شوفى حبيبتى انا فى ولادتى 3 كنت مثلج طوفت موعدى واسبوعين بعد وقالو لازم طلق صناعى مت من الخوف سرت عند الدكتوره زينب اكيد تعرفينها من دبى وايد ممتازه وسوت لى سونار لانى كنت اتعالج فى القاسمى وتعرفين ان الحكومه مايسوون سونار الا نادر فقالت لى ان المشيمه متاكله خلاص لازم تربين وشربتنى قليل من الخروع مع عصير برتقال وقالت اذا ماياج الويع روحى باجر سوى الطلق ورجعتالعصر فى الليل بدا الويع مع اشهال لين الصبح وبعدين كنت اشرب القرفه لين الليل ثم سرت المستشفى كان مفتوح4 وولدت الساعه 4 الفجر:27:
ادرى طولت لاكن حبيت اوضح لج السالفه . ونصيحتى سيرى عند زينب وهى بتشور عليج شو تسوين تذهبين للطلق ولا لاااااال:26:
تحياتى : السمسوم

السلام عليكم خواتي ..

البارحة العصر سرت الموعد في مستشفى دبي علشان تخطيط القلب و سولي بعد أشعه سونار و الحمد الله كل شي طبيعي .. بس قالت لي الدكتوره نبي نعطيج الطلق يوم الأربعاء الصراحة تفاجأت .. قلت لها أنا بكريه ليش ما تصبرون علي قالت لي خلاص إذا ما تبين يوم الأربعاء بنسويلج يوم السبت .. و يوم شافتني رافضة للموضوع عطتني محاظره طويلة و عريضة .. و خوفتني قالت لي يمكن تصير وفاة للبيبي :06:
من طلعت عنهم و أنا أفكر بالموضوع و خايفة ما قدرت أرقد البارحة ناشة الساعه 3 الليل و لحد 4 و شي و أنا أفكر .. أحاول أنسى مب قادرة .. يلست أقرأ أدعية و شربت ماي زمزم .. و الحمد الله رقدت ..

آسفه قلت لكم قصة حياتي بس ما عندي حد أشكيله غيركم ..


صمت الجنوب

تسلمين على النصيحة .. وإن شاء الله بدعي للجميع :)

سمورة الدلوعة

هذا اللي أسويه كل يوم بس أكثر عن نص ساعة ما أقدر أمشي تيني آلام .. و مشكوره على الرد حبيبتي ..

عبير22

إن شاء الله راح أجربه و بدعيلج من خاطري .. إذا جاني الطلق .. و حتى إذا ما ياني الطلق :42:

إلهام1

الله يعطيج العافية إختيه على النصيحة .. و إن شاء الله ما بهمل عمري .. :)

الحب من اعماق القلب

تعرفين أنا إتيني آلام خفيفة في ظهري و أسفل بطني بس ما تستمر .. و إفرازات كثيره بعد .. بس عادية .. الله يسهل علينا إن شاء الله .. مشكوره ..

السمسوم

إن شاء الله بسير إلها .. و خبروني عن الخروع بس قالوا لي يسوي إسهال .. و إختيه كيف طريقة القرفه .. أحب آخذها من حد مجرب .. :21: و مشكوره الغالية ..

تحياتي ..

:(

اهلين اختى هواجس :27: انتى بغيتى طريقت القرفه حاضرين من عيونى شوفى حبيبتى طريقته وايد سهله ييبى اعواد القرفه واغسليها يمكن يكون فيها غبار وفورى الماء وتكون كميه 3 اكواب وعند الغليان حطى القرفه وغليها تفور على نار هادئه لين تستوى بنيه بعدين سكرى النار وحليها بلعسل افضل واشربيها وهى دافئه :27:
الله يسهل عليج ويهون آلام الولاده ويقومج بلسلامه انتى والبيبى :26:
تحياي: السمسوم:26: