البالوظة - حلو سوري من تحت دياتي

السلام عليكم ورحمة الله وبركاته اخواتي


اليوم اشتهيت اكلة البالوظة وقلي زمان ماعملتها وهي اكلة حلو سورية خفيفة ومفيدة كمان وبتنعمل بالصيف والشتاء


وهي عبارة عن مهلبية وطبقة تحتها مهلبية برتقال او ليمون اذا شتا وتوت شامي اذا صيف واليكم المقادر والطريقة


المقادير: 2 لتر حليب- 2كاسة شاي الصغيرة نشاء يعني لكل لتر حليب كاس شاي نشاء-2 كاس سكر كمان بنفس الكاس وكم نقطة روح الورد او ماء الزهر بكيفك


الطبقة الثانية: لتر عصير برتقال بس فريش- كاس شاي نشاء - كاس سكر وبس
:)


نخلط مقادير الطبقة الاولى ونحطها ع النار مع التحريك المستمر والنار خفيف حوالي 40 دقيقة واذا ماعندك شي خليهن اكتر بس النار خفيف


والطبقة الثانية نفس الشي بس نراعي ان طبقة البرتقال تنطبخ اول وتتبرد بالبراد بالزبادي اول بعدين نعمل الطبقة التانية وصحتين وهنا اتمنى تجربوها وتقولولي وايقونة شكرا لو حبيتوا الاكلة