واقفين بخط واحد
ويخلي كل ولد يقرا الورقة حقت كوكبه
بعدين
يخليهم كلهم يتحركون(يدورون بنفس السرعة( يعني يعد واحد اثنين .....)ومع كل رقم يمشون خطوة)بس أهم شي كل واحد ما يطلع من دائرته
ويقول لكل واحد يعد كم دورة سواها حول الشمس
اذا خلص أبعد كوكب دورة واحدة يقولوهم يوقفون
ويسأل كل واحد كم دورة سوا
بيلاحظون انهم كل ما قربوا من الشمس زاد عدد الدورات
(وهذا معناه ان السنة في الكوكب البعيد تختلف عن السنة في الكواكب القريبة)
معروف ان السنة هي المدة التي يستغرقها الكوكب في الدوران حول الشمس
ممكن تزيدين الأفكار مثل ما تحبين
وممكن تعدلين مثل ما تحبين
وممكن تبدعين مثل ما تحبين
وان شاءالله تكون الأفكار أعجبتك
واذا سويتيها بلغيني النتيجة
أنا الحين طالعة من البيت ويمكن ما أرجع الاالجمعة بالليل أو السبت
ويمكن يروح الموضوع
عطيني النتيجة لو على الخاص
الصفحة الأخيرة
مشكوره حبيبتي على الرد
ناطرتج بفارغ الصبر