لأرق حواء
وصفة مجربة تعيد لشعرك حيويته و راح تخلي شعرك ناعم وملمسه روعه
وتشيل النفشه والبهتان وماراح تكلفك غير 5 ريال
الوصفه هاذي أخذتها من شرق أسيا ونتائجها رائعه جدا
وصفتها بالمدة الأخيره لزبايني إلي شعورهم تعبانه وخاصه للي شعورهم
( مطاطه وباهته ومتكسره )
والحمدلله كلهم يتصلون علي مبسوطين على شعورهم ويقولولي ربي يجزاك خير على هالوصفه السحريه والفرق واضح من أول مره
المكونات ...
جوز الهند
تلاقوه بسوق الخضار أو بأي سوبرماركت سعر الجوزه 5 ريال
هاذي صورته
الطريقه ...
1_ تكسري القشره الخارجيه داخل الجوزه فيه مويه ولب لونه أبيض
2_ تحطي المويه بالكاسه وتقشري اللب الأبيض القشره صلبه جدا لونها بني
شيلي أي شي لونه بني حول اللب الأبيض
بس خلي جوز الهند
3_ قطعيه قطع متوسطة الحجم وبعدين حطيه مع المويه إلي طلعت من الجوزه وحطيهم إما بعصارة الجزر أو بمفرمة اللحم
طبعا راح يطلع عصير لونه أبيض قوامه لزج جدا
صورة عصارة الجزر
صورة مفرمة اللحمه
4_ صفي الخليط مضبوط وحطي الخليط السائل على شعرك لمدة ساعه كامله
مع مراعاة التدليك للشعره والفروه
5_ أغسلي شعرك عادي وشوفي الفرق
العصير الباقي تقدري تحطيه بالثلاجه بشرط أنه مايجلس أكثر من 3 أيام
يفضل إستخدام الوصفه مرتين إلى ثلاث مرات بالأسبوع
جربوها وقولولي النتجيه
الوصفه تنفع لجميع أنواع الشعر المصبوغ والبكر والي عليه حنه
دعواتكم إنه ربي يسهل أمري
بحفظ الله ورعايته
بيوتي لولو
