بقولك تجربتي حملت وعمر بنتي شهرين بكيت وماكنت ناويه احمل لأني جدا تعبت في الولاده ونفس حكايتك كان ودي اجلس كم سنه ولكن بعد مابكيت وهديت قلت الحمدلله لأنو صدقيني هذي نعمه ماحنا حاسين بقيمتها وهديه من الله ليش نرفضها فكري لو ربي ابتلاك بعدم انجاب او طفل مريض وقتها بتقولي الحمدلله وصدقيني هذي خيره صح رح تتعبي في البدايه بس يكبرو مع بعض ويصيرو مثل التؤام حتى مارح يكون بينهم غيره الانادر لأنهم قد بعض وبعد الولاده عادي وقفي حمل كم سنه وكمان عشان طفلك الأول مو زين يعيش لوحده كم سنه،، المهم بعد ولادتي وبعد ماحبيت الطفل صرت اقول الحمدلله حملت وجبت هالولد وافكر كيف بكيت حسيت بغباء،، انتي الحين لازم تروحي تاخذي موعد واهتمي بأكلك وصحتك والفيتامينات لأنو لها دور في سلامه طفلك واعتبري هذا اول حمل لاتنكدي ع نفسك قولي الحمدلله دايما وابدا

أختي اعرف وحدة كدة حملت وهي ماتبغى الحمل وجابت ولد ماشاء الله علبه أحسن واحد في أخوانه طييييييييب..
وأعرف وحدة كانت تنطنط عشانها ما كانت تبغى الحمل وشربت حنة عشان ينزل وما نزل الحمل إلا في الثامن تقريبا وعاشت ساعات وماتت بسبب خطأ طبي يقولون شفتي الأم كيف مقهورة ..
ووحدة برضه أعرفها كانت تنطنط عشان ينزل الجنين وهي كان معاها ولد لسه صغير..ومانزل الجنين ..ولمن ولدت جابت بنت قالوا حلوة وفها قصة على جبينها..لكن ميتة أو ماتت  بعد ساعات من الولادة..
الحمدلله لذي عافاني مما إبتلاهم به وفضلني على كثير ممن خلق تفضيلا..

وعندك أنا كمان الله يسامحني ويعفوا عني ويحفظني ويحفظ عيالي..لمن جبت ولدي الأول كان بس يصيح ومتعب مرة من الصياح لا ليلي ليل ولا نهاري نهار..لمن صار عمره ثلاث شهور تقريبا حسيت بأعراض حمل حتى زوجي لاحظ..وقال حللي..وأنا رفضت أحلل..وأطلع الدرج وأنزل وأشتغل وأنا طبيعة جسمي إذا حملت لازم راحة خاصة الأشهر الأولى..مع الفجر حسيت مغصة الصباح نزل الجنين..وكنت كل ما أحس بأعراض حمل أشتغل عشان ينزل لكن ما يكون حمل لأنه تصير مرات  بدون واقي فأخاف يصير حمل.. بس من خوفي لأنه ولدي لسه صغير ..كبر ولدي وصار عمره سنه وثمنية شهور ..ووقفنا المانع اللي هو الواقي مة حبوب ولا لولب بس واقي..شهر شهربن..سنة سنتين..ماصار حمل أبدا..من عيادة لعيادة..من عطار لعطار..من ممرخة لممرخة..مافي فايدة ..
كنت لمن أشوف صور أطوار الجنين لمن أشوف الشكل المطابق للي نزل مني أبكي وأتقطع قهر وندم وحسرة..ولدي بكي وقال أبغى أخوان..يشوف الناس حواليه ويتحسر مسكين..
دعيت ربي كثيييييير ..وداومت عالإستغفار وقراءة القرآن وحفظه الحمدلله الذي وفقني لذلك.. إلين ما إبني صار عمرة سته سنين تقريبا حملت الحمدلله..وجبت ولد..وعمره عشره شهور تقريبا حملت الحمدلله ..وذقت أنواع العذاب في الوحام حتى الموية ما قدر أشربها إلا قليييييييل جدا ولازم من برة البيت..والحمل راحة..بيتي زبالة من وإلى ..ومطبخي زبالة..وأنا وعيالي وزوجي مبهدلين..لكن صبرت..والحمدلله ولدت وجبت بنت..الحمدلله ربي لك الحمد.. قولوا ماشاء الله لاقوة إلا بالله..أرجوكم قولوا لأنه العين حق ..قولوا من قلبكم..ماشاء الله لاقوة إلا بالله..
لكن دحييييين تبت إني أسوي الحركات البايخة وأستغفر ربي عاللي سويته..
أرجوا أن أكون عبرة وماتكرروا تجربتي..