أهدي هذا السر لكل حبايبي في المنتدى
طبعا ما في وحده ماتحب تكون ريحة غرفتها نفس ريحة الخلة ( الخلة هي اسم شعبي ونعني فيه بالدوحة غرفة العروسين)
وصدقيني بتم الريحة أسبوع بالغرفة ..
جهزي الأغراض التالية:
العطور الفرنسية التالية والي ماعندها تحط عطورها الي هي تحبها :
-1-عطر انفي من جوتشي
-2-عطر جادور الذهبي من ديور
-3-عطر انشل من بوشرون
-4-ايجنت برافيكيتور
من محل أجمل تاخذين من عنده :
-1-تيتينيوم (ريحة مشموم )ريحان علبته نفس العطور الفرنسية
-2- 2 تولة عطر المشموم (على شكل زيت ويصبه لج في غراش صغار)
-3- غرشتين عطر فراش أسمها _ ليلة خميس_
-4- عطر فراش اسمه فدور
لما ترجعين البيت اكيد عندج ماء ورد أخذي ربع علبة ماء ورد واسكبي عليها نصف عطر لفراش ليلة خميس وواحد تولة عطر المشموم وأضيفي عليها العطور الفرنسية كل وحده منها ربع وفنجان عطر فدور وخلطيها
الحيني جيبي الشراشف عطريها بالعطور الفرنسية أولا بس العطور الفرنسية لحد ما تحسين أن ريحة دشت في خشمج بعدين جيبي المبخرة الي كأنها هرم حطي فوقها عبايتج وبعدين شراشف سريرج على اساس البخور ما يطبع بالشراشف المهم حطي أولا بالفحم العود العادي والعود المعطر أي نوع عندج تفضلينه حطيه تحت المبخر لما يخلص دخان العود عطري شراشفج بالعطر الي خلطتيه فقط ثم ضعي أي بخور أنتي تحبينه وخليه لحد ما يخلص دخان البخور ..
طبعا خلال ما الشراشف تكون على المدخن أنت يكون عندج كمية مشموم قطعي أوراقها وجمعيها على جنب ومهم جدا جدا جدا أنج تقطعين الأوراق من الساق وأنتي بالغرفة مو بأي مكان ثاني حتى الريحة تصبغ بالغرفة لما تجمعين الأوراق وتخلصين بتكون الشراشف جاهزة أول شرشف تحطينه على السرير حطي فوقه المشموم واطوي( أكفسي) الشرشف فوق السرير يعني بيكون الشراشف بدايته عن راسج ومن عن الوسط بيكو مطوي لين الراس يعني كأنك تغطين المشموم وعطري الشرشف مرة ثانية وحطي باقي شراشفج وبين المخدتين حطي شوية مشموم في كيس مفتوح حتى تفوح الريحة وقبل ما تنامون شيليه..
ولما تخلصين كل حاجة انثري المشموم في كل الغرفة ونزلي عليه هوا المكيف وامشي على المشموم رايحة جاية حتى تطلع ريحته وشبي فحم مرة ثانية وحطي فيه عود مع بخور وبعدها رشي من العطر الي خلطتيه على الشراشف من فوق على الستاير وفي كل مكان من الغرفة وبعدين صكري الغرفة واطلعي وارجعي بعد ساعة وشوي الريحة كيف ..
وصدقيني بعد ذيك الليلة الي بتطلبينه من زوجج بيلبيه لج وهو مغمض
ودعواتكم لي بالهداية والذرية الصالحة وأني أنحف 15 كيلو
فطومة2005 @ftom2005
عضوة
يلزم عليك تسجيل الدخول أولًا لكتابة تعليق.
رووووووووووووووووعه
جزاج الله الف خير فعلا احس الريحه فتاكه بتكون ويبيلها شهر لين ماترووووح
جزاج الله الف خير فعلا احس الريحه فتاكه بتكون ويبيلها شهر لين ماترووووح
الصفحة الأخيرة
الله يوفقك ويهديك ويرزقك الخلف الصالح والجسم الجميل