تروح المحكمه وترفع قضية طلاق وتقول للقاضي عن الكرت قسم بالله لايسحبه منه الكرت ويعطيه اختك وخليها تسجل له مكالمات تسحبه فيها وتبين انه مايصلي ويخونها وانه طقها راح تستفيد منها كثير واذا ارسل رسايل تهديد احتفظوا فيها كذا بتكسبون القضيه والولد خلي اختك تحافظ عليه لايبلاها ربي بالعقم خل تكون نيتها زينه عشان ربي يسر امورها

وعليكم السلام
تروح للمحكمة اختك واخوك لرفع قضية الطلاق واما اللي في بطنها تصبر وتجيبه وتربيه احسن تربية وان شاءالله ابوه مايستححق حضانته لانك قلتي يبيع مخدرات كيف ولده يعيش معه لا ترضون نهائي واذا تطلقت زوجوها بشخص حنون يحن حتي علي ولدها ويعتبره مثل ابوه

بنات بالنسبه للماكالمات هي يوم راحت لاهلي وجت تستعمل جوالها بنفس اليوم تخيلو لقت الشريحه ملغيه ودق اخوي على الاتصالات قالو ان اللي الرقم باسمه طلع شريحه ثانيه بنفس الرقم ولغى الشريحه هذي لان الرقم باسمه شفتم الوقاحه لوين
هذا الشي اللي خلاها تكرهه اكثر وطلعت رقم ثاني وماعاد تدق عليه ولايعرفه ولا نبغاها تكلمه
بالنسبه لما يقول يبيع مخدرات هو مايبيع بس يسكتها عشان لاتساله من وين لانها قالت لايكون حرام ماابغاك تصرف علينا من حرام فقالها ابيع مخدرات واصلا لما تطلبه شي يقلها اطلبي اهلك مايصرف عليها
واهلي ماسالو عنه زين لانهم اول جو عشان اختي اللي اكبر منها واهلي سالو عن زوجها اللي هو اخوها الكبير وشافوه زين وبعد فتره رجعو قالو نبغا الثانيه لولدنا الثاني واكتفو اهلي ماعاد سالو وهذي الغلطه
بالنسبه للجنين كانت تفكر في البدايه وانا بعد شجعتها لاني حسيت ان الطفل هذا بيوقف في حياتها عقبه بس خلاص امر الله والجنين صار فيه نبض وحرام تنزله
ادعو لها ربي ينصرها هي واختي عليهم وتكفون اللي عندها اي معلومه تفيدنا فيها

ليت عندكم تقرير طبي بالضرب اذا للحين فيه اثار للضرب روحوا بسرعه للمستشفى واطلبوا تقرير بحالة عنف اسري

وثم روحوا للشرطه وارفعوا قضيه بيسحبونه ولا تتنازلون الا بتنازل عن الطفل +وانه يجيب اوراقكم ثم اطلبوا الطلاق بالمحكمه

كذا يطلقها وهو ياكل تراب ماله خلع

وترى القاضي بيحاول يقنعكم بالخلع لانه اريح له من الطلاق وإجراءته

من ناحية الطفل ماراح ينوخذ منها الا بعمر 7 سنين وقبل يكون عند امه وخليه تطالبه بالنفقه بالعكس طالبوا بالمحاكم

النفقه حسب علمي للولد 500 والبنت 250

الكرت غصبا عنه بيطلع بس الحين بما انه مو عندكم , روحوا طلعوا لاختك بطاقه احوال بجواز سفرها و بنتين عندهم بطاقه احوال راح تساعدها كثير وتفتح لها ملف وحساب وتغني عن العائله

والطفل تتعامل معه بشهادة الميلاد لين تخلص قضيتها بالمحكمه


هل في مجال زوج اختك الكبيرة يجي يشهد لصالحكم بسوء اخلاق اخوه بالمحكمه راح تكون نقطه قويه جدا لصالحكم

خلي اخوك يتولى الموضوع مايعرف معليه يتعلم يسأل ربعه او المحامين بتويتر ويشوف

الحين الحمدلله القضاء ان شاء الله صار اسهل

للمعلوميه بس اذا راحت للمحكمه لازم تلبس عباه راس و قفازات لان بعض القضاه اهم شئ الظاهر بس عندهم

نصيحة اختك تدور على شغل او وظيفه ولاتنسون الصدقة والاستغفار والدعاء

نفسي اقول لك دخلو زوج اختك الكبيره يحل الموضوع واخاف تنخرب حياتها مثل اختك