موضوع المسابقة ( 7 ) الخيش بكل أنواعه وألوانه

السلام عليكم
اولا مبروووك للزهره العاشقه على فوزها
ثانيا مشكووووره رومى على اقتراحك للخامه
وجائتنى فكره وهى عمل شنطه للبنوتات الصغيرات من الخيش او ممكن تكون الشنطه لاى غرض اخر*********** ان شاء الله اعملها واعود ليكم وباقوول ليكم الطريقه
بارك الله بكن جميعا:26: :26: :26:
والسلام عليكم
ام الباسل

مشكوره رومي على الموضوع الحلو:41:
والخامه هذي بصراحه تصلح لكل شي
om basel الله يبارك فيك واتمني اني اكون عند حسن ظن الجميع

اول شي خامه الخيش من الخامات المستهلك وفي اشياء كثيره تقدرين تشتغلين عليها
وراح اقولكم على الافكار اللى حضرت لي
يله نبدا
اول فكره عباره عن مفرش طاوله بسيط
طبعا المواد المطلوبه:
خيش ابو فتحات صغيره
قلم اسود سائل عريض
الوان اي نوع من الموجود
رسمه للمفرش(طبعا للي يحبون الرسم مايحتاج يعني طلعي موهبتك على هذا المفرش)
مسطره

طريقه العمل:
نفرش الخيش طبعا نرسم اول شي بقلم الرصاص واذا عجبتك الرسمه ارجعي عليها بالاسود بعدين ابدي بالالوان المختاره واللى ما يعرفون يرسمون يرسمون راح يحطون ورق كربون حق القماش وبعدين الرسمه ويمرور القلم على الرسمه علشان تطبع طبعا نلون ونحدد برواز حق المفرش بالمسطره والقلم الاسود

عمل بسيط والخامه متوفره
وهذي الصور حقت العمل
من قريب
الشكل النهائي

والفكره الثانيه هي نغلف بالخيش دفتر تحضير بطريقه بسيطه
الخامات المطلوبه:
ملف *دفتر تحضير
شريط عريض
صمغ
مقص
خيــــش

طريقه العمل :
نفرد الخيش على الدفتر بطريقه التغليف العاديه لدفاتر ونقص الاطراف ونصمغها واخر شي نثبت الشريط على كعب الدفتر
هذي صوره لدفتر




والفكره الثالثه هي عباره عن كيس من الخيش (نقدر نستفيد من كيس الملح الابيض )
المواد المطلوبه:
خيش
خيط وابره
ومقص
وخيوط قش

طريقه العمل:
هي نقص الخيش بطريقه متساويه ونثني الخيش بالنصف ونطبق الجوانب ونخيطها علشان يطلع لنا بالنهايه كيس من الخيس ونضيف خيوط القش على شكل فلونكه من الخارج ويوضع فيه الهديه
هذي صوره للعمل



والفكره الرابعه هي عباره عن معطره ملابس من الخيش
المواد المطلوبه :
خيش
الورد المجفف المعطر (واذا ماعندك ورد مجفف معطر اضيفي الورد العادي وعليه عطر)
خيوط قش
ورد للتزين (على حسب الرغبه)
مقص

طريقه العمل:
نقص الخيش قطع مربعات متساويه ونضيف الورد المجفف ونصرهها ونربطها بخيوط القش ونزينها بالورد البلاستيك وتوضع بين الملابس في الدولاب علشان تعطي ريحه حلوه


والفكره الخامسه عباره عن لف الخيش حول ااصيص الزرع
نشوف الصوره



انشاء الله تعجبكم واي سؤال انا حاضره :13:

الورده العاشقه

يبدو أننا كسبنا فنانة تنضم إلى باقة فنانات عالم حواء ..

ما شاء الله عليك ... أفكار جميلة جدا ومتنوعة ...
وبعرضك لها بهالوضوح وبخطوات مرتبة جعلتنا نتشوق لعملها ...

جزاك الله خير ... والله يوفقك ..


أم باسل ...

ننتظرك بفارغ الصبر ..

ما شاء الله تبارك الله
اعمال وايد رهيب ..
انا ها الفترة اجهز فكرة جديدة
بالخيش ان شاء الله تخلص واح اعرض الصورة قريب
ويا هلا ..انتظروني

ماشاء الله
المشاركات سريعة ورائعة
وننتظر الباقي

خامة الخيش ليست من اقتراحي (مع اعجابي بها )
بل من احد الأخوات جزاها الله خيرا