سور مرة ثانية بس بالنسبة لي المشروع رائع الان الاكثرية من الحريم يبون يسيرون مكان خاص فيهم وما يحصلون من دون مضايقات فاحسن شيء نسويه هو انه نحصل لم مكان يستمتعون فيه هم واولادهم من دون ما تطلع عنهم سمعة

وانا بصراحة ما اسير السينما خوفا من اني ما اخذ راحتي اذا حبيت اضحك على الفيلم احاول اسكر حلجي واذا حبيت اني واصرخ من الخوف اشوف ان الى وراي والي يدامي عوايل فيهم رجال وعشان جي اشوف انج اتحلين مشكلة ...

وطبعا اختيار الافلام بايكون بايدج ومحد يغصبج على الاختيار وعشان جي افضل شي انج تختارين الزين من الافلام وتحطينه انت مب ملزمة بشو تعرضين وشوفي راي الجمهور ...

وسلامتكم

مرحبااا والله حلوه الفكره صدقيني وانا بعطيج اقتراح شو رايج تكون هالسينما للافلام المفيده ..ما اقصد ثقافيه لاني عارفه البنات ما تحب هالنوعيه من الافلام لكن تكون افلام هادفه واذا فيها مشاهد مخله بالاداب تحذفينها قبل ما تنعرض..
وعندي فكره ثانيه بعد شو رايج لو تخلين الموظفات اللي يشتغلون فهالمكان مواطنات والله فكره بتكون وااايد حلوه واذا اقتنعتي فيها وعندج مساحه فمشروعج بفتح معاج داخله صالون وبنكبره ونخليه مركز ويمكن البنات بعد يشتركون معانا ويفتحون محلات لكن بشرط ان الموظفات يكونون مواطنات عسب تكون الفكره مبتكره ..
هاااااااااا شو رايكم

عزيزتي فكرتج واايد حلوه ... لكنها تحتاج لبعض التحسينات اللي ما تغضب رب العالمين ولا تحملنا آثام الناس :
1- أنا مع الاخت ((مهى))) ليش ماتسوين قاعة ألعاب للأطفال ... وانتي بروحج تشوفين الزحمه فالمراكز التجارية على ألعاب الأطفال ... وفي أوقات المناسبات ماشي مكان حتى نلعب عيالنا فيه من الزحمه

2- ممكن تدمجين فكرة السينما مع فكرة مركز الألعاب ... تخلين مساحه للسينما تعرضين فيها أفلام الكلاتون الاسلاميه ... وهي هالايام وايد .. منها تشجعين هالاصدارات اللي تنمي الروح الاسلاميه والثقافيه عند عيالنا ومنها تربحين ...

هذا الى جانب إنه المكان يكون نظيف وفي كفتيريا يحضر وجبات أطفال ويتفنن فيها ،، مثل الكيك اللي على سياره والتوست اللي على شكل الوجه المبتسم وغيره .....

ولو كان بعد الموظفات مواطنات نحن بنطمن أكثر على عيالنا ...
وفيه شي .. لو كان الموظفات مواطنات ... ممكن تطلبين من مشروع محمد بن راشد يتكفل فيه .. وانتي تاخذين الارباح ..

تصدقين لو صارت هالفكرة أنا وأهلي بنكون من أول زباينج ...

والله يوفقج

الفكره اوكي .. لكن مثل ما قالوا الاخوات .. في فتره بينزلن الافلام وبتربحين وفي فتره ما تنزل فيها افلام ..

وفكرت الاخت نور العين بانج تسوين مكان مخصص حق اليهال.. العاب + كوفي صغير + حلاق مثلا + هممممم في افكار وايد لليهال ... مثلا قسم للحفلات.. هذا مضمون اكثر عن السينما .. بس شوفي شو الالعاب الي تشد اليهال ..

شوفي مثل مركاتو.. الالعاب الي فيه تقريبا لكل الاعمار..

ويبالج مكان في مركز لان الامهات يوم يتسوقون يحطون اليهال في قسم الالعاب وسيرون عنهم :)

وبعدين تقدرين تسوين سينما صغيرونه تحطين فيها رسوم متحركه للصغاريه.. يعني من ضمن الصاله الي بتسوينها للالعاب تسوين حجره صغيره تعرضين فيها رسوم .. ومب شرط شي يديد :)

انا اول من يطلب وظيفه عيل في هالمكان ... لاني احب اليهال واااايد خخخخ :23: