وش رايكم بمستشفى رعاية الرياض ((التأمينات ))

انا ولدت مرتين فيها وممتازه والمشرفه على ولادتي رغده واذا عن رغده ممتازه وفاهمه ماشاء الله وهي كبيره بالسن موصغيره يعني لها خبره بهالمجال والهنديه ولدتني بولادتي الثانيه والحمدالله زينه بس مادري نفس اللي تقصدينها ان شاء الله اكون افدتك والله يسهل عليك ولادتك ويسرها يارب

وانا بعد ابي اعرف كيف هي المستشفى زينه وله لا ودكتورة كيران كيف كويسه وله لا لاني بولد عندها

اب للفائدة :)

أول شي لازززززززززززززززم تاخذي بالك من الاسعار صحيح الفلوس تروح وتجي بس الحرص واجب دخلت على اساس طبيعي
وانتبهي ثم انتبهي لايقولون لك قيصيري
أنا بكريه وقدر الله ولدت عندهم رحت بفتح ملف قالو زحمه روحي اسعاف رحنا اسعاف وبدأ الشغل
وأنا داخله العاشر وخايفه ولاادري وش السالفه رحت لهم وبدأت الرحله
وعطوني طلق صناعي مرتين ولافاد واحد ونص الرحم انفتح وبعدين مادري وشو عطوني كريم شبيه بالطلق وخوذي وخلي من الكشف الى يعور والدموع الى تنزل وادعي ربي يسهلها اصبرو علي من الاحد الى الاربعاء وبعدها قالو قيصيري والله جوعوني وهم مايدرون طبعي ولا قيصيري وماغير التمر اختى الله يزوجها كانت تجيبه لي بالتهريب جا الاربعاء ودخلت العمليات وتخدير كامل
فقت وأنواع الاوجاع وقلت وين البيبي رد طبيب التخدير طيب طيب وزي القمر بسم الله ع قلبه وليدي
المهم جا زوجي وتحمد لي بالسلامه بس قال أن البيبي تعب شوي ونسبه السكر عنده منخفضه وضاق صدري وجلس بالعنايه والحمدلله مرت الازمه بسلام وأنا ماعندي سكر وكشفي طول الحمل ماشاء الله سليم بس لعبهم بي هو السبب أن البيبي تعب

الى سوت لي العمليه أروى العراقيه حبيبه مرررررره وفيه وحده دمها ثقيل أظن هنديه محفوظة اسمها
طاقم الممرضات حبوبات بس جيبي معك حلاو باونتي وتويكس وهالاشياء وعطيهم والله رايحين جاييين عندك وانواع الدلع
بس انتبهي من ريحه العطور

الحضانه كويسه ومااحد يدخل غير الاب والام

والله يقومك بالسلامه هذه الخلاصه لتجربتي

انا ولدت عندهم قبل 5 سنوات عنايتهم ممتازه واللي ولدتني دكتوره هنديه بس مو كيران
خياطتها حلوه
ماشفت شي مو كويس عندهم