وقت البرد تكون الجمعة حلوة عند الضو
وهالجلسة ماتحلى الا مع شرب الشاي
وشرب الشاي ما يحلى الا مع الفطاير:)
وجلسنا ذيك الليلة الباردة جنب الضو وسوينا اللي في بالنا:)
الخطوات
شبينا الضو
وسويت العجينة عالسريع
طحين + ملح + سكر + حليب بودرة + زيت + حبة البركة + ماء حسب العجن
ما استخدمت الخميرة
رقيت العجينة
وحطيت التاوة عالفحم
وغوري الشاي على جنب
بعدما تتحمر نقلبها عالجهة الثانية ونحشيها بالجبنة البيضا والزعتر المخلوط بزيت الزيتون
ونسكر عليها ونخليها تتحمر من الجهتين
ونقدمها وبالهنا
بالعافية
ملاحظة: الطحين كميته على حسب اللي تحبين
مثلا اذا كان كوب استخدمي من كل شي ملعقة طعام ماعدا الملح والسكر ملعقة صعيرة
واذا كان اكثر فأكثر وهكذا