عندي هواية طبخ وشغل حلويات تتوقعون بأنجح لو اسوي محل ؟ ياليت تسعفوني بافكاركم

انا اقترح عليك تبدأي بالطبخ في البيت وتوزيع الطلبات حسب الحجز واسهل طريقة صارت العرض في الانستقرام والواتس وتويتر
اغلب الطباخات يبداو بهذه الطريقة وبعد مايشتهرو جدا وسمعتهم تلمع وربي يرزقهم راس مال محترم
يفتحو محل او المحلات هي الي تطلب منهم يعرضو لهم منتجاتهم
والله يوفقكم ويرزقكم الرزق الحلال

بالتوفيق
استطيع مساعدتك بالتسويق لطبخاتك راسليني خاص

وعليكم السلام ورحمة الله وبركاآته .

إنتي صوري أطباقك وو أعرضيها ع الناس ف الواتس آو الإنستقرام
وآكتبي للطلب أتصل ع هالرقم . و من الأصل تطلعين لك رقم خاص بالمشروع
و الطلب يكون قبل بيوم آو يومين حتى توفرين الأغراض بدري
واللي مستعجل تزيدين عليه السعر ^^ .

بس خلي أسعارك معقوووله , وو بالتوفيق

وحده نجحت ونجمت ماشاء الله وعلى مستوى منطقتها وماشاء الله بس من ارباحها جابت شغالتين وسياره لولدها
عشان تتسوق لمشروعها وتستغني وتصرف على نفسها وعلى مشروعها بسخاء ماشاء الله
الآن منطقه مجاورة لها تطلب منتجاتها
واكثر شي اشتهرت فيه الحلويات والبهارات
اول حاجه اختاري اسم تشتهرين فيه مو اسم عادي سوي حساب واعرضي طبخاتك
واختاري ايش بتشتغلين بالضبط اتعاملي مع المدارس ولو ابدعتي بيبدا الطلب عليك من عميلاتك اللي كسبتي
وبينتشر اسمك
ممكن تتخصصين بالبوفيهات
حفلات النجاح والتخرج وحفلات الاطفال
اتعلمي طرق التقديم الجديده وابتكري وابدعي سوي بطاقات باسمك ورقمك وحساباتك وكوني جاده بالتعامل
وتعاملك راقي مع اي زبونه
اهم خطوة في المشروع هذا او اي مشروع انك تمشين خطوة خطوة
لاتستعجلين ولاترفعين سعرك واتميزي بحاجه مثلا نوع حلا مجاني مع الطلبيه وكل مازادت الطلبيه ارفعي مستوى الهديه المجانيه ترى الناس يحبون المجاني

وممكن بعد فترة تغيرين نشاطك لشي تفتحين كوفي نسائي مثلا او تعتمدين محل خاص فيك تنسيق حفلات مثلا

وتقدرين تتعاونين مع محل او كوفي تحطين حلوياتك عنده ولهم نسبه بسيطه