اهي اهي عطوني حلول تعبت

السلام عليكم ورحمه الله وبركاته



خواتي بالله شوفلي صرفه مع زوجي لاني لو صبرت شوي بخنقه <<<<من ورا قلبي هالكلام مقدر اعملها



بقول لكم القصه بالتفصيل

بدايه انا جيت مع اهلي على امريكا وانا عمري 15 سنه باخر 17 جا زوجي وخطبني وكتبنا لكتاب بامريكا وفضلنا مالكين سنتين ونص وكان التاخير عشان هو كان ياخذ امتحانات ومو قادر يدرس ويفتح بيت لمن ربنا وفقه وخلص امتحانات قال خلنا الحين نستقر فكرنا بحفله زواج تكون كبيرة بس زوجي ماله اهل ولا يعرف ناس كثير وانا صحيح لي فترة بامريكا بس ماتعرفت على صحبات كثير وماعندي قرايب بامريكا غير امي وابوي وثلاث اخوان شباب.. فتوكلنا على الله وعزمنا هالاكم شخص يلي يعرفهم زوجي ع مطعم وانا رحت ع لكوافيرة لفيت شعري ولبست الفستان لابيض ورحت ع بيت صحاب لالنا وعملنا حفله صغير من عشر نساء او اقل يعني حفله صغيرة بس عشان نشهر انوا احنا تزوجنا وانا كنت راضيه بالامر الواقع لنه مالنا لحد بالغربه نعزمه ...طبعا رحنا ع الهوتيل يومين والثالث رجعني زوجي ع بيت اهلي وهوا سافر ع ولايه ثانيه بحكم انوا لقا شغل بولايه ثانيه وبدوا يروح يحصل شقه وعفش قبل ما اصل عشان ما اتشنشط معوا وبالفعل اتوكل على الله وسافر وبعد 15 يوم سافرت لعنده وطبعا زوجي ماكان عنده فرصه لشهر عسل او اي شي لانه كان لازم يبلش شغل على السريع رضيت بالامر الواقع وماحسيت باني عروسه وقلت يابنت يعني هو مبسوط مهو نفسوا يحس نفسوا عريس بس ربنا هيك كاتب لنا وهوا ادرى بخيرته لنا والحمد لله رب العالمين...



صارلي الحين 8 سنين بامريكا ورح ادخل قريب بالتاسعه نزلت ثلاث مرات بهالفترة كلها...

اول مرة كانت بعد سنتين ونص نزلت مع والدي ووالدتي الله يطول بعمرهم وجلست ثلاث اشهر وكانت بالصيف وكانت نزله جميله جدا جد وانبسطت كثير فيها وبعدها بسنه ونص نزلت انا واخي وكانت عبارة عن 29 يوم وكانت بالشتا وما تهنيت فيها بالمرة لاني مرضت كحه ورشحه وسخونه ودوا بنوم وفضلت مريضه ونايمه لا اتهنيت ولا شي وتوببببببت انزل بالشتا... والنزله الثالثه كانت من قبل سبع اشهر نزلت مع ابو وام زوجي الله يطول بعمرهم ويحفضهم من كل شر ورجعت غلطت نفس الغلطه ونزلت بالشتويه وكانت نزلتي عبارة عن 40 يوم وطبعا ماتهنيت فيها لاسباب بذكرها كمان شوي..



اول زواجنا اتفقنا انوا ناجل خلفه الاطفال شوي لحتى يركز شوي بولايه وحده لان زوجي طبيب وهنا الطبيب لازم يتنقل من ولايه لولايه ومش سهل اكون حامل وتجي نقلنا او اكون رح اولد او اكون ولاده فقلنا خليها لنستقر عشنا سنه وثمن اشهر من غير منفكر بالاطفال لكن ربنا اكرمنا بشغل بولايه لمده اربع سنوات قلنا بسسسسسسسسسس لازم الحين انجيب نونو يملي علينا هالبيت طبعا قبل مانرحل على الولايه الجديده باكم شهر صرنا نحاول لاكن ربنا ماقسم لنا الحمل ومضت سنه تقريبا وماصار شي طبعا قبل متخلص سنه محاوله زوجي كان نفسه يشوف امه وابوه وخاصا له فوق الخمس سنين مهو شايفهم وينزل زيارة مايقدر لانه اجازة عبارة عن 15 يوم ومش رح اتكفي شي والسفر من امريكا لبلدي 16 ساعه بالطيارة ماعدا جلسه المطارات والانتضار يعني رح تاخذه يومين روحه ويومين رجعه وهذا سفر طويل بالله الواحد شة بده يتهنى ويشوف اهله بيهن قلت له يا زوجي الغالي ليش ماتجيب اهلك لامريكا طلع لهم فيزا وانا بحطهم بعيوني الثنين وبدل متشوفهم عشر ايام خلهم يجلسوا عندي قد ميحبوا وهيك انت تشبع من شوفتهم وهم بعد يطمنوا عليك انك بخير... انبسط الغالي لفكرتي وقال لاهله لكن رفضوا بحجه كبار ومش حمل الشعتته ومن هالكلام وقت خبرني زوجي وشفت نضره الحزن والالم عليه ماهان علي خليته راح الشغل واتصلت بامه وابوه ولفيت راسهم وترجيتهم ووافقوا وبالاخير طلع رفضهم انهم مامعهم فلوس الجيه لامريكا كانوا يحرام يفتكروا انوا هم رح يدفعوا بس وقت سليتهم بالكلام وفهمت منهم السبب قلت لهم مصاريف التذاكر وهداياكم ومصروفكم يروح معكم لا تهكلوا هم. وقت اتصلت بزوجي وخبرته باني اتصلت باهله واقنعتهم وقلت له القصه غصته البكوة انوا رح يشوف اهله عن قريب وفرح فرحه بوقت زواجنا ماشفت مثلها....



جو امه وابوه وجلسوا ثلاث شهور وكانت من احلى الشهور هم ناس طيبين ويموتون فيني ربي يخليهم ويحميهم من كل شر يارب.. وبثاني شهر من جيتهم صار الزن من ام زوجي ليش للحين ما صار حمل وانتوا قريب تدخلوا برابع سنه زواج قلت لها القصه لكن ماصدقت سالت زوجي وقال لها نفس كلامي يلي ذكرته سابقا بس قالت طيب هالحين صار لكم فترة اتحاولوا وماصار شي الله يوفقكم ريحوا بالي وفحصوا اثنيناتكم قال زوجي حاضر يما يلي اتشوفيه على عيني وراسي قال انا بالاسبوع هذا بفحص قلت له لاء خلني انا افحص بالاول وفعلا رحت ع الدكتورة فحصت وطلعت سليمه وخبرت ام زوجي حسيتها تضايقت كانت تفكر انوا يمكن يطلع عندي التهاب داخلي ولا شي بسيط هالحين خافت على ولدها والله ما الوموها اهي ام برضو... وزوجي ماكان فاضي يفحص لانه يشتغل من الصبح للمسا وماكان يقدر باي وقت. قبل مايسافروا اهل زوجي باربع ايام قلت لهم بين مزح وجد انوا ياحلوين شو رئيكم اروح معكم على سوريا منو بساعدكم وبوقف معكم احسن من العذاب يلي تعذبتوه ومنوا بتفسح وبشوف خواتي واخواني وانا على هذي الحاله صارلي ثلاث سنين مانزلت وغير هيك انتوا الحين نازلين ورح تحطوا للكل هدايا وانا ناويه ابعث شويه هدايا لاهلي بسوريا فليش حتى الحين تحطوا هدايا وانا متفقه مع زوجي انزل بالصيف لا هيك بوفر وبوصلكم بالسلامه وبشم هوا لاني مخنوقه هنا بالحبسه اهل زوجي فرحوا وقالوا لزوجي والله شور زوجتك هوا الصواب. زوجي قال خلاص يا اميرتي احجزي لك تدكرة شهر بس لكن مني ومنه شد شعر على اكم دمعه صارن اربعين يوم وطبعا هذي هي النزله الثالثه لي يلي باول كلامي قلت بشرحلكم عنها...



قرر زوجي المصوت يعمل التحليل قبل مانسافر بيوم عمله بس ماعطوه النتيجه قال خلاص بس اتوصلوا بتكون طلعت بتصل عليكم وبخبركم قلت خير مو مشكله نزلت بلادي العرب اوطاني وانا ماهي سايعتني الفرحه طبعا جلستي اربعين يوم نصهن عند اهل زوجي ونص الثاني عند اهلي يعني عشرين يوم اهي اهي اهي.. وغير كذا انا ماتبت نزلت بالشتويه واهن من الشتويه مضيتها من دكتور لدكتور من شراب كحه لشراب كحه والدوا بنوم وطول اليوم نايمه وعشان يكمل الناقص اتصل بعلي العزيز يزف لي نتيجه التحليل

الو هلا بالغالي هلا بنوارة قلبي شو اخبارك بخير ها حبيبي طمني عن نتيجه التحليلوانا بضحك مبسوطه لنوا يقول اخبار والله ماتسر يوم قال هالكلمتين كنه حد خبطني على راسي قلت له خير وش فيه قال عندي ضعف بالحركه ونقص بعدد النطاف انا هنا ابكي ولا اصبر زوجي ولا وش هالنزله السوده مالقيت نفسي الا بقول لا حوله ولا قوه الا بالله اللهم اجرنا في مصبتنا ولا تهكل هم يا ابن الحلال ربنا كريم ورحيم ومارح انطول شي الا وربنا كاتبه لنا وطييييييييييييييييت خلصنا المكالمه وانا هنا هنا دوروني ماتلقوني طحت على الارض وهاتك يا عياط يارب رحمتك يالله ادعي واستغفر ربنا وابكي واطلع لعند اختي وارتمي بحضنها وافتح مناحه وقبل مايسكر قال بس اتروحي على اهلي خبريهم...

ثاني يوم شلت نفسي ورحت بيت اهله وخبرت اهله وريتني متت ولا شفت وضع امه وابوه ولا شفت دموعهم عملوا مناحه وامه طار عقلها يحرام .. جلست فترة ببيت اهله ورحت بيت اهلي وانا مالي نفس بشي لا اضحك ولا اتكلم كل همي زوجي الحين وحده اكيد زعلان اكيد مضايق ياريتني مانزلت ياريتني الحين عنده.. صرت جالسه يوم ببيت اهلي والا زوجي يتصل فيني يقلي اطلعي المسنجر حابب اتسولف معك فتحت الكمبيوتر وريته خرب ومافتح ليلتها ولا سمعت كلامه قالي انتي حبيبتي واميرتتي ونور عيوني وانا موتي اهون علي من اني اضلمك معي انتي عمرك صغير والف شب يتمنى يطول ضفرك وانتي من وقت وحنا ملكين وانتي تقولين بدي اعبي البيت عيال وانا هالشي ماني قادر اعطيكي اياه ومابدي اياكي تنضلمي معي قالي فكري بالموضوع واستشري اهلك وعطيني خبر انا هنا انصدمت وصرت اصارخ عليه وابكي انت ماتخاف ربك مو حرام عليك جاي تكملها علي انت تبي تذبحني تبي اتموتني هالحين يلي يسمعك يقول صار لنا عمر نحاول وماجانا هذا وانت طبيب وعارف بتقدم الطب وكلمه من الشرق وكلمه من الغرب وماعرفت وش اقول صابتني حاله هستريا وقلت له خص الحين ماني قادره اكلمه ابغى اروح انام سكرت ومرضت مرضه يارب ماتشوف ولا اضوقت اي اخت بهالموقف يلي انا ضقته.. بالعربي الفصيح نزلتي كلها بكا ببكا ومرض وهموم وخنقه...



رجعت امريكا وام زوجي بعثت خلطه عسل مع اشياء ثانيه وطلبت من زوجي يستخدمها واستخدمها وبعدها بثلاث اشهر حملت والحين انا حامل بنص الخامس واليوم رحت ع الدكتورة وطمنتي ع الجنين وقالت انه ولد اللهم لك الحمد والشكر ..



ياخواتي الفترة يلي مضت من اصعب مراحل حياتي نفسيتي صارت بالارض ومع الحمل تعبت نفسيتي اكثر وصارلي شهر وانا بس عم ببكي ليل ونهار واعصابي تلفانه يعني ماعندي عرب اخرج معهم ماعندي سيارة اطلع اتفسح اهلي بولايه ثانيه وهالشهر ما اقدر اروح لعندهم لانه زوجه اخوي بتولد ولو رحت رح اروح ع الكرف والتنضيف وانا نفسي ماني قادره اخلي بالي منها وزوجي طول اليوم بالشغل بيرجع باخر الليل وقت يرجع بدل مايجلس معي يقعد يدرس لانه عنده امتحانات البورد الامريكي يعني انا بوضعيه زفت زفت زفت . لقيت حل موقت الا وهوا اني انزل على سوريا خصوصا انوا اخواني ثنين رح ينزلوا فسحه قلت بيديروا بالهم علي بالنزله وانا بجلس كم شهرين بغير جو لانوا ماعاد استحمل اكثر من كذا والله خايفه على يلي ببطني . لكن زوجي مو راضي يقول من سبع اشهر انتي جيتي من سوريا يقول انتضري كمان سنه ونص نروح انحط البيبي بسوريا ونطلع نحج وانتي تنزلي اتشوفي الاهل وانا برجع على شغلي يلهوي ياني تراه يقصد حج سنه 2009. يعني بنزل على سوريا باول سنه 2010



حاولت ماه بشتى الطرق لكن مافي فايده اعجزت يابنات عطني حلول شلون اقنعه اني انزل فهمته بالطيب جيته بالعناد بالعصبيه بالدلع بالغنج من هون لهنك مافي فايده .. قلت له بلاش انزل ديب لي سيارة يقول مو الحين لانه مو مستقر بشغله ومفكر يغيره ورح ننرحل بعد اربع اشهر قبل ما اولد بشوي وانا ماعاد فيني صبر ..



يعني لا سيارة ولا نزله لسوريا سامح لي ولا انا الحين قادره انزل على اهلي هون بامريكا ولا عندي عرب وما اخرج من البيت احس روحي بتطلع



عطوني حلول وادعولي



واسفه على الاطاله