حكايتي من بعد وفات الغالين والصبر والدعاء

صباح الخير بنات وستات إحلى عالم اقولكم قصتي مع الصبر والدعاء سبحان الله كيف الايام تركض والله لو اقول قصتي لاحد ليسويله مسلسل
بأختصار انا إنسانه عاديه جداً ماني ملتزمه حيل لاكن ادعولي ربي يقويني والتزم لانها امنيتي في حياه بس اخاف ربي حيل ونشا الله ربي يثبتني على طاعته
المهم من قبل عشر سنين توفى بوي وامي بحادث الله يرحمهم وانا كنت صغيره سادس ابتدائي واكبر واحد من إخواني بالثنوي تخيلو وحنا ثلاث اولاد وخمس بنات وانا اكبر وحده فيهم والله يابنات شفنا الوييييييل وذقنا مر الحياه *****الله ربي يعوضنا بالاخره واختي الصغيرة عمرها عشر شهور يوم توفت أمي تخيلو ماااأعرف شي بالامومه غير اسوي حليب واغيرحفاض أمي علمتني على النضافه والترتيب وبعض الطبخات ومشى الحال الحمد لله تسألوني وين قرايبكم والله ان الكل تخلى عنا مع ان أبوي كان دا يما واقف معاهم بمشاكلهم بأفراحهم حتى عمامي حط لهم بيت من فلوسه بس والله كم يوم شافونابعدين خلاص الناس انشغلت لا عمام ولا خوال وطبعا انا تركت الدراسه علشان خواني وما ابي ازود المصاريف وانا واخوي شلنا هم خواني لين كبرنا كلنا والحمد لله ما احتجنا لقرايبنا كان البعيد يساعدنا واالغريب يعطف علينا والمدارس والجمعيات الخير يه ما قصرت معنا
وطبعا كنت بين كل فتره وفتره لما كبرت شوي انخطب بس كنت ارفض علشان خواني واخوي كان حاس فيني بعدين قرر يتزوج هو علشان انا أتزوج وتزوجنا والحمد لله وقلت يمكن ربي يعوض بزوج يعوضني عن الحرمان اللي شفته بحياتي مع أني كان احد شروطي قبل الزواج أني ما أبعد عن أهلي وفعلا كانو أهله قريبين مره من بيت أهلي بس اااخ رجعت للهم والشقا وأنواع الاهانات والعذاب من ام زوجي تخيلو كنت صغيره حتى مره للحين اذكرها عطتني كف وانا صايمه وحامل علشان غساله ملابس اخ بس من غير التهزئ قدام حمواتي والحريم الثانيات وكنت اروح لاهلي بالحسره والعيد اذا كان فيه شغل ماتخليني اروح غير النكد واذا ولدت من عاشر يوم لا زم اقوم واشتغل وزوجي كان ما يرفض لها طلب وطبعا والاداتي عندهم لاكن كنت صابره ومحتسبه الاجر مع أني ما أنام غير المخده مليانه دموع ودايما ادعي أني أصير ببيت بروحي والحمد لله طلعت عندهم بشقه فوق بس الغثا وراي والله يابنات هم هم لما امك ماتكون عندك بولاداتك كنت افتقدها بقوه وبس ابكي لأني ما اعرف شي بمواضيع الولادة وغيره وطبعا ما كنت اشكي لاهلي لان زوجي مؤ عصبي بس عيبه انه ما يرفض لأهله طلب حتى لو على حساب سعادتنا طبعا عندهم ممنوع سفريات كثره اسواق وأكل مطاعم يعني وقت الوحام أنام على جوع تعرفون الحامل ما يحتاج وكنت دايما ادعي ربي انه يصرف أذاهم عني ووصلت المشاكل بيني وبين زوجي لطلاق يمكن اكثر من خمس مرات لاكن انا اجلس واهدي فيه وأحاول امتص غضبه ودايما أقوله وقت المشاكل اطلع واذا هديت تعال انتفاهم وبهذي للفتره اجلس ادعي واستغفر واصلي لين يرجع والحمد لله تعدي على خير لان المشاكل كلها من امه وهو يسمعلها مع انها على غلط وتضلمني بس بالنهايه امه ما اقدر احرشه عليها وانا اعرف وشي الام مع أني أعزها واحترمهاوهديها بس سبحان الله ما يبين لاكن احتسبه اجر وهكذا كل ماصارت مشكله مع زوجي ولااهله التجأ لربي ادعي واستغفر وبعدها احس براحه غريبه كانه ربي يقولي ان المشكله انحلت والحمد لله ربي عوضني بعد صبري بحب زوجي وعطفه وحنانه ربي يخليه لي ولعيالنا والله يابنات تغير صار مايرضى علي وصاريحبني ويحترمني والناس قامت تحترمني لانه عرف قيمتي وقدر صبري وأوصيكن بالدعا والاستغفار والصبر الصبر والحين صرت ملكه ببيتي وعند زوجي والحمد لله ما انقطع عن أهلي واهم شي ان طلباتي أوامر كله بفضل ربي الحمد لله ربيً عوضني خير واحمد ربي دائم أني اصبر وقت المشاكل ولا كان من زمان عند أهلي من الضلم اللي شفته وربي يخليلي زوجي وعيالي وإخواني وانا ماكتبت هنا لكلام الا لأني اشوف بعض الأخوات تستعجل باتخاذ القرار واقولها ادعي واصبري
وأحست بي
اعذروني على الاطاله لاكن حبيت أبين لكم ان الله ماينسى احد من عباده مهما طالت المده ففرج الله قريب بس حنا اللي تستعجل