ام عيون السود @am_aayon_alsod
عضوة جديدة
شوفوا من شفت بعد 17 سنه........
ابيكم كلكم تشاركوني ماساتي اليوم بصراحه من كثر البكي ماقدرت انام ......قبل 17 سنه كنت اعرف شخص مو اي رجل كل صفات الرجوله فيه وكل شيمه العرب فيه....حبينا بعض بهدوء... هو يخاف يبينلي وانا كنت استحي لمن صارحتني اخته باللي بخاطره ..وبصراحه استانست لان كل بنت تمناه..وكان بيني وبينه رسايل عجيبه وبختصرلكم لان الايام الحلوه طويله ومافي وقت اذكره الحين وقال بس اتخرج بتقدملج...وراح وقلبي متقطع عليه....راحت سنه وراها سنه ولا حس ولاخبر ..ويتقدمولي الخطاب بس اقول بكمل دراستي لمن قالتلي اخته لاتوقفين نصيبج عشانه حسيت انها عارفه شي وخاشته عني وحاولت فيني الين استسلمت وتقدملي زوجي وتزوجت وكان قلبي معاه ولاسال عني ولا حس فيني بعد 5سنوات رن التلفون ....والا هو يسال عني وعن اخباري بس بصراحه والله لاشعوري صكيت التلفون وبكيت بحزن ما ادري شلون مر ذاك اليوم...لاني احب زوجي وهو يموت فيني ...ما اقدر اجازيه بالخيانه...ومرت السنين واكذب عليكم اذا قلت نسيته....شوفوا اليوم وش صار اختي عندها مناسبه وصديقتها بالدوام عندها بدل سهره من لبنان وتحاول اختي فيني اروح معاها.....واضغطت علي لمن رحت ويريتني مارحت ....طلع لنا ولدها وسالته وش اسمك قال اسمه وكاني قاعده اتذكر ولمن دخلت استقبلتنا ...وانا قاعده شفت صوره معلقه تصدقون وقفت لاشعوري وجاتني بنت سالتها شسمج قالت اسمها واسم ابوها والعايله وصرت انا في بيته بعد هالسنين كلها....لاتسالوني وش صار بعدين انا اكتب وقلبي منكسر,,,,والله شعوريذبح شلون اجتمع مع زوجته وعياله واشوف مكانه....والله محد يعرف هالسر الا انتوا يبنات حواء لان اختي ما تدري ليش تضايقت وبكيت....ادعولي بان الله يثبتي,,,, ولا اضعف
109
8K
يلزم عليك تسجيل الدخول أولًا لكتابة تعليق.
يالله
موقفك صعب فيه مزيج من الفرح والحزن بس الله يثبتك ومالك الا النسياان
والله يخلي لك زوجك
موقفك صعب فيه مزيج من الفرح والحزن بس الله يثبتك ومالك الا النسياان
والله يخلي لك زوجك
سبحان الله صدفه غريبة
بس برضو اختي اتعوذي من الشيطان والمفروض بعد هالشي تدركي انه صارله حياته واهتماماته يمكن هاذي رسالة من رب العالمين عشان تحافظي على بيتك وزوجك زي ما هو اصبح جزء من اسرته انتي كمان
الله يوفقك ويكفيك الشر
بس برضو اختي اتعوذي من الشيطان والمفروض بعد هالشي تدركي انه صارله حياته واهتماماته يمكن هاذي رسالة من رب العالمين عشان تحافظي على بيتك وزوجك زي ما هو اصبح جزء من اسرته انتي كمان
الله يوفقك ويكفيك الشر
عيشي حياتك ولا تهدمين بيتك
هو لو كان يبيك من اول ما تخلى عنك
ما الومك موقف مره صعب بس خلااص وش الفايده الحين
كل واحد راح بنصيبه
هو لو كان يبيك من اول ما تخلى عنك
ما الومك موقف مره صعب بس خلااص وش الفايده الحين
كل واحد راح بنصيبه
الصفحة الأخيرة
وانسي الماضي
لا تهدمين حياتك بيدك
ولايلعب عليك الشيطان
الله يهديك ...انت مو صغيرة علشان تغلطين غلطات مراهقين
انتبهي على نفسك