بارك الله فيكن يالحبيبات وغفر لنا ولكم يارب

مشرفتنا الحبيبه شرفت يالغاليه

شكرا

عفوا يالغاليه

جزاك الله كل خير يالغاليه ..
وأشهد الله على حبك فيه .. جمعنا الله في مستقر رحمته ..
لكن أكيد انتي وكثير تتفقون معاي ان بعض الملتزمات أو الصالحات نحسبهم كذلك ..
يهدمون أو يصدون الناس عن الدين بدون أن يشعروا ..
نشوف في مجتمعاتنا النسائية نساء يدرسون في التحفيظ ويلبسون الحجاب الكامل ويصومون التطوع ..
لكن والله تجلسين معها وتصدمين بسواد قلبها وسوء ظنها ..
تشوفين العجب في أخلاقها وتعاملها مع الناس .. وبعضهم تشعر أن الناس هلكوا وأنها الناجيه الوحيده مع الأسف !!
وبعضهم ترى الخطأ ولاتنكر حتى بأسلوب لطيف .. وبعضهن تنكر لكن ياليتها ماتكلمت لأنها نفّرت الناس بسبب أسلوبها ..
وفيه منهم من يكون الحرام عند الناس لكن إذا صار لها أو لأهلها وأطفالها صار حلال ..
والله وحده كانت ترفض قناة طيور الجنة ووووو والحين تمدحها تقول الأطفال لهم أحكام خاصه !!
كان جوال الكاميرا من الكبائر ويوم بغت تشتريه صار حلال !!
حضور حفلات الزواج منكر .. لكن إذا صار الزواج تبيه يصير حلال والرقص جائز !!
وبعضهم بس تنظر والناس المفروض يسوون كذا وحرام يفعلون هالفعل ووووو والمصيبه لما مانشوفها تطبق هالشي على نفسها !!

اللي أبغى أوصله مو انتقاد الملتزمات والنساء الصالحات وهم كثر والحمدلله .. لأنهم شرف وعز للأمه ..
لكن المصيبه اجتزاء الدين .. وأخذ مانقول قشور لأن الدين مافيه قشور ..
لكن أخذ الظاهر من التدين وترك تطهير الباطن قبل كل شي ..
لأن بعض الحريم إذا درت أن فلانه تسمع أغاني مع انها ولله الحمد راعية صلاة ونوافل وبر بوالديها وحسنة العشرة وتقوم على حاجة اخواتها المسلمات ولاتحمل حقد ولاحسد ولاتغتاب الناس ..
للأسف تعتبرها إنسانه سيئة ولافيها خير وووووو ولافكرت تنظر لنفسها ولو لحظه ..
أعرف ان الأغاني حرام رغم اختلاف بعض العلماء وأنا أؤمن بحرمتها لكن على سبيل المثال . لكن الغيبة والحسد أشد حرمه ..
وحسن الخلق من أقرب الأعمال إلى الله ..
وبر الوالدين مقرون بتوحيد الله عز وجل ..
لذلك ماتدري المرأة اللي من هالنوع أنها قد تسيء للدين من حيث لاتدري ..
كون بعض الناس يعتبرونها قدوة ..

أحب الصالحين ولست منهم ..
لعلي أن أن أنال بهم شفاعه ..

وبعلم الله أني أحب النساء الصالحات ..
لكني لاأحب تصرفات البعض .. وأكره تصنيف المجتمع بهذا الشكل ..
ولاأحب تقديس كل من التزمت بالحجاب الخارجي فقط وصامت التطوع ..
وأهملت قلبها الذي هو عماد الأمر كله .. لأن الحسد يأكل الحسنات كما تأكل النار الحطب ..
والغيبة إهداء لكل هذا الصيام والقيام بكل سهوله لمن اغتابتها ..

وأسأل الله عز وجل أن يصلح ظاهرنا وباطننا ..
وأن لايجعلنا فتنة للذين آمنوا ..

هلا بالغاليه طمنيني عن احوالك بالخاص ...


يالغاليه صدقت بكل كلمه ..ومعك وتناقض يشعل الرأس شيبا

اولا :نقول ربنا لاتزغ قلوبنا ..وهذه فتن ..ونقول اللهم اقبضنا اليك غير مفتونين

قد انصحكم اليوم وافعله غدا..لاسمح الله ..وهذا اعتقد عقاب من الله لمن شعرت انها افضل من الاخرين باعمالها الصالحه ..

اللهم نعوذ بك من الرياء والعجب..

وسبحان الله كل من وقعت في منكر كانت تنصح الاخرين بتركه لم تحسن النيه ولم تكن نيتها خوفا على المسلمات من عقاب الله بل كانت نيتها انها الافضل والاحسن والاكثر التزاما وقربا من الله ..والاعمال بالنيات ..

لذلك ثقي ماان تنصحين بقلب مخلص ومحبة وخوف على الاخرين متقبله نصحهم لك ..الاة اثر الله فيك الاخرين سبحان الله ..

لكن ماقصدته في موضوعي تناقلنا مثل هذه الجمل ..تثبط الناس عن تحسن وضعها الديني..فتقول انا افضل منهم لااصوم الخميس والاثنين وعباءتي كما هي ولكن لاغتاب ولااشتم وووو

فهمت علي ..

اما ان ننصحها او ندعو لها بالهدايه ..

بارك الله فيك يالغاليه